سبب ظهور عداد الـ 120 والسيارة واقفة

وش موترك ؟

ومتى تطلع لك بالضبط بعد تشغيل السياره وتدوير المحرك ولا وهي طافيه؟


وضح اكثر عشان نفيدك صح بن صح

السيارة كامري 2005
وصراحة مش عارف متى تطلع لانه السيارة ناوي اشتريها وشفت هذي المشكلة من خلال الصور وع قول راعيها يقول علقت عليه وامرها بسيط

ممكن انت شفتها بالصور والرجال حاط المفتاح على السويتش 

عشان كذا طالعه لمبة 120
وراح تلاقي لمبه الزيت بعد طالعه
ولمبه البطاريه 
وكم لمبه تلاقيها طالعه
لكن مجرد ما تدق السلف راح تطفي على طول 
لكن اذا ما زالت شغاله فمعناه فيه مشكله


اما القير الاوتوماتيك فغريب والله
المفروض تطلع في الطبلون 
يمكن موديل 2005 الطبلون ما يفرق بين الاوتوماتيك والعادي فهذا ممكن

لكن تأكد اهم شي لا يكون مغير الطبلون حق القير العادي وملعوب الممشى

تماماً زي ما انا شاك بالامر 
اخشى ان يكون الطبلون مغير لانه هذي مشكليتن في الطبلون
الشي الثاني الرجال مشغل السيارة علماً انه مش طالع شيء في الطبلون غير اشارة الـ 120 والهاند بريك فقط وهذا يعني انه السيارة في وضع التشغيل

والله ممكن الطبلون مغير تشليح ومضروب 

لكن السياره يبان فيها التلاعب

يعني 2005 ممشاها ما يقل عن 200 الف 
اذا كان اقل من كذا حط الف استفهام مع تعجب ههههه

وانت شوف اخواتها الي بالموقع نفس الموديل والقير اوتوماتيك
اذا طبلونها بدون علامات القير الاوتوماتيك معناه ان هذا طبيعي

الممشى فعلاً حول الـ 140 الف

وش دراك انها علقت عليه يمكن كذاب ومغير الطبلون عشان يبيعها بغالي واذا كان على قولتك ان ممشاها 140 الف فنسبة 99% انه شريطي وكذاب ما احط شي في ذمتي لكن هذا الحق يعني باللهي سيارة تولع فيها لمبة ال 120 من هنا والطريق وش ذا الخراب اللي صدفه في الطبلون جت على لمبة 120 لو انها بطارية تطفى وتولع نقول بداية دينمو نقول قد خرب الدينمو وصارت تعلق لكن لمبة 120 هاذي ماعنك وعنها فاك الطبلون ولاعب فيه ولا مغيره


عشان كذا ابعد عن الموتر وشف لك انظف منه ولا غير الموتر بكبره