ليش التضليل ممنوع

فيه جهة كاملة جديدة حقت توفىر الطاقة و في المباني العزل إجباري صار بناء على اوامر المركز السعودي لكفائة الطاقة

السيارات أولى لسببن مهمة جدا


توفير بنزين 
تقليل الحوادث لان الحرارة تسبب صداع ونرفزة 

المفروض يكون الزامي مثل التأمين أي لون ماعدا الاماميي شفاف زي باقي دول العالم الباردة مثل امريكا!!


عموما هو قانون قديم وما تحدث لا اكثر ولا اقل والإخوان المرور همهم يخلصوا الدفتر على مخالفت تافهة زي التظليل ويتركوا المهم من عكس الطريق والتهور 

الله يصلح الحال

████ ظلل أماكن الشمس اللي تخرب عليك الرؤوية ████

مثلاً القزاز الأمامي ظلل الربع من فوق ــ شباك السائق، ظلل المكان للجهة العلوية بشكل جميل .. 

الخلفية إكتمها، إلا القزاز الخلفي خله وآضح عشان تشوف وقت السواقه بالمراية وغير كذا المرور يشوفها عادية

مالك الا هالحل عشان لاشافك المرور يحتار شوي ويحس بالمعاناه في ظل سواقتنا تحت الشمسسسسس

█████████████وسلامتكم█████████████

التضليل ممنوع لان في التفتيش او عند المراكز ما يقدر يشوفك زين

والحين صنعو شي اسمه عازل..ممكن يسهم في خفض درجه الحراره..

يبن الحلال مايحتاج لا ترقيع ولا غيره ظلل الموتر دار مدار 01 والامامية شفافة وعزلها افضل من العادية انا مركبها من 3m ولين يومك ماقد عسكري وقفني ابد وأمر من عند تفاتيش وادخل السفارات ولحد كلمني عليها

وبعض الاحيان اذا كنت حاط اغراض ورا او شي ارفع الستاير وصلى الله وبارك

المرور مسوين بها نظاميين ويناشبون على التظلييل بهالحرر 
ومخالفات ويوم يخالفك تقول الفلوس تبي تروح لحسابه 
والله يا ان نص اللي بالمرور كل سياراتهم كتم ولا جته مخالفة ينزلها 
عنه عن طريقة هو ولا يكلم احد خوياه بالمرور وبعضهم وربي درباويه 
وحقين تفحيييط ولا شااافوووك مظلل صكوك بمخالفة 300 ريال وتندبل ولا غير كذا اكثرهم عنصرييين يعني اول ماياخذ بطاقتك 
يشوف قبيلتك اذا هو من نفس القبيلة يمشيك واذا من قبيلة ثانيه 
مرات يمشيك ولا يعطيك مخالفة لانك من القبيلة الفلانييه مدري لمتى هالعنصرية
الله يعييين بس > انا اتكلم عن اللي عندنا بعرعر وطريف مدري عن المناطق الثانيه  

بسم الله الرحمن الرحيم 
أولا يشرفني الإنظمام معكم في هذا المنتدى الذي سمعت عنه الكثير ولكن التجربة خير برهان وإن شاء الله أننا نفيد ونستفيد الشئ الذي يرضي الله أولا ثم يرضي خلفاء الله في أرضه 
مع أنني أوقن وأعلم أن رضاء الناس غايه لكنها للأسف لا تدرك 
نرجع لإستفسار الأخ 
بالنسبة لمنع التظليل هناك عدة أسباب منها 
* يعيق الرؤية لقائد المركبة .
* قد يستغله ضعاف النفوس في أمور التهريب .
* قد يكون هناك أحد مطلوب في الدوله وتجدة يتسكع في مركبته من دون خوف .
*أنه يؤخذ بعين الإعتبار أنه تغيير في هيئة المركبة .
* قد يستغله ضعاف النفوس في إستخدام المركبة للخلوات غير الشرعية .
أرجو أنني أفدتكم بما عندي .
تحياتي 
التوقيع : إبن عجلان 

الواحد يظلل 01 والله يعين .. التظليل الكاتم خطير على الرؤية في الليل

وكثير تلقى ضعاف النفوس يحطونه ويستغلونه في اذية الناس او امور غير شرعية الخ ..

