هل تتحمل يارس 2008

والله اذا السياره نظيفه وامورها طيبه تتحمل ليش لا 
توكل على الله وانتبه من السرعه وانا اخوك وتوصل بالسلامه ان شاء الله 

انت اعرف بموترك ونظافته 

اذا السياره مافيها اي اعطال بتوديك الرياض وتجيبك 
انت اهم شي غير زيت للسياره وشيك على الكفرات 
واذا وصلت الرياض وخلصت امورك خلي السياره ترتاح على الاقل ساعتين قبل لا ترجع لمكه 

حمار كرف الله يكرمك اليارس اهم شي تكون نضيفه
وقطعها متوفره بالمحافظات بعد يعني ﻻ تشيل هم القطع

وثاني شي اذا تبي سفريات نا انصحك فيها هي حقت بلد

اذا تبي سياره للسفريات والبلد و رخيصه
خذلك فرخ شبح e320 بس تكون نضيفه 

اذا الموتر نظيف ودورة التبريد في المكينة ممتازة وفعالة 100% بتوديك وتجيبك ولا عليها الا العافية اهم شي انتبه من السرعة الزايدة اولا انها خسارة عليك ساهر وغثى ثانيا السيارة ما تساعد على السرعة وتنجهد المكينة مع السرعات العالية ثالثا السرعة مافيها خيرررر


ترفق ودرب السلامة

إذا كانت قير عايدي تتحمل أحسن من القير الاتوماتيك ، لكن سرعتها بالكثير لا تتعدى بها 130 وفي الطلوع والنزول ما تنفع نهائياً .

أخوي عنده يارس 2006 قير توماتيك، راح من الرياض للمدينة لمدة أسبوع ورجع للرياض ومعاه شخصين 

بس ما أحس السيارة من إختصاص السفريات، فقط داخل المدن، أفضل لها وللمحافظة عليها من ناحية الكرف بالخطوط الطويلة 

أنا معاي يارّس قير عادي 2008 ولو نويت أسافر ماراح اسافر فيها (وجهة نظر)