أضف سؤال أو موضوع جديد          

كشف احتيال

up 23 down 0
ابومعتز505 119
قبل 6 سنه و 7 شهر



السلام عليكم ورحمة الله وبركاته
حبيت اضيف هالموضوع لجل الحذر والانتباه حتى لا تكون اخي العزيز عرضة للاحتيال الرخيص الذي يقوم به بعض ضعاف النفوس
وهذي القصة صارت معي بعد ماغيرت كفرات جديدة لموتري جاني الفني وقالي طلع موترك على الميزان حتى نشيّك لك عالوزنية
قلت له مايحتاج خلاص عطني الفاتورة خلني امشي (وانا بيني وبين نفسي متأكد من موتري واصلا بغيير كفرات لاني مصلّح الميزانية في مركز معروف ومعي ضمان عليه ساري)
قال يارجال هذه خدمة نقدمها للزبون وهي مجانية تتطن بيها بس على الميزانية.....
المهم قنعني وطلعت الجهاز وبعد ماركب الاجهزة قال شوف عندك انحراف واجد وبدا يخوفني انها تخرب عليك الكفرات والعكوس ووووو
انا بيني وبينكم صابني شك وصفنت فيها واشوف الشاشة يعطي في غلط في الميزانية
سألته كم يكلف (ستفسار بس وأنا ناوي ارجع للمركز...)
قال 450 قلت لا واجد وبدا ينزل ويفاوض وانا اتعذر مرّة اقله مستعجل ومرة اقله بشوف وبرجع....
حتى انه صار ينزّل بالوقت ههههههه يقول ما أأخرك مرة تصلي وترجع تستلمها....يحسبني ما ادري ايش يعني ميزانية
وبعد كل المحاولات منه وانا ارفض فقد الامل وراح يكلم زبون غيري شاء رب العالمين اني امر جنب احد الكفرات الي معلق عليها احد الاجهزة (كما فالصورة) وتضرب عيني على الجهاز وكان راكب ومبتعد عن الكفر من الاعلى بقدر 2سم تقريبا جلسته وناظر الشاشة الا اشوف اللون الاحمر تغير الى اخضر والارقام بدت تصفر ناديت للرجال وقلتله ها شوف احمر وجهه وبدا يمغمغ ويتعذّر ويقول انه غلط مالتركيب ومدري ايش ...
ولاني مستعجل قتله حصل خير ورحت...
وبعد ما وصلت البيت عرفت الملعوب الي كان ناوي عليه انه يحلحل شوية صواميل ويشدها ويظبط الجهاز المايل ويسلخني 400 ريال والي اكدلي نيته انه لما قلتله اني مستعجل نزلي بالوقت حتى عشر دقائق
انتبهوا اخواني من هالاشكال ودام انك متأكد من موترك لايحدف ولاياكل كفرات لا تأمن حتى بأبو الكمبيوتر
ختاما اعتذر عالاطالة وتعطيل وقتكم
والصورة للدلالة مأخوذة من النت وليست من تصويري

والسلام عليكم ورحمت الله وبركاته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير الجزاء على..التنبيه


up 2 down 0
تاجر الامارات 332
قبل 6 سنه و 7 شهر



ياسلام ياسلام نصب حسبي الله عليهم ونعم الوكيل

لعنة الله عليهم ،،
انا مثلك ركبت كفرات وقالي اليماني اطلع للميزان نشوف المشكله قلت الموتر مابه شي قال افضل علشان نتأكد ولاكن طنشته ومشيت ،، ومافي الموتر شي ولله الحمد لامسحيه ولاحذفه

حراميه الله لايوفقهم

وشكرا لك على النصائح الطيبه ،، لازم ننتبه


up 4 down 0
امير الاصيل 1714
قبل 6 سنه و 7 شهر



جزاك الله خير على التنبيه 


up 2 down 0
elegant 731
قبل 6 سنه و 7 شهر



المفروض ماتتركه لو مالك منازل السياره لين تجئ الشرطة صح انك سلمت منه لكن كم واحد غيرك بينظر  لكن عذرك معك دام مستعجل 


up 4 down 0
المدردب 47
قبل 6 سنه و 7 شهر



شاكر لكم مروركم ومشاركاتكم العطرة ووالله يا اخي المدرب ماكنت بتركه بس غلطي اني ماوثقتها بتصوير فديو حتى اشكيه ويكون معي برهان ادانته


up 2 down 0
ابومعتز505 119
قبل 6 سنه و 7 شهر



مظبوط اخوي كلامك
قبل يومين ركبت كفرات جديده القصه بدت معي من قبل اركبهم اول شي اعطاني سعر مغري للكفرات يحسبني غشيم لما شيكت على تاريخهم لقيته 2012 قلته ليش قال لا احنا نعطيك ضمان سنه بعد التركيب وزي ماتعرفون انه سالفة الضمان انها نصبه ايش مايصير معك بعدين بيقولك سوء استخدام ماهو عيب مصنعي المهم ركبت كفرات قال لي لازم ميزان رفعو السياره وبدون ذكر اسم اي جنسية قال لازم تسوي ميزان وبذات للكفرات الخلفيه وبيكلفك 400 قعدت اضحك وقلت له شكرا نزل السياره وصارت معي نقس قصتك
عموما ربي يصلح حال ونفوس البشر اللي صارت ماتخاف الله



up 4 down 0
zizo202 345
قبل 6 سنه و 7 شهر



اسف على الاطالة


up 1 down 0
zizo202 345
قبل 6 سنه و 7 شهر



جزاك الله خير على التنبيه +1 لايك للجميع


up 3 down 0
Abu-Nawaf 338
قبل 6 سنه و 7 شهر



شاكر مجهودك ماقصرت. ولكن ملاحظ هالايام كثر النصب وكثر ضعاف النفوس الله يصلح الجميع


up 1 down 0
ngk_2 168
قبل 6 سنه و 7 شهر



والله ماعلمو اجانب على نصب الا جماعة فلييص سوريين نصابيين  حتى سيارة يسرقون منة اذ كانت جديد ام قديم يخربون حاجات اخرى حتى سيارات الزبون يستعملون لمشاوير الخاصة لهم 


up 2 down 10
عرعر4 -64
قبل 6 سنه و 7 شهر




لاحول ولاقوه الا با الله. كيف كيف يرضا ياكل ريال حرام.  كيف. لاحول ولاقوه الا با الله


up 2 down 0
مراجل 194
قبل 6 سنه و 7 شهر



انا من يوم شفته يقول التشييك بلوشي وانا غاسل ايدي


up 0 down 0
احمد 144 -168
قبل 6 سنه و 7 شهر



لا حول ولا قوة الا بالله ...لعنة الله على كل من ياكل اموال الناس بالباطل


up 0 down 0
300te 25
قبل 6 سنه و 7 شهر



تمام عليك احذروا منهم حسبنا الله ونعم الوكيل
يجي متغرب من بلاده يبحث عن الرزق ويجمع اموال الناس بالباطل والنصب 
الله يهديهم


up 0 down 0
ابوثامر969 5
قبل 5 سنه و 10 شهر