أضف سؤال أو موضوع جديد          

اقتراحات طلعت من راسي . جميله ان شاء الله

up 6 down 3
مستر12 861
قبل 4 سنه و 7 شهر



السـلام عليكم ورحمة الله وبركاتة .

اخباركم . يا شباب . اعلومكم طيبين .

طبعن . اتاني تفكير.  وانا في طريقي مسافر الى  مدينة الرياض . طفشت امشي شوي شوي عشان ساهر.

شفت ساعه كانت في الطريق مادري وش حقته .رقميه .  . وسهيت با الطريق حتى وصل تفكيري لـ اليابان . 

وطلعت لي فكره . جميله لو يطبقه نظام . ساهر .  كان افضل له . ولنا

طبعن الي عندي اقتراحين.

الاول هوا نظام . ساهر .    كما قلت لكم  كنت افكر با الطريق . اقول .

ليه مايحطو . لوحه اكترونيه زي التلفزيون . على مخرج . المدينه .التي خرجت منه  ويكتبو . فيه .

يوجد مثلا 7 ساهر في الطريق ارجو الحذر   ( مثل الي في الصوره) .  

اعتقد  انا . يعني بتخلي السواقين ينتبهو .ومايسرعو . ومنه الي كذا وكذا يخف التصوير ان شاء الله .

وبس .

الاقتراح الثاني .

ليه مايغيرو اشياء بسيطه با السيارات بكل مديل .

يعني  مثلا مديل 2010 .عادي نزل جديد .. مديل 2011 . يغيرو اشياء بسيطه يعني . مثل لون . 

يكحلو شمعات يسودو شمعات يرشو شبك يحطو شبك سبورت رياضي وكذا . 
مو افضل .  يغيرو مكان اليد . مثلا اذا يوجد .  وكذا مو تجلس 4 سنوات والسياره نفسه ونفس  مديل حق اربع سنوات .


وبس  

احترم ردودكم . 
.
والردود تهمني اكثر من اي شي .  

والسلام عليكم  ورحمة الله وبركاتة .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب اقتراح حلو انا كنت افكر زيك  بس خلنا واقعين اشوي 

 بس عندك مشكلتين  ساهر يحب فلوس  

بعض الناس يحب سرعه    حتى لو حطو نظام هذا بجيك شخص بيسرع ويفك لوحات ولا يعرف مواقعها ويسرع 


up 2 down 3
سكودر 14901
قبل 4 سنه و 7 شهر



وعليكم السلام ورحمة الله

حياك.ربي ي غالي
انت تبغى ساهر يخسر هههههههههههه
لازم يحطونه بالخطوط و بالمدن بدون ماتدري .. فلووووس ي حبيبي
فلوووووووووس حسبي الله عليك ي صالح كامل
فكرتك حق للمواطنين لكن حقوقنا مأكوله ي غالي
جا ساهر و سكتنا عليه مع ان راتبي ربعه لساهر تمشي بشويش يطقك
بفلاش .. تمشي بسرعه يحذفك بصوره و يقولك ادفع
الحين دخلنا بعصر جديد .. عصر يخليك تكنسل. السياره و تمشي على
رجولك
العصر هذا اسمه
.
.
.
.
 البووووووااااااااببببببببببببببه الالكككككككتتتتتتتررررررروووووونيه

تا تاااااااا

البوابه هذي ي صاحبي اذا مشيت باقل من حد السرعه مخالفه
و اذا مشيت اكثر من حد السرعه مخالفه
كيف طريقتها ..??
مثال بسيط .. بين كل بوابه و بوابه مثلا 15 دقيقه
لو وصلت للبوابه الثاني ب 14 دقيقه بتاكل مخالفه
لو وصلت للبوابه الثانيه ب 16 دقيقه برضو بتاكل مخالفه
فهمت كيف..??
يعني كذا ولا كذا بتاكلها بتاكلها ههههههههههههههههه

