أضف سؤال أو موضوع جديد          

تم حل مشكلة خلل مكيف الكامري 2007-2011

up 7 down 2
mt3b bn man8or 437
قبل 7 سنه و 8 شهر



السلام عليكم ورحمة الله وبركاته اخواني انا قبل عرضت مشكلة الكمبرسر للكامري 2007 يفصل ولا يبرد ودايم يعانون منه اصحاب الكوامري وسعر الكمبرسر مثل ما انتو عارفين غالي ومبالغ فيه وحتى لو شريته من الوكاله ماراح يعطونك ضمان عليه ويمكن يمشي معك كم شهر ويخرب لانه يكون شغال دايركت مع المحرك والحل رحت الصناعيه القديمه عند ورشة القحطاني تخصص كمبرسر وتكييف لقيت عنده ترهيهم كمبرسرات وقال لي برهم لك كمبرسر 2002 بس بنفس المكره حقت 2007 مو مثل اغلب الشباب ترهمه دايركت تم تغيير رديتر المكيف لان كان عندي تعبان شوي وتنظيف المواسير وعبينا زيت كمبرسر مع فريون وعليه ضمان 25 يوم اي خلل يتحمل مسؤليته والحمدلله النتيجه دفع المكيف صار قوي مشاءالله فائق البروده يكيفيك مستوی 1 فقط من قوه التبريد كلفني الشغل كامل مع القطع ومع رديتر المكيف جديد 1200 طبعا الرديتر خذيته صيني بحكم تجربتي معه سابقاً ماعانيت منه واي استفسار انا حاضر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله

انا.توي الحمد لله مرهم كمبوريسر كامري 2006 على 2008
مع ضمان شهر .. الاشياء اللي لابد تتغير مع الكومبريسر
1/ رديتر مكيف 350ريال. جديد دينسو 
2/ سير مكينه خارجي 250 وكاله

كلفني القطع مع الشغل 1800 ريال

انا.سالت واحد شيبه زحمة السيارات عنده و هو فنان تبريد
يقولي تبغى ترهم .. رهم 2006 لان له قطع غيار و يركب بمكان الكمبروسر
القديم بس يحتاج قص بالمواصير فقط
اما ال2002 لازم يفصل له قاعده عشان يثبت عليه

لذلك ال2002 او 2006 كلهم جيدين
وانا اول مره بحياتي ادفع 1800 وانا راضي و مبسوط 


up 1 down 2
w176.amg 2014
قبل 7 سنه و 8 شهر



الحمد لله . الامريكي طيب وامورنا ماشيه . والقطع وكالة رخيصه ويالله لا تغير علينا  هههههههههه


up 2 down 2
مستريح البال 1 1780
قبل 7 سنه و 8 شهر



1800 ههههههههههه 

انا كريت 5000ريال على مكيف لاندكروز قبل اربع سنوات وللحين مانسيتها كله المكشله بسبب الاديتر مكتوم واحرق الكمبروسر واعدم ثلاث ثلاجات


up 0 down 1
ابو راكان تبوك 956
قبل 7 سنه و 8 شهر



هلا اخوي بالله تقدر توصف المحل عدل انا ان شاء الله رايح اليوم ...عندي افلون موديل 2000 ومافيه تبريد ابد ورحت
للصناعية القديمة وقالوا نصلحه لك ب2300 ريال ...


up 1 down 0
gmcbigblock 620
قبل 7 سنه و 8 شهر



اخوي وين مكان الورشة 


up 1 down 0
فهد الريااض 333
قبل 7 سنه و 8 شهر



موقع الورشه الصناعيه القديمة وانت جاي من طريق الخرج تطلع الكبري وأنت نازل بتجيك محلات زجاج السيارات على يمينك وتجيك اشارة ساهر خذ معها يمين وسيد اول ملف يسار صغير دخله الصناعيه ثم تلف يمين وسيدا تقاطع اطلع سيده فوق طلعه شوي بيجيك تقاطع تعداه تلاقيها يسارك ورشة القحطاني بجانب ورشه جوهره الشام


up 3 down 1
mt3b bn man8or 437
قبل 7 سنه و 8 شهر



توو دافع 4090 ف كمبروسر كموورتي

اخوي عندي سؤال

هل الرديتر تبع المكييف يرفع حرارة السياره ؟؟؟




up 1 down 0
rraadd4 126
قبل 7 سنه و 8 شهر



والله اخوي الرديتر تبع المكيف اذا كان خربان ومتشقق غيره افضل لك عشان يتهوی ولا يكون متسدد 


up 1 down 0
mt3b bn man8or 437
قبل 7 سنه و 8 شهر



حبيت اضيف  الافلون والاوريون ولكزس es يترهم لها حق 2002 
انا كلفني 1200  احد يخبر حل تنظيف الثلاجه بدل فك الطبلون كامل لاني خايف ااذا رجعتها يطلعلي اصوات 
سيارتي كامري 2007


up 0 down 0
ابوعابد_1414 1201
قبل 7 سنه و 8 شهر



المكيف ذا شغلته عويصه


up 0 down 0
يوسف الهلالي
قبل 4 سنه و 2 شهر



السلام عليكم ورحمة الله وبركاته 
مساء الخير للجميع 
اخواني انا سيارتي كامري2011 وطلع عندي مشكله بالحساس حق الكمبرسر 
ورحت عند ورشه تستورد قطع غيار من دبي وشفت لي كمبرسر كامري 2006 
قالي ارهم لك ترهيم هل يضبط معي والا يغثني ارجو افادتي لانه مكيف سيارتي طفشني والله وشكراً لكم 


up 0 down 0
saud2700
قبل سنه و 11 شهر



هذا جوالي للتواصل 0559558119
ابو تركي لان هالموقع اول مره ادخله صراحه 


up 0 down 0
saud2700
قبل سنه و 11 شهر