حتى التظليل الكاتم يخرب جمال السيارة .. تحسها فخمة لما تظلل 01 وتشوف التفاصيل الداخلية للسيارة مع شوية ظلمة تطلع كشخة


وبرضه تعرف من جوى السيارة وتعرف وش وضعه .. او تسلم او يسلم عليك الخ

العسكري اهم شي عنده ان الموجودين في السيارة تكون رؤيتهم ممكنه
يعني يقدر يشوف السواق والراكب 
يعني 01 واحيانا 02 تمشي 


لكن الكاتم الي ما يبين شي داخل السيارة ممنوع وعقوبتها مخالفة + ازالتها
باستثناء المقاعد الخلفية 

تبي الصدق اكثر المرور حاطين كاتممم. وحنا مسوي قويين علينا. يصكك بخالفه. هاذا اذا. مامخش قزازك بمخالبه المتوحشه.  هههههههههههههه امزح.   المهم وسبب منع المواطن من الكاتم.  عشايقدر يشوفك.   لان بعضهم سكارى الله يكفينا الشر. عاد وش ششنون بيشوفه

إدارة المرور المفترض بها إنها تكون جهه تنظيميه لك يالمواطن لا عليك
والمخالفات جعلت للحفاظ على النظام
اللي حصل بقدره قادر المرور صار جهه لاصدار المخالفات وطز بالتنظيم
مهمه المرور "فقط" اصدار المخالفات كمؤسسه حكوميه للجبايه 
ما عليهم باللي يقفل على سيارات الخلق
ما عليهم باللي يوقف دبل ويقفل سيد بشارع
عند المدارس جايبين لك واحد بدباب "بدون خوذه" يقلب بجواله بدال ما ينظم حركه أولياء الامور
حتى لو واحد سرق سيارتك قدام دوريه مرور واستفزعت به بيقولك "بلغ"
حتى الفحص الدوري حق السيارات صاروا الشريطيه ينجحون منه سيارات مخبطه ومنتهيه ويغشون بها العالم
شي لك يالمواطن تاكل تبن , شي عليك 24 ساعه وتجيك رساله بالمخالفه
وأغلب القوانين عايمه بقصد ان مزاجيه رجل المرور تتحكم بالموضوع كامل

خذ مثال قسايم تعديل هيكل أو ملامح السياره بدون تصريح
يعني زينون أو حاط استكر أو مركب انتل أو زوائد للسياره أو جناح أو حتى فاك طيس
كلها تعتبر تغيير ملامح , يعني متى ما بغيت اعطيك قسيمه باعطيك
والتظليل ما يعيق رؤيه إذا كان خفيف
وخلوه وش رايكم بعد نخلي بيوتنا كلها قزاز عشان تشوفون
الخلوه ممكن تصير بأي مكان مو شرط بسياره
والمطلوبين امنيا والمهربين هذول بيظللون سياراتهم ويطيحونها ويشغل لك رابح ويجيب الشبهه لنفسه
المطلوب أول واحد يجيك نظامي 
استغفر الله ما بقى الا يقولك خذ سيارتك خلص مشاويرك وتعال سلملنا المفتاح وبكرا قبل الدوام خذه
كانهم هم شارينها لك مو انت اللي شاريها بفلوسك

التضليل انمنع من بعد حادثه الفلبينين اللى بجده 

بالعربي الفصيح مخالفة التضليل ماتاخذها الا بمزاج العسكري وسلامتكم

انا بالنسبة لي معاهم وضدهم
الزجاج الخلفي والامامي المفروض يمنع تظليله نهائيا الا تظليل خفيل الي هو 01 او 02
لان تظليل الزجاج الخلفي يمنع رؤية السائق الي بالخلف ما ادري اذا في احد انتبه لهالموضوع
يعني اذا انت كنت خلف سيارة لو نفرض اكسنت ومظلل ما تقدر تشوف الي قدامه
يعني اذا الي قدام الي قدامك خفف السرعة مرة وحدة والي قدامك مظلل ما رح تلحقهم الثنين لانك بتكون منت شايف الي قدام قدامك خاصة اذا ما كنت ماخذ مسافة كافية
طبعا كلامي معقد شوي يعني جالس اتفلسف ههههه