أضف سؤال أو موضوع جديد          

حل موضوع الحراره للكرسيدا حقتي بالصور

up 20 down 4
احمد شريف 3176
قبل 7 سنه و 8 شهر



السلام عليكم ورحمه الله وبركاته
كيفكم ياخوان عساكم بخير
الحراره عندي الربع او السي بدون مكيف اما مع المكيف عالنص او تحته بشرطه ماتذكر وتثبت علما ان راعي السياره قالي طبيعي ويمكن بعدها يفصل المكيف ويقلب حار هاذا اول ماكتبته باعلاني القديم
وغيرت الرديتر بحكم ان السياره ماخذه واجهه وصلت لرديتر المويه ولحمه راعيه مكان كبير وسابه لي
رحت لبني مالك شاف الرديتر قال هاذا ماينفع لازم تغيره وقالي الحراره ماتكون النص ابدا رجال كبير بالسن وشغله معروف فك المسكات حقت الرديتر مادري ياش اسمها
وشاف الرديتر من الحواف الحافه اليمين في ضربه وصارت المويه ماتدور من نفس المنطقه الى بصعوبه قالي غير الرديتر
دبرت قرشين والله بالقوه ورحت نزلت واشتريت رديتر صيني طبعا الاردني سيئ والكل يشتكي منه طباته تهرب
لانها طبات تتركب بالاردن وهو نفس رديتر الصين بس تجميع اردني وتجميعهم ماينفع نوعا مااا يهرب المويه
واشتريت الصيني بالمناحله180ريال سالته عن رواح خارجيه قالي في توليف صيني قلتله مابغاها سيارتي فيها حراره
مراوح مساعده ماتنفع لازم مروحه اساسيه ركبت الرديتر الحراره تحسنت بشكل خفيف بس المشكله نفسها توصل للنص 
بالظهر وبالليل وباي وقت ولازم اطفي المكيف تنزل وارجع اشغله اذا ماطفيته ترتفع عن النص وتولع السياره واخاف الراس يروح علي
كلمت الوالد نافخ فيني انا اشتريتلك سياره مو شغلي تصليحها اقنعته ان المكينه بتروح علي لان الراس ماحيتحمل
حراره فاخذت بالعافيه 100ريال نقزت ليله الخميس لغليل في محلات تبيع مراوح مستعمله شافو مروحتي قالو صينيه ضعيفه ماتنفع لازم تركب ياباني 
رواني مروحه كورولا94حتى2000الشكل القديم تجي 4ريش جربها لي تبريدها ممتاز لايعلى عليه قالي 130
انصدمت وقلت الله ليش مستعمله و130قالي يابانيه واصليه وفي حق كرسيدا قراندي6سلندر190ريال وقال وقويه والكلام ده مشيت من عنده
رحت لغيره نفس السعر ومروحته تطلع صوت قعدت الفلف لف 5محل لقيت عنده وحده ماشاء الله عليها ممتازه
تبريدها حلو قالي 130متفقين كلهم قلتله ماينفع ومدري ايش تعرفو الهنود هات سعرك قلتله 100ريال قال انا جمله اجيبها 95ايش 100قلتله خلاص بشوف غيرك بس المشكله عجبتني مروحته ممتازه لسه فيها روح
وانا ماشي قالي تعال خذها اعطاني ضمان3ايام ضد اي عطل قلتله خذ الميه اعطيته بسرعه قبل لاستلم المروحه
هههههههههههه تحمست رجعت البيت نزلت تحت السياره قعدت شئ ونص ساعه اركبها واحاول فيها وبالنهايه ركبتها
الحراره وين ووين تحسنت الحمدلله ماتوصل للنص ابدا تحته بشوي بسيطه دايما والمروحه صوتها حلو وممتازه بالتبريد وضمانها اليوم راح انا ثقتي فيهم فوق الضمان
ماعلي دامي ركبتها صح وشديتها صح باذن الله حتعيش 
وبالنسبه الي يقول مافي داعي المروحه الخارجيه مهمه جدا ياجماعه الخير لاي سياره انا سيارتي ماله مروحه اساسا
بس لمن ركبت الخارجيه ارتاحت المكينه مرررره واي سياره بتسوي الحركه دي بترتاح السياره وهو يشيل 
من راسه هم الحراره
والصور تثبت كلامي المكيف شغال له فتره طويله والصور تثبت كلامي الحمدلله والشكر تخلصت من مشكله الحراره اول صوره بعد ماقدت شغاله فتره طويله والباقي لها ربع ساعه او اقل بالزحمه طبعا واخر صوره الحراره القديمه
والاخيره كنت بعزمكم بس مالحقت من طبخ يدي سخنت العيش وطبخت البيض وقطعت الطماطم وهاتك تفجير
ههههههههههههههههههه

















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طبعا تركيب المراوح من فوق ساعدوني اخوي وصاحبي وانا من تحت اثبتها والحمدلله تيسرت من الله



up 1 down 1
احمد شريف 3176
قبل 7 سنه و 8 شهر



الحرارة طبيعية لا توسوس


up 0 down 0
شبح 600 sel 6082
قبل 7 سنه و 8 شهر



اوووووووه اسف ما انتبهت


up 0 down 0
شبح 600 sel 6082
قبل 7 سنه و 8 شهر



اعجبتني  بعملك  الله يوفقك


up 0 down 0
gbran403 589
قبل 7 سنه و 8 شهر



الله يعطيك العافيه ويرزقك من حيث لاتحتسب ..


