مشكله ونبي حلها

شوف فيه طريقة وان شاءالله تكون صح شغل السيارة وفتح الكبوت وافصل سلك السالب من البطاريه واذا طفت على طول معناه ان الدينمو خربان 

يعطيك العافيه ي محمد ولك لايك

بسيطه وانا اخوك المشكلة ماتشتغل الا بشتراك 
وبعد ماتمشي السيارة تقطع كأنها تبي تطفي بانزين ومكتومة 
وبالليل تشوف الانوار تضعف وبعدين تطفي وماتشتغل الا بشتراك
مره ثانييه المشكلة ميه بالميه من الدينمو يمكن يبي له فحمات وكتوات 
ويمكن بس الفيش مرتخي وتظغطه وخلااص (:

والله ي صاحبي نفس ماقلت بس الفيش فصله ورجعه مافيه فايده اما كتاوت مدري عنها ولك لايك 

رح لمحل البطاريات وبيفحص لك البطارية والدينمو وانت واقف 

وترى فيه جهاز يفحص دينمو  السياره وهذا اسم الجهاز Battery Tester

ي بن الحلال مشكلتك من الدينمو ماتشحن البطارية عشان كذا بعد 
الاشتراك بسرعة تفضي البطارية لان الدينمو مايشحنها وتطفي (:

يعطيكم العافيه ولاهنتم راح نشيك ع كل شي صباح ان شاء الله 

مصفق يطولي عمرك البطاريه مالها يوم بعدين اذا الفحمات ع قولتك نغيرها ويليت هي بس كيف انه هي الخربانه وبطاريه جديده 

يعطيك العافيه ي الامير وبنسبه لمبه البطاريه تشتغل وتطفي طبيعي مالحظه عليها شي والهندي دايركت قال غير دينمو وراح اخليه يفحص ع الفحمات لك لايك 

اي هذا قصدي ان اول متشتغل السياره تطفي عادي نفس كل مره ىاذا ع قولتك اكيد الهندي ميدري وش سالفه مع العلم انه.جاب جهاز ع البطاريه وقال ان دينمو خربان 

حصلت معي نفس المشكله  و كل كهربائي يقول شي من راسه و في الاخير  ما اشتغلت و سحبتها لكهربائي وفحص السياره و طلع فيها التماس في اسلاك الطبلون  يعني سيارتك فيها التماس  اتمنى اكون افدتك  

يعطيك العافيه راح نشيك ع كل شي ولك لايك 

مثل ماقالك الاخ تركي اصحك حس عينك تغير الدنمو غير فحمات فقط هم يبونك تجيب دنمو جديد وياخذ حقك ع انه تالف
خربان ويحذفه قدامك ف سلة المهملات واول ماتعشق وتمشي يرجعه ويهندسه ويبعه ع واحد ثاني ويقلي هزا اصلي نفسو وكاله

بس مايبيلها واحد اثنين فحمات دينمو 100% والتأكيد على ذلك هي الاسباب التالية :


1- انك تقول لمبة البطارية تشتغل وتطفى ومعروف لمبة البطارية ما تشتغل الا اذا فيه مشكلة في الدينمو

2- انك تقول تطفى السيارة وهي تمشي معناها ايضا من الدينمو لأن لوها بطارية كان مجرد ما تعطيها اشتراك تقوم السيارة وتمشي طبيعي اذا كان الدينمو سليم وبعدين انت تقول البطارية جديدة


3-وبالنسبة للمكيف انه يحتر فهاذا طبيعي لأن كهرب الموتر ضعيف والكمبريسر تعرف يضعف المكينة ويستهلك كهرب

3- وبالنسبة لحرارة المكيف انه يضعف طبيعي واذا دعست له بقوة قوى الدفع


كل هاذي صايرة لي في السوناتا اللي كانت معي قبل سنة تقريبا وصارت فحمات الدينمو غيرتها وسلك معي الموتر بس انا ماكان يطفى معي الموتر لا يمشي بس تولع اللمبة وتطفى وثانيا المكيف يضعف واذا كتمت لها قوى دفعه


اذاً كلام المهندس اللي انت جبته صحيح خله يشيك على الدينمو ويفيدك وش اللي تالف فيه ممكن فحمات فقط ... تقبل مروري وشكرا

شكرا لك ويعطيكم العافيه ع كل من اهتم ورد في موضوعي بالنسسبه ي صاحبي عرضت الدينمو ع اكثر من محل ورحت ورشات اكثر من وحده وكلهم كلامهم واحد فكو الدينمو ولقو ان 

الفحمات جديده والكتاوت مافيها شي ابد البلا من نفس الدينمو جيم خلاص فحصوه في جهاز الدينمو المفروض الرقم ١٢ وهو لا ١٤ يعني مولي لقيت الوكاله في ١٨٥٠ عليه بس ضمان تشغيل سسلاماات

ههههههه ركبت ياباني في ٥٠٠ ريال وراح نشوف ان الامور ضبطت كان بها مازانت لها حل باذن الله واحلى لايك 

الياباني ركبته قبل ماكمل 3 شهور الى وخربان