أضف سؤال أو موضوع جديد          

الحياة تجارب واسوء تجربة لي في شراء سيارة

up 14 down 5
ابو يزن 09 512
قبل 6 سنه و 8 شهر



السلام عليكم مساكم الله بالخير جميعاً

ياجماعة الخير قصتي هاذي لها سنتين بس والله انها تحرق بقلبي وتلهدني كل

 ماتذكرتها وهي عن سيارة هايلوكس اشتريتها وانخميت فيها خمة وتقدرو تقولو خابور اليييم

من يوم ماتوظفت وانا نفسي اشتري موتر للبر عشان الطلعات والكشتات وكنت مصبر نفسي 4 سنين 

وكنت دايم انزل المعارض بفترات متقطعة اشوف السوق وكل مانويت اشتري سبحان الله تتفركش 

عاد جاتني فترة نويت وعزمت إلا اشتري وسبحان الله هاذي المره الوحيده الي نسيت اصلي فيها 

صلاة الاستخارة والله ياجماعة الخير إني انعميت عمية بنت كلب ومدري ايش جاني كنت ناوي جيب قديم 

نيسان او تويوتا اهم شي دبل المهم بصباح هذاك اليوم مريت البنك واخذت القرض التكميلي وكان 18 الف

رجعت الظهر البيت تغديت ونمت من التعب جالس سهران اليوم الي قبلها اشوف المواقع وش الافضل

وكم الاسعار وخاصة بحراج صحيت قبل المغرب بساعة إلا ربع صليت سريع ولبست وع الحراج

وصلت وباقي نص ساعة اخذت افر مالقيت شي يستاهل قلت اصلي المغرب واتوكل ع الله وع البيت

إلا ع الاذان واشوف هذاك الهايلوكس الي واقف ومفتوح كبوتة ومحد حولة اناظر فية ياولد ماشاء الله

ايش الوقفة وايش الجنوط مبرزة ومنجد تنجيد جديد والهايلكس يلق لق واشوف العداد إلا هو ماشي 300 الف

وموديلة 85 نشدت عنة جاني شريطي قالي علية سوم 14 قلت بعد الصلاه وخير رحت صليت

ورجعت لقيت شايب راكب فية ويقلبة رجعت لخوينا الشريطي الي سئلتة قبل الصلاة

 كم اخرة قالي مره 17 الف وجلست احاول فية قالي ابد شف الشايب ذا دافع فية 15 الف ومابعناه 

قلت طيب بجربة وإن ناسبني شريت ب 16 الف واخذنا الموتر وسقتة 

إلا ماشاءالله مافية صوت ولاقربعة ولاشي وكان طالع معي الشريطي ورحنا فية مشوار طويل حول 

العشرة كيلو ورجعنا وادز علية متماسك لا ابعد حد ويوم نهرج انا والخسيس يقولي ابد تراة نظيف وكان مخزن 

وممشاه حقيقي قلت اقولك بعتني بـ 16 قال لا ونوصل المعارض واحاول فية لين وافق وادفع العربون واروح

ع البيت واخذ الفلوس وادفعها الكلام هذا كلة في الليل 

يوم جيت الصبح الساعه11 واخذ الاستمارة والقى الموتر واقف خلف المعرض 

إلا وش الموتر ذا الي رفارفة متباعدة عن البودي ة وافكر ياولد معقولة هو نفس الموتر 

ويوم اركبة إلا هو نفسة واروح البيت وانا منعمي حسيت فية شي غلط 

واوقفة ياطويلين العمر وإلا ايش ذا القرنبع كله تلحيمات حتى كرسي السايق ملحم 

والتنجيد الغراء حقة ع الفرش وبعضة موكيت حق مطبخ قسم بالله بس ان لونة احمر سادة 

وماكمل معي يومين إلا الصدامات تفكفكت طلعت مربطة باسيام والاصطبات تطيح 

والعداد الي كان واقف ع الـ 300 صار يلعب مع المشي كل مااخذت مطب تغير الرقم  ههههههههههههه

وانا كرهت ام السيارة وكرهت ام الخابور الي اكلتة وكرهت كل الهايلوكسات موديل الـ 85 

اقسم بالله ان جاتني حالة منة صرت ماودي اشوفة وصرت اوقفة خلف البيت في برحة 

حتى يوم وديتة المعارض كارهه كره ولاغسلتة ولاشي رميتة في معرض قلت ان جاب 12 بيع وعلمني 

عشان استلم فلوسي ولكم الله يجلس بالمعارض شهر كامل والظاهر تخوبر فية واحد بعدي والله المستعان

بس هينة الـ 12 عند الـ 16 الف ومازلت ليومكم هذا ادعي ع الشريطي والشايب الي يقلب بالموتر

وهي علقة ومانسيتها والحياة تجارب  والحمدلله على كل حال 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


إييييييييييييه ذكرتوني بـ السيارة اللي شريتها (لاندكروزر) بـ 35 ألف ريال .. 

كان العرض عليها بجريدة "الوسيلة" رحت أنا وأخوي كنا على الهامش في شراء السيارات (من جمبها) 


جربنا السيارة ومشينا وركبنا مطب ومرتاحين ماحسينا فيه ــ ونعزز لبعض لاندكروزر مرتفع ماتحس بالمطب 

الزبدة : كعيـــّـنا سعر السيارة ورحت أنا وصاحبي للمعرض عشان ناخذ السيارة ــ وساقها صاحبي قالي وش هذا ؟ 

الموتر يرقص في الشارع يمين وشمال ــ شوي الأهل ما إتراحوا للسيارة بعد ــ بعناها لواحد سوداني شافها واقفة 

قال ابغى فيها 22 ألف ريال .. وبعناها له وهو راضي فيها ... وحمدلله على كل حال :) 


up 1 down 0
محمد عبدالله عمر 617
قبل 6 سنه و 8 شهر



الله يسعدكم حبايبي اثريتو الموضوع بردودكم 

ولازلنا نتعلم كل يوم شي جديد : )


up 0 down 0
ابو يزن 09 512
قبل 6 سنه و 6 شهر