أضف سؤال أو موضوع جديد          

انااعرف ان السياره مصدومه ورعيها يقول شد بلد ومخزن

up 12 down 5
ابوحامد999 36
قبل 7 سنه و 2 شهر



السلام عليكم

هذا اولى موضوع لي طبعآ هي سياره معروضه للبيع ولا بذكر عنها اي تفاصيل حتى اللون

انا كنت اعرف واحد قبل فتره وكن معه موتر محترم وشبه فخم المهم الرجال لعن والدي الموتر تعديل وتبريز وكل شي
حتى ((فاصل العداد )) طبعآ بتقولون سيارته وهو حر انا معكم شوفو وش صار معه
المهم السياره كان يفحط عليها وجيته من الوكاله مصدومه وقد صدم عليها وصلحها 
وقبل تقريبآ 3 اشهر لقيته معلن عنها في الموقع وعرفتها المهم الرجاء يقول شد بلد ولا فيها اي شي 
وذاكر موصفتها و الممشى ماهو مديلها ولا يقول مخزن بالله وش رايكم فيه المشكله قيمة السياره في السوق تتعدى 100 الف
والله يخوان اني انصدمت يوم شفته اعلانه ولا ابغى اضللم الرجال يمكن بيعلم المشتري ولكن هل بيقوله ان العداد مفصول!!
ولا اعرف ممشها الحقيقي !!!!!وانه كان يفحط عليها وكان مبرز الكفرات!! وملعون خيرها!!

رايكم في الموضوع وحبيت اطرحه للنقاش وش السواه معهم وكيف نكشفهم !!ونكشف نصبهم
 انا والله لو ماعرف السياره لاقول ذي وكاله
في امان الله









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فهمه ان الي يسويه حرام وفي ذمته والمال الي بيجيه حرام .. انت لك الاجر وهو ان شاءالله يستحي على وجهه ويغير اعلانه لان هذا غش


up 7 down 1
al_orainy 56
قبل 7 سنه و 2 شهر



انا مقابل انت بالكرامه هنا في الموقع
اكلمه بالجوال يقول سيارتي مافيه مثلها وكاله ونظيفه وحدي فيها كذا قلت دامها وكاله ونظيفه تستاهل
اخذت المكنيكي طلع التريبو يحتاج تغيير + تهريب زيت + لمبة التشييك والعه + لبمة ABS
+ بلوف الفرامل + لمبة ما عرفت وشي حقته علامتها كذا ( ! ) الطبلون كله تحذيرات
التريله وهي شغاله كان السلف شغال
السياره بختصار ما تسوا وكان حادها علي 75 وهي ما تسوا 50
سحبت عليه قام رجع حدث اعلانه وكتب الحد 80 والسياره قير مكينة على الشرط
كذاب الله لا يوفقه ولا يرزقه فيها ويجعلها تنشب في نحره لين يموت


up 4 down 2
ساقي العين 322
قبل 7 سنه و 2 شهر



رأيي أنك تنصحة وتقول له أنه هذا غش وفلوسه بتكون حرام وإذا أصر على إعلانه وما وضح شيء فنصيحتي لك تركه لأن هذه العينات ما تخاف الله ولا تأمن غدرها مستقبلا

وإذا غش واحد بيدعي عليه وتبقى في ذمته




up 4 down 1
مفقود 955
قبل 7 سنه و 2 شهر



من غشنا فليس منه



up 1 down 1
ggaazzaazz666
قبل 7 سنه و 2 شهر



اللغة العربية في خطر شديد -__-


up 7 down 8
صهيب أحمد 31
قبل 7 سنه و 2 شهر



والله انو كان عندي سيارة مرسيدس وكنت خسران مبلغ كبير بمايقارب ال16 الف وبلا فائده والله ومشاكل واعطال ويوم اجيت بيعها
والله وضحناله كل شي وحتى مافحص قلناله السيارة تعبانه وفيها وفيها وفيها
واخدها وهو مبسوط والله رغم كلشي فيها بس لاني ماغشيته وماشاء الله والله يوم كانت معي كل يومين بيطلع فيها مشكله اما معه 
لليوم ماشية معه وماصار فيها غير عطل واحد من يوم مااخدها ربي يهنيه فيها 


up 2 down 2
أنس البلخي 79
قبل 7 سنه و 2 شهر



مافيه واحد بيعلم المشتري عن عيوب موتره بيقول انه مخزن وشد بلد لأن محد شاريها منه اذا كانت هاذي بلاويه ومتستر عليها


