أحذركم من حركات صغار العقول
إضغط هنا للإخفاء
بسم الله الرحمن الرحيم
السلام عليكم ورحمة الله وبركاتة
....................................................
ياخواني البعض يعرض سيارته للبيع وهو جاد بالبيع وعلى نياته ..
أقولكم خذوها مني ..
فيه نسبة من عامة الناس ... (( مب جادين .. ومجرد كلام ))
يعني بس كذا من راسه ..يعنني عندي كاش وغيره ..
والله ياخوان لاجئ وقت الجد طلع خراط وماعنده سالفه ضيع وقتك ورصيدك ..
أنا ماقول الجميع ..لا والله ..فيه البعض رجال ويسوم فعلاً ... ولكن حبيت اذكركم عن بعض النوعيات المشهوره ..
والبعض وللاسف في قلبه الحسد .. المشكلة ماتعرفه ولا يعرفك ... بس يحسد ويكذب حتى موترك مايجيب سعر زين ..
وذولا أخبث الانواع ..
أنا بنفسي والله الشاهد ..
عارض موتر قبل 3 ايام بنز كوبيه قديمه .. ماحطيت لها حد .. جاني واحد سام 3 الاف ..بعدها سحب سومته ... وكتب رد قال موترك مايسوئ يرجال بعه تشليح الف ريال ...
اللي سويته حذفت رده ..وارسلت له كلام بأن يايسوم او يسكت ..
لكن ماكتفئ ...حطيت حد للموتر 4 الاف وجئ قال هذا فلان حادها 2000 ريال .. طماع صاحب الاعلان !!!!
لا حول ولا قوة الا بالله ... المشكلة ارسلت له قلت ليه الكذب ... يقول انت الكاذب !!
ونا ماراح اسكت راح افضح هالكذوب ..والاداره مطلعه على الرسائل لدي .. وأن لم تتطلع اتمنى تتطلع على الرسائل وعلى الاعلان الذي سبق تم حذفه ..
وأسمه yasin_ez
وهالكلام أحطه بذمتي
................................................................................
والموتر الحمد لله تم بيعه ولا طقيت لهالكذاب سالفة .. ولكن يستحق أن احذركم ..
في النهاية ماودي اطول عليكم ..
و أقولكم ياخوان الحذر الحذر .من هذه النوعيات تجنبوهم ...
اذا بدئ لك الشخص من البداية مب جازم لاتضيع وقتك معاه ..
أحذركم من حركات صغار العقول
في امان الله .
إبلاغ
الردود
واحد من أصحابي قبل فتره عارض موتره للبيع وحاط رقمه ... واخرتها واحد اضافه بالوتس اب يقول عندك صور حريم ؟ ..
الحمد لله والشكر , البعض مايستحي من الله عز وجل .
0 2
الاوس جالس اتصفح حراج السيارات
وشفت تليق ضحكت عليه
سام السيارة بمبلغ بخس
و بعد ساعه رد وقال اسحب سومتي
ههههههههههههههه
هي سومتك من البدية مو معترف بها !
1 1
الاوس = الامس
تليق = تعليق
0 1
واحب اضيف على تحذيرك
من صغار السن
في واحد اظنه في اول ثانوي
كان يبغا يشتري سياره عندي وجا من ديره حول الرياض 120ك تقريبا
وتساهلت معه واعتبرته اخوي الصغير وحديتها له ب3500
للعلم تسوا فوق 4500
واكثر من 100ريال صرفية رصيد جوال عشان اشرحله عنها وهو يقول مامعاه رصيد
المهم يوم اتفقنا على السعر والموعد الخميس يدق علي
وجا الخميس ودق علي قالي نقصلي بالسعر قلت والله هذا اخر كلام سولف معي شوي ومره ثانيه قالي نقصلي بالسعر
قلتله والله ماجابت راس مالها مفحصوه ومجدده وهذا حدي فيها
قالي طيب الاسبوع الجاي اليوم مايمديني وجلس يتعذر
جا الخميس الي بعده قالي نقصلي بالسعر قلت مقدر وهذا حدي
قالي طيب اخاف اجي ومامعي رخصه قلت طيب وش اسوي انا
قالي وصلها لي انت لديره والسواق حقهم يرجعني شاورت نفسي
قلت طيب
دق علي قال مقدر اليوم خلها الخميس الي بعده ولمدة 3 او 4 شهور وهو يتصل وبغاني انقص السعر غصب واوصلها له لديرته
والغيت مواعيد مهمه عشان افضاله
وسلامتكم.
0 0
0 0
ولكن ماعندك احد
0 0
انا عن نفسي عارض لكزس اي اس المهم ويكلمني واحد صامل يوم الاربعاء بليل وقابلته يوم الخميس بعد المغرب وجلس يجرب ومن حدود 8 بعد صلاه العشى الى الساعه 10 وخمس دقايق وسواليف واستفسارات وعلمته بكل شي يخص السيارة قالي خلاص انا شريت والوعد بكره بفحص كمبيوتر قلت له من ابسط حقوقك وتواعدنا الجمعة بعد المغرب ولا حولك احد لا اتصل علي ولا يرد على اتصالي ؟؟؟؟؟؟؟
ضيع علي ليله الجمعة ويوم الجمعة وليله السبت كنت ناوي اروح البحرين مع الاهل وخرب علي ؟؟؟؟؟؟؟؟؟؟؟؟ والله لا تعليق
0 0
بس احسن رد جزاك الله خير
0 0
يجيك المعلن يقول الموتر على السوم
وكل شيء كاتب وصل السوم كذا وصل السوم كذا على الخاص وصل السوم على الجوال كذا
وخلاص وصل سعره وزود وهذا سعره بالسوق وهو يطلب الزود
اقولهم لا تدورون سومات , دورون ناس صامله الله يسعدك
الموقع قليل فيه الصامل
ياكثر اللي يسوم ولا جاء وقت الجد
أعتذر منك , بانه اشترا سياره ثانيه او حصل له ضروف
او ما يرد عليك
او تتواعدون ويسحب عليك
او يروح لك ويشوف السياره ويقول بشوف وارد لك
وبعدها يعتذر منك
وياكثر اللي يسوم ولا هو بجاد
كثير يحطون ارقامهم مع السومات لكن وين الصامل !!
عشان كذا الموقع سار ماهو مثل اول من هذولي اللي يسوم ولا يشترون
1 1
قبل 10 سنه و شهر