أضف سؤال أو موضوع جديد          

افيدوني بلي عندكم

up 4 down 1
07sbeshal 1344
قبل 7 سنه و 3 شهر



السلام عليكم #

مساء الخير للجميع #


انا انقبلت بالامن العام المهم ي اخوان

انا كنت بجامعة الملك عبدالعزيز بجده ودرست فيها سنتين وبعدين انسحبت لسبب اني ما جبت معدل كويس يخليني اكمل فيها

المهم سجلت من جديد وقبلت بجامعة الملك عبدالعزيز فرع رابغ طبعا تخصص مباشر مو مثل جامعة عزوز بجده فيها سنه تحضيريه

الي ابيه منكم تنصحوني هل الامن العام يستاهل اروح له او اكمل الجامعه برابغ افضلي

مع العلم انا بجامعة عزوز بجده مريت باشياء كثير كرهتني فيها لكن الحمدلله على كل حال

رايكم بالامن العام وهل لو انت مكاني وش بتسوي ؟؟؟

واتمنى من اخواننا الي بالامن العام يفيدونا عنه ودورته كم راح تكون الجايه و تخصصاته



وشكرا لكم

ادعولي "







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي قبل كل شي استخير وشوف انت تحس انك بتكون افضل فين لان القرار ذا يعنيك انت 

والله يكتبلك الخير انت وكل من يقرأ


up 1 down 0
هشام العتيبي 102
قبل 7 سنه و 3 شهر



انا مع كلام الاخ الي فوق مية بالمية  انا عسكري برتبة رقيب  في وزاراة الدفاع  راتب الجندي في الامن العام قريب من راتبي

وانا رقيب يمكن الفرق 1800 ريال لصالحي لكن انصحك تكمل دراسة جامعية العسكرية انا فيها من 14 سنة مافيها الى  

وجع الراس الى الضباط  امورهم في السليم وارجع اقولك كمل دراستك حتى لو كانت صعبة  المدنية مافيه مثلها  وبالتوفيق

اللي وضعهم تمام واعيد واقولك 


up 1 down 0
تركي 977 151
قبل 7 سنه و 3 شهر



اذ ظروفك المادية كويسة نصيحة كمل دراستك . الله يوفقك


up 0 down 0



اذا ضروفك الماديه كويسه كمل دراستك
ادخل المباحث و الاستخبارات والدفاع المدني احسسن الاماكن في العسكريه بلا منازززع

المرور الشرطه الحدود مدري ايش اسحب عليها يكدون اهلك كد 
الامن العام اذا كنت في الادارة بتكون مرتاح لكن غير كذا متعب جدا 

و الله يكتب لك الخير


up 1 down 0
bandara 1134
قبل 7 سنه و 3 شهر



بدل ماتضيع من عمرك 4 سنوات فالجامعه والله العالم تلقى وظيفه بعد التخرج ولاتبقى عاطل مثل غيرك

خش العسكريه واكسب ال 4 سنوات تجيك ترقيه وراتبك يوصل 9500 فالامن العام تراهم دلع 

راحت علي زمان يوم تخرجنا من المتوسطه كانوا يعسكرون بالمتوسطه فسلاح الصيانه قدم ولد عمي وانا قلت بكمل واخذت 4 سنوات فالثانويه
و6 سنوات فالشركات براتب ابو كلب والله ستر علي انها فرجت الان معي ولا كان جلست فالشركات براتب مايتعدا 5 الف

الان ولد عمي متزوج من زمان ومبسوط وماعندهم الا الدجه يقولي ترا العسطريه كلها تمارين رياضيه
والله اني ندمت مادخلتها زمان اول 
4 سنوات فالثانويه + 9 سنوات شركات = 18 سنه لو اختصرتها ودخلت العسكريه كان عندي الان 18 سنه خدمه وانا بال30 سنه
حاليا توي مكمل 9 سنوات خدمه  !!!!

