أضف سؤال أو موضوع جديد          

تقريري عن الكورولا 2013

up 5 down 1
memo alasiri 663
قبل 7 سنه و 3 شهر



السلام عليكم ورحمة الله ويركاته 

كيف حالكم حبايبي انا وعدتكم باذن الله انزل كل ثلاثة ايام تقرير عن سيارة

اليوم جايب لكم كورولا 2013 تحت يدي من الوكالة الين 38 الف وعطيت اخوي والحين ماشيه 42 الف

طبعا مواصفاتها نص الفل

1-قير عايدي 6 نمر

2- ريموت 

3-جنوط مقاس 15 انش

4-المكينه 1600 سي سي 120 حصان

5-سفط مرايات كهربائي

6-حساسات خلفيه

طبعا بتكون السيارة خلال فقرتين مميزات وعيوب

1-مميزات

1- جنوط السيارة دعستها كبيرة يعني مستحيل تحبل 

2-السيارة ناعمه جدا لدرجة اني امشي فوق حفر ومااحس فيها عكس السيراتو

3-السيارة راسيه مره مره الين 160 

4- السيارة ماشاء الله نزلت معي على خط الساحل 220 بالراحه 

5-المراتب مريحة جدا 

6-هذي النقطة ركزوا عليها زين (السيارة عمليه جدا جدا في كل الضروف )

7- كثرة الدروج في السيارة

8- تعامل الوكاله واسعارها جيدة جدا 
2-العيوب

1- ضغط المكينه يعني تخيلو امشي 190 الضغط على 5 مشيت عليها 220 الضغط على 6
  
2- السيارة ضيقه جدا من الخلف 

3- استهلاكيه في اكثر قطع الغيار تخيلو غيرت اقمشتها وهي ماشيه 15 الف والمره الثانيه وهي ماشيه 30 الف السيراتو ماشيه 24 الف وماقد غيرت فيها شي 

4-غلاء بعض قطع غيارها تخيلو الاقمشه الاماميه  بالوكاله ب 450 وتركيب مع خرط 100 ريال

5- وهذا عيب مصنعي من موديل 2003 الين الشكل الجديد 2014 الصدام مع الخط يفرش او تتكسر كلبساته غيرت كلبساتها مرتين بالوكاله ومع ذلك مفكوكه

6-العدادات الداخليه لونها برتقالي 

7-للامانه والسيارة ماشيه 27 الف طلع فيها تفتفه قويه جدا ووديتها الوكالة وطلع تحتاج تغيير بخاخات بس من حسن تعامل الوكالة دخلوها ع الضمان 

بس اترككم مع صور السيارة 

فيه صور ماخذها من الانستقرام اول مانزلتها من الوكالة الصورة الي قبل الاخيره اول ماطلعت من الوكاله نهاية عام 2012


















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كان معي 2012 قير عايدي نفس مواصفات موترك نص فل قير عايدي عزمها رهييب وراسيه اذا الخط ما فيه هواء اما اذا فيه هواء لا تتعدى 140 بالكثير ووصلتها على الخط 230 ..


up 3 down 3
mosfer alyami 774
قبل 7 سنه و 3 شهر



اشوف الشكل ذا احسن من الشكل الجديد اللي رايح كئنه خشم ذبانه من قدام


up 4 down 1
شويخ من أرض مكناس 2823
قبل 7 سنه و 3 شهر



الكوكو حلوه ونعومه الله يعطيك خيرها ويكفيك شرها


up 2 down 2
ابو مطرقه 22 76
قبل 7 سنه و 3 شهر



القير العادي الي معك فيه صوت؟؟   نفس الونة الخفيفة جدا
وبخصوص موضوعك فيه كم معلومة خاطئة 
بخصوص التحبيل محل محل معك الكفر لو وش ما صار 
وبخصوص المراتب معروفة السيارات اليابانية تكسر الظهر 
والرساوة الى 160  ؟؟ يمكن الطريق نظيف وما في هواء  وللحالك كتبت التجربة 
وبخصوص الفحمات فيه شركات ثانية ومنافسة ايطالية وتايلندية وماليزيا وسعرها رخيص جرب وركب 
والضمان نفس ظمان اخوي احد السلندر طلع مقفل وخربان وصلحوها الضمان وهو ما عنده اي ملف حتى 


up 5 down 0
صوت العزاوي 523
قبل 7 سنه و 3 شهر



حبيبي انا اقصد يحبل من الحفر زي الجنوط حقت الالنترا والسيراتو تحبل من الجنب من قوة الحفر

وبالنسبه للسفر انا اجزم انها راسيه الين 160 حتى لو فيه هواء والمراتب مريحه جدا بالنسبه لي شخصيا


up 1 down 1
memo alasiri 663
قبل 7 سنه و 3 شهر



ايه فيه زي الونه والوكالة تقول عايدي جدا في كل الكورولات


up 0 down 1
memo alasiri 663
قبل 7 سنه و 3 شهر



كلامك متناقض كيف عمليه وطلعت فيها كل ذا الخرابات والاستهلاكيه وقطع غاليه امحق عمليه
انا معي انوفا الفحمات ما تعيش ابدا على طول كم شهر وبح واصلا فرامل دمار اساسا!!!! 


