Land Cruiser 2015

اللاندكروزر معروف مايتغير شكله اقل شيء 9 سنوات

سياسة شركة ... وانا اعتبرها سياسة ناجحة جداً

من 98 الى 2007 نفس الشكل 

وأتوقع من 2008 الى 2017 نفس الشكل والعلم عند الله 

مشكور أخوي ع التوضيح 

2017-2018 هو التغير الكامل حسب خطة تويوتا لتطوير منتجاتها

التغير بات قريبا والسعر حدث ولاحرج

^ ليش السعر حدث ولا حرج شفت اسعار غيره انت ؟ اذا الجمس المخنز وصل ٣٠٠ هذا يعتبر رخيص 

نعم سعره غالي ويعتبر فقير المواصفات 
لاتقول جوده توجد سيارات مع مواصفات مع الجودة ايضا وارخص منه

واذ جيت للحقيقه اذ بغيت سياره خط وبر اخذت باترول بلاتينيوم
واذ بغيت سياره بر ومقناص اخذت فتك سفاري

اما اللاند اصبح سياره افغان مضاف له اكسسورات من الوكلاء بشكل بشع 

وجهه نظري تحتمل الصواب او الخطأ

أبو ناصر
^
هل تقارن الجمس بالجيب ؟
الجمس مريح ومكينته قويه
الجيب ماهو مريح قد جربت جيب وجمس وشفت ان الجيب اريح ؟ لا طبعا وانا عن تجربه
جالس بالجيب كأني واقف مانيب جالس
الجمس فندق او طياره ماشاء الله وفخامه !

كلها غالية لا الاند كروزر ولا الجمس 2015 
والصراحة انها سيارات مميزة وعز لراعيها وتخدم معك عشر سنوات واكثر لكن ما من قدرة على شراءها
الله يرزقنا وياكم القناعة

ابو ناصر للتذكير مو انا ومو انت الي صنعنا اللاند والجمس  الله يسعدك بلاش تعصبب وكلهم اسعارهم مبالغ فيها ومن وجهة نضري الشخصية يبقى الامريكي الافضل للعائله في الحل والترحال رحابه وراحه وصلابة بدي اما اللاند كروزر لا امان ولا راحه اذن افضل السيئين هو الجمس مع رفضي الشديد للاسعار المطروحه حاليا 

والله ماهو كله تعصب وانا احب الباترول وافضله على اللاند بس معليش يااخوان وش اللي يفتقر للمواصفات الفي اكس ار ثلاث شاشات يجي داخليه بيج او جملي انت تختار 


واللي يقول الجمس قوي يااخي ادخل صحراء بالجمس والجيب الجمس ماتسمع الا اصوات ديكوراته بعكس الجيب سوا باترول او لاند 

ولا تنسون قير الجمس الفاشل ولا تنسون انه ضعيف بالبر ! 

وشلون تقولي الجمس افضل هذا جيب وانا والله لو عندي قيمته ابشتري باترول لكن الحق ينقال اشتري جمس واترك الجيب لا يمكن