راح اشيب على بال ما اوصل للتقاعد المبكر

خش العسكريه والحق عمرك مو كل من تخرج من الجامعه لقي وظيفه


up 0 down 0
شويخ من أرض مكناس 2824
قبل 7 سنه و 3 شهر



شويخ العسكريه مب كلها قطاع واحد 

الحرس الوطني والجيش لو تقعد عشر سنوات في شركات اصرف منها

خالي في الحرس راتبه 6 الاف وخويي في الاستخبارات راتبه شوي ويصير ضعف راتب خالي
وكلهم ثانويه وخويي بدون صاعقه ودورة ست اشهر فققط 
نصحتك في الدفاع المدني و المباحث و الاستخبارات 


up 0 down 0
bandara 1134
قبل 7 سنه و 3 شهر



اخوي انا بكون صريح معاك ولاهو قصور بكلام اخواني ترى الدراسه مهما كان تخصصك تفيدك ولاتظرك ابدا  واثبات لكلامي شوف خريجين الثانويه وخريجين التقنيه خريج التقنيه اقل شي عريف راح ياخذ اما الثانوي زين اذا جندي
فا انا اقول لك نصيحه من اخو كمل دراستك افضل لك واولا واخيرا استخير والخيره بما كتبه الله لك انت ذكرتني بزمان لما تخرجت من الثانويه كنت ناوي العسكريه وبعدين استخرت ودخلت هندسة حاسب واذكر وقتها الناس ليه تدخل التخصص هاذا ماله اي مستقبل وزين ان لقيت وضيفه بمحل كمبيوترات المهم زبدت لهم وكملت والان احمد الله واشكره اخذت منصب ممرموق واموري تمام التمام وافتكيت من العسكريه والخفارات وقلقها وانا اعيدها عليك اهم شي الاستخاره وتقبل مروري يالغالي 


up 0 down 0
hart90 25
قبل 7 سنه و 3 شهر



اتركك من العسكريه 
ولو بغيتها ماهي رايحه تجيبها بعد دراستك
التسعه الاف والسبعه الاف ما عاد تسويلك شي
لا ويجيك واحد اعلى منك رتبه ولا ضابط بزر اصغر منك
المرجله في ديره وهو في كوكب ثاني مو ديره ثانيه
ويتسفل عليك ولا يمرمطك
عديلي متخرج اداره واقتصاد تخصص عادي ماهو صعب تجيبه
الحين موظف في مؤسسه للموارد البشريه 
راتبه فوق 18 الف ودوام طويل لكن مدني ومرتاح تحت المكيفات

والله يوفقك


up 0 down 0
als7aimy 1176
قبل 7 سنه و 3 شهر



انت جربت الجامعة بنفسك من قبل
احكم على تجربتك بعد تفكير و تركيز
و شف تقدر تعيد التجربة بشكل أفضل

أنا درست بجامعة الملك سعود سنتين و نص علوم طبية - تمريض
افضل معدل لي كان 2.6 من 5 و اعدت كم مادة و كان الوضع صعب
حولت جامعة القصيم لغة انجليزية
و من اول ترم جبت 4 من 5 و الحمدلله تيسرت اموري
و تخرجت 3.4 و عديت القياس و الحمدلله هذي رابع سنة ادرس

يعني محد يعرف مستواك اكثر من نفسك ﻷنك عشت التجربة و جو الجامعة من قبل
دعواتي بالتوفيق



up 0 down 0
أبو نجوى 2442
قبل 7 سنه و 3 شهر



الله يعطيكم العافيه ي اخوان




للعلم انا لست خريج ثنوي من الان انا لي ثلاث سنوات متخرج وتعثرت بالجامعه بجده والان حولت لرابغ ودراسه من جديد بس بكلية الاعمال مو سنه تحضيريه



المشكله خوفي اني اتعثر مره ثانيه



الامن العام سالت كثير يمدحونه وانه ممتاز وتخصصاته كثيره وراتبه زين







اسال الله التوفيق لي ولكم وما قصرتم ي الغالين


up 0 down 0
07sbeshal 1344
قبل 7 سنه و 3 شهر



مادام انك متخوف انك تتعثر بالجامعة فعصفور في اليد افضل عشرة على الشجرة ادخل الامن العام وعيش حياتك 


