X يارس جديده والله العالم مسروقه _ تبغا تسوي خير بتلقى شر X
22
7
إضغط هنا للإخفاء
السلام عليكم ورحمة الله وبركاته
كيفكم عساكم طيبين ان شاء الله
ندخل بالموضوع مباشره
فيه سياره جديده مرميه ومصدومه ونسبة 99% مسروقه وهذا بعد التاكد من حالتها ووقوفها لما يقارب 4 اسابيع والسؤال عنها
ولو جينا نبغا نسوي خير راح نلقى شر مع الاسف في هذا الزمن
انا اعرف واحد بالمرور وعلى نيتي قلت اباخذ رقم اللوحه و اعطيها زميلي عشان يطلع لي رقم الرجال واكسب اجر و افرحه اني لقيت سيارته ويمكن يعطينا حق البشاره وكذا ههههههههههههه
فيوم سمع الوالد مني هالكلام , دارت بيننا محادثه بسيطه
الوالد قال : اييييه باقي ما اندقيت في هالدنيا !!
انا قلت : ليه !!
الوالد قال : شكلك ما تعرف العواقب !!
أنا قلت : أنا بسوي خير !!
قال الوالد الله يطول في عمره : فرضا إنك إتصلت على أحد معارفك بالمرور او المباحث وعطاك معلومات صاحب السياره وقمت أنت وفعلت خير وأتصلت على صاحبها بحسن نية ومبادره منك لفعل الخير ومساعدة اخوك المسلم في مصيبته
أنا : ايوه
الوالد : انا ما بقول انه راح يشك فيك ويتهمك !! لان هالشيء كثير يحصل !! لكن خلنا نقول إنه رجال طيب وشكرك انك ساعدته , تمام ؟
أنا : تمام
الوالد : اول شيء راح يبلغ الشرطه عشان تجي تشوف السياره وبيكون أول شيء هو ( بصمات المجرم اختفت ) !! وهنا نقول ان اصابع الاتهام سارت تدور عليك !!
أنا : فاغر هههههه توي استوعب
الوالد : وفرضا وهالشيء كثير حدوثه , حصلوا آثار دم في السياره !!!!! أو حصلوا جثه في الشنطه !!!!! او بقايا مخدرات !!! أو أي شيء ثاني مثلا قتل أحد بالهسياره او صدم آدمي او سوا فيها جريمه !!
أنا : فاتح ثمي واقول كيف ما فكرت فيها !!
الوالد : باقي ما انتهيت ,, تتوقع راح يخلونك في حال سبيلك !! بعد اللي شافوه !! أكيد راح يرجعون لك ويحققون معك !!
كيف أتصلت بصاحب السياره !! كيف جبت معلومات الرجال اصلا من الاساس !! خلنا نقول انك طلعت ببراءه وصُدِّقت من الجميع
طيب خويك اللي في المرور تتوقع راح يخلوه بعد في حال سبيله !! راح يفصلونه من عمله بسبب انتهاك الخصوصيه واعطاء معلومات سريه لاشخاص خارج نطاق عمله وهذا يترتب عليه بلاوي كثيره لانه ممكن يتهم بتهم كثيره مثلا ياخذ رقم لوحة سياره فيها بنات رايحين لسوق ويطلع المعلومات ويعرف بيتهم ويبيعها للشباب او انه يبيع المعلومات في مقابل مادي او انه يعطي بدون مقابل وهذا فيه انتهاك للخصوصيه
فالواحد يتجنب الشبهه ويبلغ الجهات المختصه وهي تتصرف و يطلع نفسه من المشاكل
_______________
صراحة الوالد ما قصر ما شاء الله عليه , علمني وفتح عقلي على الاشياء ما كنت ضارب لها حساب
وعموما انا بلغت اكثر من مره يجي يشيلونها ويفرحون فيها صاحبها لكن لا حياة لمن تنادي وايضا هي موقفه في مكان غلط ومضايقة الجميع
فأنا صورتها قبل شوي وبنزل لكم صورها ومعلوماتها لعل وعسا يحصلها راعيها واكون دخلت عليه فرحه واليوم اللي بزرعه بكره راح احصده
______________
المعلومات
نوع السياره : تويوتا يارس الجديده
موديل : 2014 او 2015
لونها : رصاصي ( فيراني )
مواصفاتها استاندر بس فيها كشافات ضباب وايضا فيها حامي للوجهيه وهذا يدل انها استخدام شخصي ماهي اجار
لوحتها موجوده ( ولكن يمكن اللوحه مسروقه ايضا من يارس نفس اللون والموديل / عشان يبعد الشبهه وفاك لوحاتها الاصليه )
عموما رقم اللوحه ( ح س ه 2053 )
فيها صدمه على الرفرف جهه السايق
مكانها : في حي الملك عبدالله مخرج 12 في مدينه الرياض , واقفه قدام بقاله داخل الحي نفسه وهي البقاله الوحيده بحي الملك عبدالله
اللي فيه قصر الملك , ولا يوجد سوا هالبقاله + صرافه + مكتب عقاري
وهذي صور لها :
في الختام : تقبلوا تحياتي اخوكم ابو يزيد ( اسامه الغامدي )
إبلاغ
الردود
انه احد المسلمين قتل واحد ووجب عليه القصاص واهل المقتول رفضوا الديه والتصالح
المهم عمر رضي الله عنه حدد موعد اقامة الحد قبل صلاة المغرب فصاحبنا اللى قتل طلب منه يروح ديرته لان له اخوه صغار هو اللى يرعاه
بس بيوديهم عند اخواله لانه خلاص امره منتهي
فسيدنا عمر طلب من المسلمين احد يكفله
فكله تخوف لا يشرد صاحبنا وعمر رضي الله عنه ما عنده مزح
بيقيم الحد على من كفله
المهم قام سيدنا ابو ذر رضي الله عنه وكفله وسط تعجب من باقي المسلمين
وصاحبنا راح ديرته
وراح الظهر والعصر واقترب موعد صلاة المغرب وصاحبنا ماجاه
والمسلمين متجمعين يشهدوا اقامة الحد فعمر قال لابو ذر رضي الله عنهما ان ماجاه الين المغرب بقيم عليك انت الحد
وشويه الا وصاحبنا جاي من بعيد يركض على المسلمين
فعمر رضي الله عنه ساله وش اخرك
قاله اخوالي ديرتهم بعيده يادوب وصلت اخواني الصغار لهم وجيت باسرع مايمكن
قاله مافكرت تشرد
رد وقاله خفت يقولوا ضاعت الامانه بين المسلمين
فتوجه عمر بالسؤال لابو ذر
وانت ماخفت يشرد ونقيم عليك الحد مكانه
رد وقاله خفت يوقلوا ضاعت الشيمه بين المسلمين
فاهل القتيل وقتها قالوا
ونشهد الله على اننا سامحناه لوجه الله حتى لا يقال ضاع التسامح بين المسلمين
هذا ما كنا فيه ياخوان
وهذا ماصرنا اليه في زمننا هذا
والله ان العزه كل العزه في الاسلام
سامحوني على الاطاله لكن موقف ابويزيد ذكرني بها القصه
4
0
والله ثم والله ان ما يعرفون الا انت والقضايا اللي في الاقسام والله ما يحلها الا ربك والا ربعنا من جنبها
ولا تنسئ سالفة العسكري اللي شغال في الدوريات واتهموه بانه قتل وسجنوه وبعد حوالي ١٥ سنه
اكتشفوا بالصدفه انهم ظلموه والخبر منشور في سبق
قبل 10 سنه و 2 شهر