سوال للي حافظ خط ابها من الرياض

حستني اتا في مكسيكو ههههه عايش جو اي مقطعه يرحم والديك

انا ماسل عن البشر

انا اسال اهل الدليله

عن الخط الجديد

الخط سيدين من خميس مشيط الى الرياض بس انا انصحك تجي مع تندحه طريب بعدين يجيك كبري بيشة خذ يمين جهة تثليث وتوكل على الله الطريق طيب وكله سيدين من اوله لين اخره بس طويل شوي عليك والمقطعه الخطيره بين تثليث وبين الوادي فقط وبسيطه ان شاء الله انصحك لاتروح من طريق وادي بن هشبل لانه مكسر ومشوار واذا بغيت شي ارسلي على الخاص وابشر بالي يرضيك..

المقطعه يعني خط طويل سيء بدون محطات وخدمات 

الاخوان فاهمين غلط وش جاب طاري قطاعين الطرق ههههههه

كان بودي افيدك يالغلا لكن ماعندي علم اخر خبري بخط ابها قبل  15 سنة 

يا حبيبي الخط زين ما عليه كلام اللهم المطبات الاصطناعية كثير خاصة وادي الدواسر ومن قالك افرق من بعد الوادي غلطان الخط سيده على طول من الخرج حتى توصل مفرق طريب لا تروح سيده بعد الكبري افرق يمين حتى تدخل الخميس واكرر ادخل المفرق اللي بعد الكبري لان فيه مفرق قبل الكبري تدخل يمين وينقطع الخط انتبه 
واما قطاع الطرق الحمد لله ما قد واجهت او سمعت عنهم ابدا الا قصص خرافية عليك بدعاء السفر والتوكل على الله وانا سنويا مرة او مرتين مع خط الدواسر 

صحيح كلامك يبو خلودي 100 % اطلع فوق الكبري المخرج الثاني يعني ثاني لفه

هناك عدة طرق من الرياض لأبها :

1/ طريق الرياض ـ الخرج ـ الحوطة ـ وادي الدواسر ،

وهذا الطريق متعب قليلا ، لكن لو مشيت في النهار ( من الفجر ) سيكون جدا ، بحول الله .
2/ طريق الرياض ـ القويعية ـ بيشة ،

وهذا الطريق إلى مفرق ( الخرمة ورنية وبيشة ) جيد ( سيدين وممتاز ) لكن طريق الخرمة ـ رنية ـ بيشة ، لا بأس به ،

ولا تسافر إلا نهارا . وهو طويل نوعا ما .

3/ طريق الرياض ـ القويعية ـ الطائف ـ طريق الجنوب ، وهو طويل ، لكنه ممتاز .

4/ طريق االرياض ـ القويعية ـ الطائف ـ بني سعد ، وهو ممتاز أيضا ، ولكنه طويل .

. حفظك الرحمن ، ويسر لك

لا الطريق مزدوج من الرياض الى ابها 
و الطريق مافي لفات كثير الى ان توصل طريب و بعدها تبدا اللفات 

لاتنسى دعاء السفر وماقصرو الشباب توصل بالسلامه

الطريق طيب سيدين من الرياض ل ابها بس زي ما قالو الاخوان روح مع طريق طريب افضل  لا تروح مع طريق وادي بن هشبل  و توصل بالسلامه

اشهد انكم ماقصرتو ياخوان

بيض الله وجيهكم


لكن سوال اخير

الكبري حق طريب هل بحصل عليه لوحه مكتوب عليه طريب

ايه بتحصل عليه لوحه اطلعه بينزلك
من عند تندحه والى المشي الى في
خميس مشيط احسن ماتمر بوادي بنهشبل

اول شي الطريق سيدين 

ثاني شي تعال مع تندحه ثم خميس مشيط وبعدها ٢٠ كيلو وانت بابها

لا تجي مع طريق رنية سئ للغايه يجيبك من الطائف لين تربه للخرمه لرنية لبيشة للخميس ما يصلح ابد ..

انصحك بطريق جديد

الرياض المزاحمية الرين وسيده الين توصل بيشة الرياض بيشه فقط 650 كيلو

الحمدلله

انا الان في ابها

واشكر كل من رد وساعدني على الطريق

طلعت مع طريق طريب

أفضل خط من الرياض - حوطة بني تميم - السليل - وادي الدواسر - خميس مشيط - أبها

أقسم بالله أول مرة أطلع معاه وهو أفضل شيء
وأنا راجع للأسف طلعت مع الطريق الثاني بيشة-الرين - المزاحمية - الرياض المشكلة سيد واحد رايح وجاي وكله ملغم كاميرات ساهر وايضا منطقة عجاج وغبار ولا ترتاح نفسيا فيه لان المحطات البنزين قليلة فنصيحة محب خذ الطريق الاول أفضل أحسن للعوايل وأنصح فيه بشدة ولا تنسوني من دعاؤكم .