مشورتكم بالهايلوكس الاردني ياليت اللي جربها يخش الموضوع

و عليكم السلام
انتي قصدك العادي و الا الدبل ؟
غمارتين دفع خلفي فل مواصفات خليجية
كويتي و الا قطري
ب75 الف قير عادي ايرباق فرامل ABS حساسات
فيبر حوض ديكور حول القير مراتب منفصلة جنوط المنيوم
فقط الخط يختلف و تلقى معارض تجيبه للسعودية بحول ال80 الف

عفوا" .... انت
المعذرة اكتب من الجوال

حياكم الله وشكرا علي الردود واللي ابيها دبل ٤*٤

الدبل خليجي سياحي ب75 او 80    فل ب90 او 95
اما اللي يبيعها فوق ال100 زود فلوس نفس المواصفات او اقل من الخليجي

ي رجال خذ لك قطري 2014 افضل من السعودي لاكن غير الخط ااذا تبيها خط سعودي 

خارج الموضوع 
واعتذر للصاحب الاعلان عندي موضوع محيرني 
كل مابي ابطل موضوع تجيني هل تنبيه  
.......................................................
لايمكن إضافة أكثر من موضوع خلال ٣ أيام!!!!!!!!!!!!!!!!!!!!
مع العلم انو عندي 41 نقطه مادري شالسالفه وتوني جديد بالموقع 
ياريت الاخوان يساعدوني جزاكم الله الف خير 

اﻻردني يفرق ع السعودي بازرار تحكم فالدركسيون + ثﻻجه + شاشه
والسعودي يفرق عن اﻻردني بدعامية + الخط يختلف + تخشيب لديكور +
جناح + حساسات والخليجي افضل من اﻻثنين ﻻانه ارخص منهم وجامع مواصفات اﻻثنين

الاردني  والخليجي غير مرغوب في السوق فكر في النقطه  هذه  السعودي  زبونه موجود  ولا تتعب في بيعه ولا يخسر ال2013 المستعمل النظيف من السعودي ماتلقاه باقل من  75 الف 

نظام المنتدى ماتقدر تنزل موضوع الابعد ثلاث ايام يعني اليوم نزلت موضوع تعال بعد ثلاث ايام ونزل الموضوع الثاني 

ولو كان عندك الف نقطه 

مشكور يالعم بو شهد 

اللي اعرفه ان الاردني يجيب الهايلوكس من الامارات لان بينهم وبين الامارات تجاره حرة..
ياخذ الهايلوكس منهم املط ويركب له اكسسوارات ويخليه فل كامل.
وعني لو باخذ هايلوكس خليجي اخذ بريمي بشهادة..
صح انه اقل الهايلوكسات من ناحية الاكسسوارات الا انه اقلها تلفيق.

السلام عليكم
خذ كلام مجرب
شريت هايلوكس بدون دبل من الجوف واول شي لاحظته ان الشغل والاضافات ابوكلب
رحت الوكاله عيو يدخلونها الضمان لان رقم الهيكل غير موجود في الجهاز
وعندك ريحة كربون تقول انها كابرس ٨٤ ولاكأنها اصفار وبعد
ثلاثه الاف ومحافظ عليها صارت ترج والسبب الجنوط من
ارخص نوع هم مركبينها وارصصها وترجع الرجه طبعا الاستبنه
جنط عايدي وهذا دليل انها مغيره  ولما كرهتها ونويت ابيعها وهي ماوصلت 
٨٠٠٠ كلم وهذا الطامه ونزلتها المعارض ويعرفون انها اردي تقول انهم شافوا 
ابليس هههههه ويشردون مني وبعتها بخساره وانا اضحك 
نصيحه لك ولغيرك ابعد عنها وخذ سعودي وتقدر تضيف نفس الاضافات حقتهم

رحال  حتى انا قبل  شريت لامبورغيني جلادو  اخذت قير عادي وللاسف تفصل على 140 
و قومتها الديمكس الديزل تقوم عليها تصدق 
كلام اتحداك تثبت موضوعك بصورة وحدة  فقط لا غير
ما عليك اخوي الناس ماشيه الحين مع الاردني  ومواصفاته اخو السعودي والعادي بدون دبل وصل سعرها 74 الف ريال 
وووو الدبل وصل سعرها 91  الف ريال   والسعودي وصل الــ100 الف ريال خذها وتوكل شف اغلب المعارض ما ينزلون
الا منها  وبخصوص السعودي وما سعودي  علشن الخط فقط لا غير

يا رجال ما عليك خوف واحد معه هايلكس 2013 اردينه دفرنسين 
والرجال راعي مزارع وبر واللسياره الى الان ما فيها شئ و ممتازه 
وكل شئ مثل السعودي حتى الفيبر اللي في الصندوق نفس السعودي 
الاختلافات في المسجل والدركسون الاردني يجي رباعي يعني مثل الجيب 
و اهم شئ فيه اللي هو abs

(ونصيحه ابتعد عن البحرينيه )

والله اني مواعد واحد بعد بكره باخذ موتره دبل دفرنسين اردنيه وقعدت ابحث عنها وليتني مابحثت لحسو مخي ذالعالم واحد يمدح وواحد يسب هههههههههه والله معاد عرفت بس اللي مطمني دقيت على واحد في المعارض يبيع جديد وسالته عن الاردنيه قال اللي عندي خلصت قلت طيب فيها مشاكل الاردنيه قال الا الحين سعرها وصل سعر السعوديه وهي اللي بعد السعوديه في القيمه والطلب عليها يتزايد ...والله يكتب اللي فيه للخير