لاندكروزر قطر

افحص ثم افحص ثم افحص 

اللاندكروزر القطري يجيك مفجور وملعوب في بطنه لانه سيارة الشباب هناك  زي الكامري عندنا   طبعا مو الكل  

ولك في مقاطع طعوس العديد على اليوتيوب نظرة مبسطه عنها  

والله ييسر لك مافيه الخير

يااخوان تكفون عطوني لايكات ما اقدر اكتب مواضيع

مثل ماقال الاخquartz
اكتب باليوتيوب تطعيس العديد وشف وش يسون بالمواتر 
واتوقع راح تبطل بعد ماتشوف المقاطع
اذا بغيت لاندكروزر عليك بالسعوديه استخدام نظيف مايلعبون بالموتر ولو كان غالي
مواتر نظيفه وبعضهن اخت الجديد 
أذا شريت لاندكروزر حاول تظبطه مثل قطر 
مواترهم تفهي  لاشفتها ماهو زي عندنا......
موفق ان شاء الله

زي ما قال السيد المحترم  الجيوب الافضل تاخذها من السعوديه  لان هناك يكرفونه  كرف  

مب على كل حال يصير ملعوب فيه

كذا جكس جاي من قطر اشوفها في المعارض نظيفة
موديلات 2009 و 2010 ماشيه اقل من 100 وبعضها تصير ماشية فوق الـ 100 بس معتنى فيها
وفيه التعبان والمفجور

يعني على حسب

اهم ماعليك الفحص العملي قبل فحص الكمبيوتر

العضلات 
الدبلات
الصليبات
الوقفه
البودي
صوت المكينة

اذا صارت جيده بنسبة 80% توكل على الله وافحص كمبيوتر

هناك القطري ياخذ مواصفات استاندر ويضبط ويعدل عليه ويلعب فيه لعب 
وما يهتم بالموتر كل شريطي وواحد اعرفة راح للقطر ورجع يسحب  خيبات الامل وما حصل الي يبي 
مواتر منتهية لا جكسار ولا ددسن ولا اي شيء  او حق شركات 

توي جاي من قطر , يمكن 70% من سيارتهم لاندكروزر وجيوب لكزس , تآمن بالله شفت جيوب لكزس عليها جنوط هدد لاندكروزر وجنوط ربع وشاص ومفككين صادماتها , جيب لكزس ياولد ماهي كامري , الصغير والكبير والحرمه والرجال اغلبهم معهم لاند او لكزس او باترول , والكثير منها معدومه واغلبها كفرات بوالين يعني حقت برران ونفود

ما انصحك في القطري وانا اخوك

الا اذا بتدور مرسيدس او مثل كذا

اما اللكزس والباترول والاند ابعد عنه , عندهم هالسيارات مثل الاكسنت والكورلا واليارس عندنا , وانت تعرف كيف حالة السيارات هذي عندنا , تراها مثل حالت الجيوب عندهم