up 0 down 0
ابوخلوودي1 5070
قبل 7 سنه و 3 شهر



 السلم عليكم اخوي 
معك محمد العنزي 
وبخصوص درستك بالجامعة حبيت اقولك لا تضحك على نفسك
يعني لا تقول بشد حيلي ومن هل الكلام الغير مفيد والي ما يودي ولا يجيب 
ترى بعد كم سنرة بتصير وظائف العسكرية بحب الخشوم  
والي يقولك كمل ما هو نافعك وانا بسئلك ؟
هل ظروفك الاقتصادية  جيدة حيل؟  راح تحصل دعم من اهلك بشكل كامل او مره ومرتين وبس 
 يعني يمكن انت من اول متوسط لا تفهم لا انجليزي ورياضايات والحين بتقول بشد حيلي ؟ لا يا حبيبي ما يصير كذ 
نصيحة ادخل الامن العام وهم كل سنة يفتحون اكثر من 5000 عسكري  يطلبون
وبخصوص الارهاب الي حولنا الي صار من داعش والشيعة فتحو الوظائف والا ما كان تحلم بها يا شيخ 
اقل شيء دراسة جامعية 4 سنوات الى 5 سنوات وبعدها كم بتقعد سنة وبعدها كم وكم ؟؟؟ 
سجل جندي ولا سجلت اكثر بيكرفونك سنة وسنتين وبعدها خلاص كبر الوسادة 
ذكرتني بجاري خدم بالشرطة العسكرية اكثر من  17 سنة يقول اول ما كنت استلم الا ان للحالي الحين يقول استلم على الدورية
احصل خمس ست سيارات دوريات واقفات يعني الوظائف كثرت وادخل عسكرية
الوظائف المدنية ما في الا المدرسين الى الان افضل نااس 
وما ودي اكثر الكلام ونصيحة ابعد عن الجامعة وادخل العسكرية وكمل بعدين عادي ما في شيء يمنعك 


up 0 down 0
صوت العزاوي 523
قبل 7 سنه و 3 شهر



يا اخوان تراكم فاهمين العسكرية غلط انتوا ياخي القطاعات العسكرية فيها كتائب والوية


يعني ممكن تكون في كتيبة تعيش ملك واستلام مايلحقك في الشهرين الا مرة ومررات تكرف الليل والنهار والاستلام يلحقك في الشهر مرررات على حسب



وبعدين صحيح ان الامن العام يعتبر اريح من الحرس الملكي والوطني لكن رواتبه ما تجي احسن منهم


الحرس الملكي اولهم والاستخبارات والمباحث والحرس الوطني هذولي احسن منهم حال حتى البحرية والجوية افضل منهم


اخس قطاع عندنا الامن العام وقبله القوات المسلحة اللي هو الجيش


وبعدين انت ياصاحب الموضوع تأكد انت في اي كتيبة اسأل شف


مع اني انصحك دام جتك الفرصة توظف ترى الفرصة ماتجي في العمر الا مرة وحدة مافيه شك ان التعليم والدراسة افضل لكن على ظروفنا الحالية لا ف الوظيفة افضل والدراسة كمل انتساب بعد ما تخلص الدورة وتزبط امورك


لأن لاتنسى بتضيع 4 سنين وانت تدرس وكم يبيلك على ماتلقى وظيفة بعد التخرج بيصفق عمرك 27 وتوك متوظف وكم يبيلك تجمع عشان تعرس الا توظف وكم انتساب وبتنفعك في الترقيات


الله يوفقك ولا تنسى تستخير يمكن يتغير رايك وتغير عن العسكرية


up 0 down 0
a.ibrahem 3169
قبل 7 سنه و 3 شهر



وبعدين برضوه ترى مهب كل حقين الامن العام مرتاحين ترى العسكرية عالم كبيررر يمكن يكون الرجال ميداني وفي كتيبة منهبله على التفلون يجي انت شف واسأل واستخر لا تستعجل بس انا انصحك بالوظيفة والدراسة ملحوق عليها


up 0 down 0
a.ibrahem 3169
قبل 7 سنه و 3 شهر



والله احترت ي جماعه معد ادري وش اسوي



up 0 down 0
07sbeshal 1344
قبل 7 سنه و 3 شهر



فيه تقديم المباحث بعد 5 ايام انت استخير وشف وش الله كاتب لك
اسأل الله ان ييسر لك امورك



up 0 down 0
bandara 1134
قبل 7 سنه و 3 شهر



اليوم رحت لمركز تدريب الامن العام للكشف وتم قبول كل شي لكن انا والله ما ارتحت






واستخرت وان شاء الله بكمل دراستي


up 0 down 0
07sbeshal 1344
قبل 7 سنه و 3 شهر



بشر اخوي عساك لقيت وظيفة بعد ماخلصت الجامعة ؟؟ 
هههههههههههههههه الموضوع قديم


up 0 down 0
gmc1976
قبل سنه و 9 شهر