المهم مين يتذكر سيكل رامبو ..?? تبغوني اجيب لكم طلبيه..??!!
تراه مفيد احنا بزمن لابد من هالسيكل بدون لوحات و بدون فحص

ساهر و البوابه هذي بتدمرنا والله

تحياتي 


up 5 down 3
خيال الامس 2016
قبل 4 سنه و 7 شهر



اخوي خيال ماتوقع اذا مشيت باقل من السرعه مخالفه 
مثلا الوقت بين البوابتين 16دقيقه 
وقدر الله عليك بنشرت او وقفت محطه او مشيت ع مهلك 
هل من المعقول ترصد مخالفه 
انا مادري والله بس توقعاتي اذا وصلت ممكن في 15دقيقه ترصد مخالفه
اما التاخير الله اعلم 
اخوك احمد 


up 1 down 1
ahmed1402 311
قبل 4 سنه و 7 شهر



نضام ساهر هدفه   جيب المواطن


up 0 down 0
مراجل 198
قبل 4 سنه و 7 شهر



الافكار الجميله هذي تضر دخل ساهر 
ههههههههههه

لازم ورى الشجره والكباري والجبال 
كذا احسن عشان يجيهم فلوس اكثر 
ههههههههههه



up 1 down 1
أنيق 17574
قبل 4 سنه و 7 شهر



فقط في السعودية 
*اخفاء اللوحات عن ساهر عمل محرم ويعاقب عليها القانون؟؟؟؟؟
*اخفاء كاميرات ساهروتدبيل المخالفات عمل محرم ولا يعاقب عليها القانون؟؟؟؟؟  



up 2 down 1
متعب2300 572
قبل 4 سنه و 7 شهر



اهلا
























غير صحيح




البوابة الالكترونية تعطي مخالفه ادا اجتزت المسافه باقل من المفروض




اما ادا تاخرت عن الوقت ما لها دخل 








بالصراحه انا افضل يكون ساهر كل 5 كيلو مثلا




حتى تريح بالك و تمشي بالسرعه القانونية








لأن اكثر الناس وانا منهم حافظين موقع ساهر اللي عمرهم ما غيروا مكانهم 




فتسرع و ادا قربت تخفف السرعه








ولكن لو كان في كل 5 كيلو كاميرا تمشي على راحتك




ونرتاح من اللي يتجاوز اصفر مع انك ماشي 130 ويتجاوزوا و يدروا ان ساهر قدامهم


up 2 down 1
عمر الزمان 670
قبل 4 سنه و 7 شهر



الهدف من عدم تحديد مواقع ساهر هو القيادة بالسرعات المسموح
بها معظم الوقت.


يعني لو تم تحديد مواقع الكاميرات راح يتم تجاوز السرعات القانونية
بين هذه المواقع.



up 2 down 1
فانتازي 1770
قبل 4 سنه و 7 شهر



لوح السرعه المحدده واللوحات التحذريه عن ساهر موجوده عندنا, واشوفها في اكثر الطرق وعند الاشارات. 
انت امشي على السرعه المحدده وامورك كلها في التمام, مابتفرق معاك عدد الكميرات الموجوده.

والبوابات الالكترونيه اول مره اسمع فيها واستبعد يسووها عندنا 

انا شخصيا أؤويد ساهر لأنه بصراحه عندنا حوادث كثيره وناس متهورين ولو كل واحد ألتزم بالنظام بتخف الحوادث وتخف الزحمه 
لكن ماأؤيد تدبيل المخالفات ودس الكاميرات بين الشجر والارصفه




up 1 down 1
majed112345 856
قبل 4 سنه و 7 شهر



يوميا اسافر 400 كيلو ويصادفني ١٠ ساهر 
لكن غطي اللوح وماعليك منه 
اما داخل المدن ماينفع زحمه امش على مهلك


