أضف سؤال أو موضوع جديد          

كما وعدتكم بقصتي الطريفه مع سائق لاجره في مدينة جده الحبيبه

up 18 down 15



خواني الغالين
السلام عليكم ورحمة الله وبركاته
انا وعدتكم باني اقولكم قصتي الطريفه نوعا ما
في جنوب جده لما كنت ذاهب إلى المطار

وقبل ان ابدى قصتي
حبيت اخذ رايكم اليوم صار معي موقف مع احد راعين المعارض
وابي اعرف من الغلطان ،
بختصار دخلت المعرض حصلت كامري 2011 طيس لؤلؤي قير عادي
سألته بكم قال ماسيمت سمها
قلت والبيع قال ب55
رديت عليه وقلت وصلت قيمة ال GLX فل كامل
قال كيف كيف كيفف
ماهو عاجبك اقضب الباب وكان بأسلوب غير لائق وصوت مرتفع جدا جدا وطرده المفترض يكون اكبر منها
وانا ماقلت شي
كامري قير عادي ماشيه 140 الف سياحيه طيس
حد ب55
فل كامل حصلتهن على 50
طبعا انا مابي مشاكل على موضوع تافه سياره ليس إلا
،، المهم ،، التفت عليه قلت اسف اجل
سؤالي منهو الغلطان ،،
&&&&&&&&&&&&&&&&&&&

***
قصتي ،،،
&&&&
قبل سنتين تقريبا
كنت في اواخر الاترام الدراسيه في جامعة الملك عبدالعزيز
وطبعا كنا نسكن في بيت الشباب عند الاستاذ الرياضي وبعدها اخذنا شقة في حي الجامعه نجتمع فيها في اوقات الاختبارات
ذهبت إلى جده لمدة ثلاث ايام فقط وقلت ياولد ابسكن في بيت الشباب لان فيه ملاعب والجو هناك عليل
المهم بعد ثلاث ايام عندي رحلة من جده إلى القصييم تقريبا 4 عصرا
وانا من النوع اللي دمه حار ولا اتاخر بدا وحريص
خرجت من بيت الشباب في وقت الظهيره وقلت بدل ما اجلس في بيت الشباب وايضا الشارع هناك قليله مرور الاجره
وايضا وقت الظهر الخط يزدحم وخفت اتاخر على الرحله
وقلت الافضل اذهب بدري
المهم خرجت اسحب شنطتي و وقت امام بيت الشباب ولم تمر اجره ابدا وهذا ماتوقعته وكان الجووو شديد الحراره
وفكرت اني اقف عند الاشاره اللي يمين سوق الصواريخ وامامك المعارض
وقفت عند الاشاره اللي بوسط الخط
المهم مرت كرسيدا مديل قديم جدا جدا جدا ولما شافني عكس بوسط الخط تخيلو و وقف عندي
وين قلت للمطار وكنت نوعا ما متاخر وانا واقف وشمس وحرررررررررررر
قال ب40 قلت نزل ياولد
المهم ركبت معه
ودعس وصوت الكرونه مدري القير فقع اذني
وسواليف انت من وين قلت من الفلانيه من اهل القصيم قال ونعم وانتم اهل الدين ومدرح
ونفس الكلام قلته له ومدحت فيهم وانتم اهل الطيب ووو
وحنا ماشين في امان الله قمت اتلفت بوسط السياره وبالمرتبه الخلفيه لانها منجده لون احمرر ونظيفه جدا

سألته هذي كم مديلها
قال 83 تقريبا
قلت كممممممممممممممممممممممممممممممممممممممممممممممممممممم
قال ياخي قل ماشاء الله اذكر الله
قت ماشاء الله
المهم وحنا ماشين كان المكيف ثالج جدا جدا
وامد يدي على المكيف
قلت اقصره
قلت المكيف على 1
قال إنا لله وإنا إليه راجعون شكلك تبي تعطب السياره
قلت ياخي ماقصد لاكن ثلج وعلى واحد ، وذكرت الله

