تمرين هايلوكس 2012

اتوقع ب ٥٨ وبالنسبة للزيت ليتك تمر الوكالة غديهم يعطونك زيت خفيف مثل حق التمرين او اذا كانت مثل السيارات الجدد الى ٥٠٠٠ كيلو شف لزوجة الزيت اللي يستخدمونها الوكالة وغير الزيت اول ماتطلع من المعرض لأن الزيت اذا مر عليه اكثر من ٣ شهور يفقد لزوجته ويصير مثله مثل الزيت اللي ماشي عليه ٥٠٠٠ 

والله يبارك لك فيها ويعطيك خيرها ويكفيك شرها

انا مريت الوكاله اليحيا  قالو مافيه الا زيت تويوتا 

مدري عبداللطيف جميل وش يغير ؟

لا مايحتاج تغير الزيت !!
غير الزيت مع الفلتر على ١٠٠٠ كيلو طبعا انت مو مضطر تغيره لكن يفضل 

وانت ماسك الخط على ابها يفضل مايزيد عداد الRPM عن ٣ او ٢ ونص 
كل ماقل كل ماكان افضل 

ومبروك مقدما 

لو تغيره افضل لان الزيت له سنتين وهذه مده مب سهله 
الزيت الي يحطه عبد اللطيف جميل في اجهزه مضخات لذلك صعب تعرفه
لكن اذكر مره حطوا لي اسفل رجولي ورقه مثل تصميم زيت كاسترول 
واتوقع انه متعامل مع كاسترول 

السيارات الجديده تاخذ لزوجه 5w30 او 10w30 
وفيه زيت يبيعه عبداللطيف جميل لزوجته 5w40 
احذر من لزوجه 20w50 
هذه لزوجه قاتله للطرمبه وقاتله للمكينه


ضغط المكينه لا يزيد عن 2 
يعني رجلك لازم تكون بارده
والسرعه لا تزيد عن 100 كم

انت شف الكتالوج وتاكد 

شريتها ب 56 الف
لكن ياشباب ماعلمتوني وش اغير اي زيت ؟؟
واحد مدح لي كاسترول 20  50

لا لا ماينفع زيت 20w50 ثقيل على السيارات الجديده 
يفضل زيت خفيف 10w30 او 5w30 لان السياراه تحت التمرين 

اهم شي حاول ان ضغط المكينة مايتعدى 2 والتمرين 1600 كيلو شوف مقطع للاستاذ حسن كتبي عن التمرين وبالتوفيق

مكاين السيارات الجديدة المنيوم والزيت 20w50 ثقيل على المكاين الجديدة ولكن مناسب للمكاين القديمة الحديد 

عشان كذا دايم تسمع من الناس ومواترهم جدد يشتكون من نقص الزيت وهذا بسبب الزيت الثقيل 

انصحك كاسترول 10w30 وحط بااذانك عجين لا تسمع كلام الناس وخذ العلم 

بالنسبة للسيارة ماانصحك تمشي فيها بدون ماتغير الزيت لأن الزيت لو مااستخدمته مدة ثلاث شهور يلزم تغييره فما بالك بموتر له اكثر من سنتين واقف 

من المعرض للبنشر غير زيته 

الله يعطيك خيرها ويكفيك شرها ولا تحط زيت 20W50 ثقيل على المكينة وهي جديدة ومث ما قال اخوي majed112345 حط زيت خفيف 10w30 او 5w30 وبالنسبة لخط نجران ممتاز وشغل المكيف من اول ما تطلع وحاول ما تشد نمر وبالخامس امش عادي الى 140 وانا مطلع اكسنت 2005 على ايامها وعلى جده من عقبة ضلع والمكيف شغال وامشي 140 والحمد لله 5 سنوات ما شكت من شي وبعتها على احد الاقارب والى يومك وهي معاه ما شاء الله نظيفه
+1

لا ما يحتاج تغير الزيت أبداً .. امش عليه إلى أن يوصل 5000 عادي .. وما عليك من الي يقول خفيف ومن ذا الكلام << أصلاً أغلب وكالات السيارات الآن يقولون ما يحتاج تمرن السيارة ومرنا على 5000 لكن كلامهم هذا غلط .. التمرين واجب

أهم شيء أول 1600 كم ما يتعدى ضغط المحرك 2 أو 3 بالكثير .. بمعنى لا تشد على الموتر تقريباً الدوران هذا يعطيك سرعة إلى 110 كم

بعدها مر الوكالة على 5000 وغير الزيت مع السيفون <<< قلهم سووا لي الصيانة الدورية <<< منها تتسجل السيارة عندهم ضمن الضمان ثم اسحب عليهم خلاص



والي يقول غير الزيت على 1000 اشوفه ماله داعي .. الزيت لسى جديد ومحتفظ بلزوجته <<< اصلاً على 5000 بتلاحظ انه باقي أصفر ما تغير لونه كثير


بالتوفيق

امش على مهلك ولا تشغل المكيف والسرعه لا تتعدى 80 او الضغط لا يتعدى 3 وخل تبديلاتك للقير سلسه ومرحبا الف اذا بتمر علينا وتاخذ لك وجبه عندنا ..

بيض الله وجهك يامسفر وكثر الله خيرك 
وانت وافي ياوجه محلف 
عليه الحرام انك وافي ياوجه محلف
الله يقدرك الغناه 
ولاهنتوا جميعا 

ياحبيبي وين تمشي 80 وﻻ تشغل المكيف بتصير سيارة شيبان ما تمشي ويصير عزمها ثقيل ياخي السيارة ماهي موضبة حتى تحرص مرة السيارة جديدة يعني ساقوها عمال المصنع والشحن وووووووو الخ  ونصيحتي امش طبيعي ولا تشدها نمر وبالخامس امش الى 140 والمكيف شغال وما بيجيها شي وحتى لو مشيت 200 

جعلك حي وسالم والله يبارك لك في موترك ويعطيك خيره ويكفاك شره