أضف سؤال أو موضوع جديد          

مشكله السياره طفت فجاة-تم حل المشكلة

up 3 down 4
almartki 251
قبل 7 سنه و 3 شهر



سلام عليكم..
انا وانا ماشي مع خط سريع قامت تنتع وبعدها طفت وقفت علي جنب الحراره كانت علي الربع طبيعي  وسحبت عيار الزيت الزيت طبيعي 
ارجع اشغل السياره تشتغل بس تنتفض ادعس بنزين تطفي جلست تقريبا 1ساعه والسياره طافيه وبعدها رجعت اشغل السياره اشتغلت معي مشيت فيها تقريبا 50كيلو رجعت طفت صارت ماتشتغل نهائيا اذا شغلت يطلع صوت من عند الشكمان زي صوت الضربه ..
وش الحل ياشباب 
طبعا السياره نظيفه جدا كامري قراندي سته سلندر 2001 

....
الحمدالله حصلنا المشكلة وهي.. من حساس الكرنك

المشكله كانت من سلك حساس الكرنك مقطوع والي قاطعه سير المكينه 
شبك السلك ولفيت شطرطون ورجعت مثل الوكاله ..
اشكر كل من تفاعل معي ...
تحياتي لكم  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هذي يا طويل العمر عندك طرمبة البنزين يبيلك تغيرها لان يوم تسخن تطفي السبارة. بالتوفيق



up 4 down 1
ngk_2 168
قبل 7 سنه و 3 شهر



^^^^ نعم ممكن تكون طرمبه البنزين +1 لايك للجميع


up 2 down 0
الشرقية1 270
قبل 7 سنه و 3 شهر



غالباً طرمبة البنزين

إذا في ورشة قريبة انتظر شوي حتى تبرد ووديها أو اتصل بسطحة


up 0 down 0
أبو عبادة 4852
قبل 7 سنه و 3 شهر



هذي  من طرمبه البنزين يبيلها تغيير


up 0 down 0
سامج -65
قبل 7 سنه و 3 شهر



صوت حاجه مثل التفقيع من عند الشكمان صح ؟؟ سبق وصارت لي هالمشكلة وخسرت نفسي وغيرت طرمبة بنزين وماراحت المشكلة وتفتفه وبالموت تمشي السياره 


طلعت المشكلة من اسلاك البواجي غيرتها وتحسن عزمها واختفت المشكلة , قبل ماتخسر نفسك وتغير طرمبة غير اسلاك بواجي او شيك عليها ممكن تهرب كهرباء


up 3 down 0
ابو سعود629 4708
قبل 7 سنه و 3 شهر



باين من وصفك ان خراب السياره من البواجي اول شي فك البواجي اكيد نزل عليها زيت حصلت لي نفس المشكله و غيرت البواجي و ارتحت مده بس اهم شي لا تضغط على المكينه زياده  و اتمنى  لك التوفيق 


up 0 down 0
bkry 66
قبل 7 سنه و 3 شهر



هذي من طرمبة البنزين حصلت لقريبي ، وهو مسافر .. اذا مشا على الخط يقول تسخن وتقطع تطفي عليه


up 0 down 0
عادل - 3adel 513
قبل 7 سنه و 3 شهر



والله يا الغالي الاسباب واردة وكثيرة ممكن طرمبة وممكن غيره لكن الموتر ومعك وانت ادرى وش اللي غيرته وماغيرته


عموما رح لميكانيكي كويس وهو بيفيدك بعد مايفحصها لأن مثل هالاسباب صعب نحكم عليها من ورا الشاشات لو تجيب افضل مهندس ميكانيكي لازم ينفحص الموتر


بس اذا رحت لورشة وقال لك العلة ياليت تبلغنا ونفيدك وش اللي تغيره وش اللي ماتغيره


up 0 down 1
a.ibrahem 3169
قبل 7 سنه و 3 شهر



هذا كهرباء 
بوجي مكسور
بلف مشعور
سلك مفصول 


up 0 down 0
سعودي كار 35
قبل 7 سنه و 3 شهر



ولا بوجي ولا بلف ولا اي شيء المشكلة حدا الثنتين ( اسلاك بواجي او طرمبة بنزين ) انا قلت له يشيك على اسلاك البواجي اول قبل مايخسر نفسه ويشتري طرمبة 


up 0 down 0
ابو سعود629 4708
قبل 7 سنه و 3 شهر



هذي من طرمبه البنزين  بس أشور عليك تروح للتشاليح افضل. تاخذ طرمبة مع المضخة كامله
300 ريال في الوكالة 1370 ريال 


up 1 down 0
رسـاوي 1234 130
قبل 7 سنه و 3 شهر



شف اول ماتسخن السيارة رش الطرمبه بمويه بارده اذا مامشت معك مزبوط فالخراب من الطرمبه اذا ماراح يمكن من اسلاك البواجي مثل ماقالوا الشباب


up 0 down 0
mohammed shareef 1088
قبل 7 سنه و 3 شهر



الاسلاك البواجي جديده مركبها مااعتقد انها اسلاك لاكن احتمال انه طرمبه بنزين


up 0 down 0
almartki 251
قبل 7 سنه و 3 شهر



شوف لك كهربائي ويتأكد من طرمبة البانزين

بس انا صارت لي مشكله مشابه لمشكلتك

امشي فيها ممكن من نص ساعه الى ساعه ونص ! وتنتع وتطفي . واحاول اشغلها ماتشتغل . تقعد طافيه ربع ساعه تقريباً
بعدها ادق سلف وتشتغل . وامشي نص ساعه وتطفى !

رحت لكهربائي قال لي الطرمبة ممتازه مافيها مشكله .
فأضطريت عشان اصلحها اروح اكشف عليها بالوكاله .
وطلع المشكله بأحد الحساسات . هو الخربان



up 1 down 0
trokky1 38
قبل 7 سنه و 3 شهر



احتمال صفايه البنزين

ابدا بالصغير....


up 0 down 0
waka81 57
قبل 7 سنه و 3 شهر



حبيت اقولك الله يعطيك خيرها ويكفيك شر العين . القراندي  سوا كرسيدا او كامري   . سيارات تستاهل االتحيه العسكريه ههههههههههه


up 1 down 0
مستريح البال 1 1780
قبل 7 سنه و 3 شهر



مابي اتفلسف بس يمكن طرمبة بنزين ، اذا كنت تعبي ٩١ جرب تعبي ٩٥ وشف تروح المشكلة ولا لا 
لان قد صارت لي بالاكسبلورر نفس مشكلتك عبيت ٩٥ راحت المشكلة ، حتى لمبة المكينه كانت مولعة 
لما عبيت ٩٥ طفت 


up 0 down 0
mrryooon 172
قبل 7 سنه و 3 شهر