مالكم بالطويله
وحنا ماشين مع السريع وصوت الكرونه فقع اذني تفقيع
وقف عند محطه
قال خذ ال 10 وهات دخاان
قلت انا قال فيه غيرك
انا خفت انه يهرب بالشنطه
وهو خااف انه ينزل واهرب بالكرسيدا هههااااااااا
المهم وانا نازل اتذكر ايش فيها الشنطه ملابس مدري ايش
ايه عادي
ماحصلت دخان
ونوقف عند المحطه الثانيه
نفسس الكلام
والثالثه و
والرابعه نفس الكلام وطفشت قلت ياولد خلصني ابي المطار وتاخرت عندي رحله ابي عيالي وانت توقف عند المحاط وتنزلني طبعا الان بدات الاخلاق تخرب
الظهر وحر وعندي رحله ومعي واحد مايفهم وصوت الكروونه فقع اذني ومااتغديت ،،
طبعا حنا الان عند المحطه الربعه تقريبا وهو ماشيه شاف عند المحطه عند الطرمبات سوزوكي الدنه الصغيره
عليها قدر كبير تبع الذبايح وعندها عامل يغرف لناس
اخذ لفه على الدنه والطرمبات ورجع للمحطه اللي قبل شوي قال انزل هات كيس
قلت ليه قال انزل واعلمك
قلت إنا لله وإناإليه رجعون الله يصربني
اخذت كيس وركبت معه رجع لراعي الدنه الصغيره واعطاه الكيس وهو بالكرسيدا وقاله كثر اللحم
ويلتفت علي تبي غدا
قلت ابي اهلي ابي المطار الله يرحم والديك ،، خلصني
دعسنااااااااااااااااااااااااااااا ولما وصلنا كبري المطار قلت خذ الكبري قال لا فيه صيانه
قلت انت متاكد قال اهل مكه ادرى بشعابها
دعسناااااااااااااااااااااااااااااااااااا
بدينا نطلع من جده
وسألته المطار وين
تلعثم وقال ضعنا
قلت حسبي الله ونعم الوكيل انت شكلك تبيني امرح بجده وووووووووووو كلام كثير
قال تراها قافله معي ومالي خلق ومادخنت
وتطالبنا انا ويااااااه وهوشات
ونمشي ماحصلنا لاكبري ولاشي ،، طلعنا من جده
حصلت خطوط اجنبيه مدري ايش
المهم بعد ماقطعنا 50ك تقريبا
حصلنا كبري عنده عسكر
سألتهم وين المطار الداخلي
ضحكوو قالوو وين بجده
ارجع لجده انت وصلت المدينه ،،
رجعنا من عندهم
وطبعا الاخلاق اتش ،،، وانواع الهوشات والطلايب
دخلنا جده قلت انتبه لاتضيع الكبري تراها خربت
قربنا للكبري ياناس
والله العظيم وحصل محطه تحت الكبري مدري ايش المهم بطريق خدمه وياخذه حسبي الله على الظالم ،،
وقدمانا اشاره 200 متر الزحمه عليها ليش ليش قال ابي دخااااااااان انا خرمان ،،
واتلاقط انا وياه بالايدي
قلت والله ان ترجع قال ماا اقدر اعكس
قلت والله انتعكس غصب
ومسكت الطاره ولفيتها غصب ويوم شافني صامل
فعلا عكس ولا جمس نزل طريق الخدمه بوجهنا شطف والثاني
والنهاية

اخذنا كبري المطار اللي قبل اقوله هذا هو
ونزلني عند المطار
قال الله يلعن هالمشوار
قلت الله يلعن الاشاره اللي اخذتني من عندها واخذ الشنطه
واطلق ارجلي ادراج الرياح
ولله الحمد لحقت على الرحله لاني طالع بدري ،،


اسف جدا على الاطاله وسرد حذافير القصه كاملها
اتمنى تحوز على رضاااااااااااااا








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هههههههههههههههههههههههههههههه قصتك يبغالها اخراج وتصلح أطلق قصة فلم صغير

والله تونست وانا اقراها الله يسعدك ويوفقك


up 1 down 1
hasan85 230
قبل 4 سنه



سالفة حلوه بس ما قدرت اعطيك لايك عشان نقاطي مهنا زود لكن عوضتك لايكات على ردودك


up 2 down 0
بدراني الرياض 46
قبل 3 سنه و 11 شهر