up 1 down 0
fx2y -207
قبل 7 سنه و 8 شهر



ما شاء الله عليك
شاب عصامي الله يرزقك من واسع فضله


up 1 down 0
أبو نجوى 2443
قبل 7 سنه و 8 شهر



أوه مشاللة عليك اللة يعطئك خيرها ويكفيك شرها وأللة انك ذئب اخوي عندي الأفضل تشوف بلف الحرارة موجود خله موموجد لأمن اللة رزقك غيره عشان تضير الحرارة ثابته ليل نهار مكيف بدون تصير ثابته وأللة يوفقك ويرزقك اخوي اذاا انت من مكة اطلع كد ع الموتر بفترة الحج فيها خير من اللة ودائما ادع ربك وتفائل بالخير وبالتوفيق 


up 1 down 0
mhmad89065 88
قبل 7 سنه و 8 شهر



اهلاً وسهلاً 
اخوي شغلك ممتاز بس حاااول تجمع فلوس وخذلك مروحه مرسيدس بنز افضل من هذي بشي 
كثير واكبر وتجي حكم على الكرس


up 1 down 0
نادرالزهراني 429
قبل 7 سنه و 8 شهر



هنا وعافية عليك واهنيك على حماسك ما شاء الله تبارك الله عيني علسك يارده
وتستاهل اللايك


up 2 down 0
ابوخلوودي1 5070
قبل 7 سنه و 8 شهر



سلام عليكم 
ياذيب زهران 
مروحة البنز تركب ع فورد ٩٧ توليف قصدي زيادة
لاني شريت مروحة فكتوريا ٢٠٠٧ وقلي الكهرباي ماتركب لان مالها محل كبيرة 
وتورطت فيها 
هل لو شريت مروحة بنز تركب 
وسلامتك


up 1 down 0
الكريك 176
قبل 7 سنه و 8 شهر



ماشاء الله يعجبني الله يهتم بسيارته واللي يعجبني اكثر

اللي يشتغل بسيارته بيده

وعقبال ان شاء الله مليون كيلو بدون مشاكل

والله يعطيك خيرها ويكفيك شرها

وتستاهل +1


up 1 down 0
amear 1347
قبل 7 سنه و 8 شهر



جميل جدا 
الله يرزقك وتشتري لمبرقيني 


up 1 down 0
ابو فرهود 357
قبل 7 سنه و 8 شهر



حركات ابو حميد مشاء الله تبارك الرحمن .. والله فرقت كثير 
بس كيف اقتنعت وانت ماكنت تشجع ع الترهيم والاضافة ودايم تقول ههههه خلي كل شي ع بلده
حلو الواحد يغير افكارة اذا كانت ع غلط .. ومايكون متصلب
 
وانا بعد عندنا كرسيدا 95 XL الحرارة فيها نفس مستوى الحرار الي بالصورة الاخيرة مع المكيف
بس انت كذا شجعتني اسويها
وافكر اللغــي المروحة الاساسية الميكانيكية بكلاتشاتها وسلاطاتها ...... واحط 2 مراوح كهربائية زي حق الكامري
لان المشكلة بالمروحة انها بعيـــــدة عن اللرديتر بمسافة كبيرة وماتستفيد منها السيارة والريش قليل

عشان كذا عدلوها بالاجيال الي بعدها بمرواح 2 كهربائية وقريبة وملصقة بللرديتر والفايدة هنا تكون كبيره  


بس سؤال صغير
غرفة الكرسيدا الكبية ،الديكورات الداخلية كااااااملة طبلون وكراسي فين احصلها ،؟؟؟ وكم ممكن اسعارها 

واقدر اركب عداد GL الي فيه RPM علي الـ XL ؟؟؟

واقدر اغير القزاز من هندل الي كهرباء ؟؟؟

لان براسي مشروع تجديد كامل للكرسيدا . واحتمال انزل عليها مكينة لطزز V8 .. بس ابغا الخسارة ع شي يستاهل من والي خارجي وداخلي ؟؟؟

اتمنى حد يفيدني باي شي ~_~
+1


up 1 down 0
aziz..747.. 2421
قبل 7 سنه و 8 شهر



شغل ممتاز اخوي بس يجب تركيب كتاوت يشتغل مع المكيف او مع تشغيل السيارة اذا كانت الحرارة ترتفع بدون مكيف لأن المراوح الكهرب تسحب تيار كتير وتسبب حريق في الضفيرة ولذا تركيب فيوز ضروري لحماية الضفيرة عند سحب تيار كهربائي كبير بواسطة المروحة وشغلة الكتاوت سهله جدا وأي واحد يقدر يسويها ولو فريت النت سوف تجد طريقة تشبيك الكتاوت


up 1 down 0
300te 25
قبل 7 سنه و 8 شهر



انا مركب مروحة قراندي وتمام الحراره ماشاء الله في عز الظهر مع المكيف ماتوصل ربع 


up 0 down 1
عضو 2284 -1
قبل 7 سنه



اخوي (عضو2284) انت مركب مروحه قراندي وين قدام الرديتر ولا مكان المروحه الاساسيه ؟ 


up 0 down 0
fisal _khalid
قبل 5 سنه و 8 شهر