اللي له خبره بالترهيم يدخل ..؟

الفكسار هالموديل نادر جدا من يعدل عليه غالبا ع السفاري

جرب تركب مكينه Ls1 

ركب مكينة 24 بلف ممتازه عليه

مكاين هالنوع تجيك 3F سته سلندر لكن 12 بلف والعزم من متوسط الى ضعيف
وانصحك بمكينه الـ 24 بلف لكن لازم تغير معها اشياء مثل القير والكوارين وتغيير قواعد كراسي المكينه بقصها من الشاصين وترهيمها لتناسب المكينه

المشكله الوحيدة انها مكلفة يعني تاخذ اكثر من نص قيمة السيارة وهي نضيفه
والتشاليح ماتقبل الرجيع الا اذا كانت المكينه المخبطه نفس الي بتشتريها

الفكسار قليل الناس اللي تعدل عليه
بعكس السفاري الموديلات القديمه كل شيء يركب عليه مكينة فتك مكينة كابرس مكينة لكزس
ماخلو شيء ماركبوا عليه لوتبيعه وتأخذ لك سفاري يقبل كل شيء
لكن
انصحك ترروح لوورش تعديل وتسألهم عن المكائن الافضل من ناحية التركيب والتكلفه
لانهم عندهم خبره ويعطونك الاجابه المؤكدة 

وعليكم السلام ورحمه الله

تبي عزم وقليله اعطال وسعر مناسب ؟!! مستحيل ههههههههههه

ركب مكينة جكسار او شاص مع اني افضل تتأكد انها جكسار ولحد يوهمك ان مكائن التويوتا الـ 4500cc كلها سوا
افضلهم الجكسار اقوى احصنه واقل صرفيه من مديل 2005 وفوق 
قبل سنتين او اكثر بشوي احد الشباب اشتري مكينة جكسار كاملة بمواصير المكيف معاها من التشليح بـ 14000 ومكينته نفس مكينتك لكن نظيفه
مديل 90 وماشية 165 الف ما شاء الله باعها على نفس التشليح بـ 5000 طلعت عليه بـ 9000 ريال بعد خصم قيمة مكينة سيارتة
والقير ركب قير 98 مادري بكم سعره والله ماتذكر + تفصيل هدرز + فلتر K&N = نشاط خيالي في الخط وفي البر 
التجليس + التشغيل/  الشغل كله عند بدر الحمد في الزلفي كلفه 5500 ريال
 ومهما حسبت لك التكلفه زد عليها 5000 ريال من تدبيل مساعدات ويايات ورديتر واشياء ما تتخيلها ممكن تطلع لك فجأه 
هذا هو الترهيم
بالتوفيق

مكينة ال24  بلف 
بكم احصلها ..؟

من 12 إلى 15 الف على حسب النظافه والممشى
ترا كلامي عن الاسعار قديم شوي مادري اذا تغيرت الاسعار
الافضل تطلع التشاليح وتتأكد
او اكتب بقوقل ارقام تشاليح الرياض او القصيم او المنطقه اللي حولك وبتلاقي الارقام وخذ فكره عن الاسعار والضمان

يعيطكمم الفء عافيهه ونويت ال 24 بلفء
وانشاء الله بحصل