up 1 down 1
asususer 20
قبل 4 سنه و 7 شهر



تكفى يا اخوي لا عاد تفكر هههههههههههههه 
شف عند اخوانا المصارية مثل امشي عدل يحتار عدوك فيك انا اشوف ساهر ادب ناس كثير كانت السرعة عندهم عادي جدا حتى وسط المدينة وفي الاحياء تلقاه مسرع والحين تلقاه مؤدب وما شاء الله عليه اعرف واحد مبتعث كان مجنون سرعة ولما طلع امريكا ورجع تلقاه يسوق ويربط الحزام ويمشي بالمسار المحدد له وملتزم بالسرعة ياخي حتى سواقته صارت هادية وحتى السيارة صارت هادية وارتاحت من السرعات العالية ويوم سالته قال كذا مرتاح والتزام بالقوانين وكان من اشد المعارضين لساهر وكنت اتذكره دايم يمشي بدون لوحات فاقول الواحد يمشي نظامي بيرتاح وحتى سيارته بيكون عمرها الافتراضي اطول
+1 


up 2 down 0
ابوخلوودي1 5046
قبل 4 سنه و 7 شهر



ياخوك بتقطع رزق سارق بفكرتگ


up 0 down 0
سعيد ابواحمد 135
قبل 4 سنه و 7 شهر



تبي الحرامي يقول لك انا هنا بسرقك مستحيل لازم كل يوم طريق يسرقك فيها 


up 0 down 0
rooo7_q 219
قبل 4 سنه و 7 شهر



العمل الصحيح لحل السرعة هي اضافة مسار مفتوح السرعة او محدد بسرعة 160 مثلا وممنوع يكلع عليه شاحنة او سيارة اقل من 120 حتى ما يتسبب 
بحوادث وعملية الانشاء سهلة لانه الاساس موجود وهو المسارات الثلاث باقي المسار الرابع مع رسم رقم 160 عالارض بهذه الحارة 
او مثل المانيا بالاتوبان سرعة عداد مفتوح لكن ان سويت حادث وسرعتك فوق 120 ما يشملك التامين 


up 0 down 1
a m i r 553
قبل 4 سنه و 7 شهر



النقطة الاولى المفروض يرفعو السرعة على الخطوط فوق 120ويجيبو مسؤول يعطونه بي ام 760 ويقولوله سافر من الدمام ال القصيم على سرعة 120 خليه يحس فالعذاب ونشوف يقدر يتحمل ولا لا:)
النقطة الثانية بخصوص الموديلات اتوقع ان عدم التحديث باستمرار يتيح لوكالات السيارات بيع السيارات الي مانباعت بالسنة نفسها انها تنباع بالسنة التالية بموديل جديد يعني مثلا ابو جميل يقدر يبيع هلي موديلات14 الي زادت عنده على انها 15 بتركيب خط جديد والاستكرات امرها سهل......
وما احط بزمتي العلم عند الله والله اعلم


up 1 down 0
ابومعتز505 119
قبل 4 سنه و 7 شهر



اقول نم وتعوذ من الشيطان

اذا المخلفات اللي بدون قصد منك مايشليوها تهقى بيسمعو اقتراحتنا


up 0 down 0
ابو راكان تبوك 954
قبل 4 سنه و 7 شهر



كله كوم و اللي يجيب لي المرض اللي يشوف عمود ساهر و قدامه لوحه اكبر من راسه تقول له
السرعه المحدده 100 و يجيك يضرب فرامل لي توصل سرعته 20 

ما بقى الا يوقف يستأذن من العمود يسمح له يمشي او لا 

امس بغيت اقشع لي واحد من ورا بسبب الحركه ذي و لا هي اول مره و لا اخر مره 


up 3 down 0
ابو ناشي الزهراني 548
قبل 4 سنه و 7 شهر



مثل ماقالت الوالدة الله يطولي بعمرها اذا سافرت وهي معي
انتبه من لاقط هههههههههههههههه

افكارك جميلة .. ومطبقه في بعض دول الخليج 
تجيك عشرين لوحه قبل الكاميرا تنبهك .. والكاميرات ثابته وعددها معروف




up 0 down 0
أبو حمد2010 31
قبل 4 سنه و 7 شهر