up 1 down 1
بدراني الرياض 46
قبل 7 سنه و 3 شهر



تسلم على التجربه الراءعه و١+


up 0 down 2
مراجل 194
قبل 7 سنه و 3 شهر



القماشات معروف تويوتا صارت من أسوأ الشركات نصيحة ركب سيراميك وريح راسك

بالنسبة للنقطة رقم 5 وان الكورلا مريحة اكيد ما ركبت سيارات أمريكية ولا المانية وبعدها بتكره شي اسمه كوري ويابااني من ناحية الراحة حصرا لانه جدا سيئ الياباني بالنقظة ذي 


up 2 down 2
albroker99 742
قبل 7 سنه و 3 شهر



كوريلا ومريحة وعلى ١٦٠ راسية 
اقسم بالله العظيم اني قد طلعت من القصيم للرياض ومسرع بالطريق وصلت نص الطريق ما حصلت الصدام الخلفي مدري وين راح ههههههههههههه
من بعدها وانا حالف ما اسوق كورلا في طريق 

نصيحة لك جرب اي سيارة المانية اي موديل وراح تعرف معنى الراحة والرساوة 



up 0 down 1
ابو فرح مازدا 538
قبل 7 سنه و 3 شهر



من ناحية الرساوة اسمح لي ياخوي مهيب راسية وتخوف حتى لو مافيه هواء اوكي تمشي سيده بس لو تخطي وتلف الطارة شي بسيط


عطتك وضع الهوزه وخوينا قد صدم على كامري 2009 بسبت الشي هاذا جاء بيوخر عن واحد لف عليه في الدائري لفه بسيطة يوم راحت الكامري وقربع تاهو وقلبه ومن بعدها وهو متعقد من تويوتا والحين معه اكسنت يقول والله انها ريشه بس طارتها مهيب مثل الكامري لين لفيت تقبل تحسها بتنطل


up 1 down 0
a.ibrahem 3169
قبل 7 سنه و 3 شهر



اقسم بجلال الله ان معي مثلها بس استاندر 

اني امشي بخط الساحل 200 واحيان مايفتحون لي الخط وانطل بها لليمين واتجاوز 

انها راسية ورب البيت 

لها سنتين تقريبا معاي 

مشيتها لحد الان 91 الف بسبب عملي بمكه وساكن بجدة وفرفرة وسفريات

غيرت اقمشتها قبل رمضان بالضبط الامامية ب 240 وكالة 

مع التركيب والخرط طلعت علي ب 340 ريال كاملة ولحد الان ماشاءالله الاقمشة حلوة 

وغيرت قبل ثلاث اسابيع بواجي 

لاني رحت الباحة وعزمها طايح وغيرت البواجي والان ماشاءالله قوية

صح تلعب اذا فيه هواء

اما اذا مافيه هواء وربي توصل 200 بالراحة

بس مشكلتها الار بي ام يرتفع بسرعة وفيها صوت الونة مزززعج 

بس اتوقع صوت الونة بسبب سير التايمن او احد البكرات

عموما سيارة عملية وخدومة لابعد حدود

علما اني ادخل بها سيول وافحط بها وانطل بها احيان بالقوة تفحط بسبب مانع انزلاق الفرامل




up 2 down 0
coco13 893
قبل 7 سنه و 3 شهر



بالنسبة للصدام

كانت تنفك علي في كل سفر لازم اسوي لها تربيط

بس مرة شطفني فورشنر بالكفرة فقط قطع الصدام الامامي والحمدلله الارباق ماطلع

تاثر الصدام فقط

رحت اقرب ورشة سكرة قلت له تعديل صدام ورش بوية من جديد

قال 200 ريال

قلت توكل على الله وصلحها ومن بعدها ماقد انفكت ابدا لا من هواء ولاشي مع اني احيان ادف سيارات اخوياي 

بس مافيها راحة ابدا ازعاج الارضية بسبب الازفلت خشن

بس مافيه عزل ارضي ابد


اللي عنده حلول في العزل الارضي يفيدنا 


up 1 down 0
coco13 893
قبل 7 سنه و 3 شهر



في القمشات انت عندك مشكله موتري ماشي 50 الف وللحين ماغيرت قمشات الحمدالله


up 0 down 0
m0hd saad 10
قبل 7 سنه و 3 شهر



اخوي انت تقول ان عندك تفتفه قويه يوم كانت ماشيه 27 الف
وانا نفس حالتك 
تتوقع بخاخات ؟
وهل لازم تتغير ؟
اتوقع تنظيف فقط

عطني لايك اذا رديت عشان انتبه لردك ولا انساه


up 1 down 0
أبــوســالــم 775
قبل 6 سنه و 11 شهر



انا دخلها الوكالة وصلحوها على الضمان

كان فيها عيب مصنعي في البخاخات

روح الوكالة وخلهم يصلحونها على الضمان بس ترى ضمانها 3 سنوات او 100 الف

اذا عدت وحدة منهم مايشملك الضمان


up 0 down 0
memo alasiri 663
قبل 6 سنه و 11 شهر



لا ما عدت لسى 
لكن والله الوكاله قلق 
بياخذون السياره وبيلطعوني كم يوم وبقعد بدون سياره
الظاهر بروح بغيرها بنفسي 
وربك يعيني


up 1 down 0
أبــوســالــم 775
قبل 6 سنه و 11 شهر



حبيبي نظام وزارة التجارة 

اذا وديت السيارة لهم ودخلت على الضمان 

وقعدت اكثر من يومين يحق لك تطالبهم بسيارة بديلة

انا سيارتي قعدت 5 ايام 


up 0 down 0
memo alasiri 663
قبل 6 سنه و 11 شهر



انت غيرت القمشات في 15 الف يعتبر انت جالد السياره ,, في شباب عندهم وحده ماشيه 35 الف للحين ماغير القمشات وواحد ماشيه 66 الف وللحين ماغير اما باقي العيوب في جميع الكورلات من ناحيه الصدام والضجيج بس التفتفه هذا شي جديد


up 0 down 0
m0hd saad 10
قبل 6 سنه و 10 شهر