وهاذا عقابه عند الله عسيرررر


الحل اذا كان اعلانه موجود هنا في موقع حراج تواصل مع احد المشرفين وبلغه بكل شي وقل انا فاعل خير وخلهم يتواصلون معه خاااااص واكيد اذا تواصلت معه ادارة الموقع وهددته ان عضويته تنلغي او ينحط في القائمة السوداء اكيد بيخاف ويمسح الاعلان او يعدله


او الحل الثاني انك مثل ماقالوا الشباب تنصحه ان اللي جالس يسويه غلط وحررررام ومرده بكره بينغش في سيارة حتى لو كانت جديد ولا بيت ولا غيره ويمكن ربي يبلاه في موتره الجديد وتظهر له خرابات مايدري من وين



لكن لاتسوي الحلين مع بعض بمعنى مهب تروح تنصحه وتبلغ الادارة كذا بيقول هو اللي بلغ وبيحقد عليك


انا اشوف افضل حل تبلغ الادارة وكنك ماتدري عن الموضوع ولا تكلمه ولا شي وهم يتصرفون


up 3 down 2
a.ibrahem 3169
قبل 7 سنه و 2 شهر



مجرد حط نفسك مكان الشخص اللي شاف اعلانه وعلى نياته ويبي يشتريها 

بحكم نظافتها وممشاها القليل 

ترضاها لاخوك المسلم ينغش من انسان مثل هذا ؟؟ 

وماقصرت اقل شيء جيت تستشير وتسأل عن حلول 

والرجال يقدر يبيعها على اي احد برا الموقع و يغشه بس وين بيروح من ربي؟؟؟


يعطيك العافية ع كل حال 


up 2 down 3
alkathiry 706
قبل 7 سنه و 2 شهر



انا رايي تتواصل معه على الخاص وانصحه 


up 1 down 3
ngk_2 168
قبل 7 سنه و 2 شهر



اذا انتو صادقين شهرو فيهم في موقع حراج وحذرو الناس منهم وين الامانه والصدق 


up 3 down 1
عليان الملحاني
قبل 7 سنه و 2 شهر



لاحول ولاقوة الا بالله


للاسف البعض بالحلف ياكل الحرام وبكلمة الله التي تعني صدق التعامل والتاكيد مع العلم لو انه صدق قد تباع بشكل اسرع

عرضت سيارة مره وكان الكثيرين يسومون السيارة وقلت لو ما جابت السعر اللي براسي ما راح ابيع

والغيت الاعلان وبعد فترة عرضتها في ملصق باحد الامكان واتصل على شخص وطلع خبير بالسيارات وقال قلي كل مشاكل السيارة وقال بشوفها مر علي وبعد فحصه هو دفع عربون 2000 وبعته

اقسم بالله نزلت له من قيمتها علشانه محترم وتعارفنا على بعض واستشيره في بعض الامورويكفيني انه دعا لي وانا باركت له


up 1 down 1
amh2222 417
قبل 7 سنه و 2 شهر



يارجال نزل رقم اعلانه هنا هالاشكال ما يبيلها الا التشهير وترى الساكت عن الحق شيطان اخرس



up 2 down 1
ابوخلوودي1 5070
قبل 7 سنه و 2 شهر



انا من راايي تكلمه على الخاص وتتاكد


up 0 down 1
مراجل 194
قبل 7 سنه و شهر



صارت لي سالفة كذا .. شخص في حراج منزل اعلان لسيارته وانها نظيفه ومن هالكلام, كلمته واتفقنا على السعر 90 الف بعد ماسألته عن البدي والمحركات
يقول ابد مافيها اي شي بس "سحجه" بالجنب اليمين قلت كيف سحجه يعني ؟ قال سحجه ! قلت يعني مرشوش ولا مسمكر ؟ قال لا فقلت اكيد يقصد مخش او عفط بسيط
اتفقت معه على كل شي ورحت استأجرت سياره ورحت له من الرياض للدمام هالكلام كان برمضان ويوم الاوف حقي انحسنا ذاك اليوم واول ماوصلت للدمام الظهر رحت للبنك وسحبت الفلوس لأني مواعده بعد العشاء مباشره والبنك بيقفل, بعد العشاء رحنا لمعارض الدمام وفحصنا السياره طلع الجنب اليمين مرشوش كامل والباب فيه معجون ومسمكر !!!!!
وزيادة الطين بله القير فيه مشكله بعد.. قال مادريت ولد خالي شريت منه السياره قالي مافيها شي !

مشيت وخسرت السكن ذاك اليوم وقيمة اجار السياره والكيلوات الزايده وتضييع وقتي والسفر بدون اي فايده
من زين الطبايع كلمني يقول تبيها بـ 88 خذها !


up 0 down 1
rakan88 67
قبل 7 سنه و شهر