أضف سؤال أو موضوع جديد          

تعرف على حيل وألاعيب شريطية السيارات

up 29 down 7
شيبة الحمد 1853
قبل 8 سنه و 9 شهر



تعرف على حيل وألاعيب شريطية السيارات

كثير منا يذهب للمعارض إما للبيع أو الشراء والكثير الكثير خٌدع أو تم الضحك عليه من قبل شريطية السيارات لان كثبر منهم لايخافون الله في هذا الموضوع سأحاول أن أوضح بعض حيلهم وطرقهم للغش على الناس ومحاولة اصطياد الناس وشراء سياراتهم بأسعار قليله لعل أحد أن يستفيد .
أول ماتقترب من المعارض تجد ممن يسمون شريطية (تلقي الركبان) وهم على بعد أكثر من كيلومتر عن المعارض لمحاولة اصطياد فريسه بعيد عن عيون الباقين يبدأ معك من سعر قليل جداً ويكون معه اكثر من شخص يحاولون النيل من الفريسه ليشتركوا بها فأحدهم يقول والله انها لاتساوي هذا المبلغ نصيحه بع السياره لايفوتك الزبون وهكذا يدخلون على الشخص بأنهم تاصحين لك وهم الله اعلم .بعد أن ييأسوا منك لهم حيله شيطانيه يقول لك أحدهم طيب بكم تبيع نفرض أن سيارتك لاتساوي مثلاً 30000 ريال هو يعطي السياره حوالي35000 ريال وهذا عندهم مصطلح يطلق عليه(نعميها) أي أنك تريد أنت أكثر من هالسومه والبعض يطمع فيجلس يدور بالمعارض مدة طويله ولايجد أحد يزيد ولاهلله على السعر السابق.
إذا دخلت السوق تواجه كثير من الوجوه بعضهم صادق والكثير الله أعلم يدوخونك بكثرةالسؤال وليش تبيع وهات ياأسئله مالها داع .بعض الشريطيه مثلاً يقول لك حد السياره قد تكون مستعجل وتطلب سعر معين وهذا خطأ أنت في حال أن تقول أريد هالمبلغ الشريطي على طول ركب سيارتك وقال لك أنا إشتريت المطلوب في هذه الحاله أن تأخذ عربون لايقل عن 500 ريال أتدري ماذا يعملون بعد ذلك يذهب بك للمعرض ثم يختفي عن الانظار وأنت جالس وين الرجال يقولون لك شوي وهو جاي وكل شوي يأتي واحد ويقلب بالسياره يمين وشمال ثم يعبس بوجهه ويقول والله حرام ماتسوى ولانص هالمبلغ وهكذا بعد أن يذهب وقت السوق يِأتي صاحبك بعد المغرب ويقول لك يالحبيب أنا بصراحه فشلان منك وترانى أعطيتك سعر وأنا أجهل السعر طيب والحل الحل هو أن تخفض من سعر السياره حوالي5000 ريال وهكذا أنت تكون محبط وضغطك واصل ماشاء الله ولكن ليس لك حيله ولكن لو معك عربون للسياره لهانت المسأله شوي ولكنه لايعطيك أي عربون في هذه الحاله قد تضطر أن تسايرهم أو تزعل وتأخذ سيارتك ولاحول ولاقوة إلا باللهوقد تجد سيارتك باليوم الثاني بها خدوش من مسامير عندما كانت بالمعرض لمحاولة إيجاد دهان سمكره أو ماشابه.
وهناك بلاوي أٌخرى وهي البيع تحت المكرفون فالذي يحرج ويزاود بالسعر هم هالشريطيه ولكنهم من نوع آخر ناس مفتولي العضلات وبنيتهم تقريباً قويه إذا وصلت السياره لسعر غير معقول أخذوك بالقوه وهذا يرميك يمين والثاني معه الدفتر والثالث بع يابن الحلال بع السعر زين ويحاولن قطع الماء والهواء عنك بالقوه بع بع شوري لك عاد أنت وحظك إما أن توقع أو لاتلوم نفسك وهذا البيع محرم سواء للبائع او المشتري إن كان هناك مشتري يجهل السيارة ولايعرف العيوب.
من مصطلحات وقواميس شريطية المعارض
أزقحها(اعط السيارة أكثر من قيمتها) سوا سوا (يعني إذا السياره 35500 يعني تكون ب36000 ريال) كم عطوكم(يعني كم هي مسيومه السياره) مانقلد على السومه(السيارة سيمت قبل اليوم ولها اليوم سومه ثانيه) تبيع صافي (أي ليس عليك أي مبالغ عند البيع والكتابه وهذه أحد حيلهم فالبائع ليس عليه مصاريف كتابه ولاتعقيب
مابها رش أو ماطقها الشاكوش(يعني هل سبق أن صُدمت أو جاها سمكره)
في الحلقه الثانيه سأحاول أن أوضح لكم طرق شراء السيارات وطرق بيعهم والغش في إظهار سياراتهم بأنها جميعاُ سيارات مهندسين ودكاتره بس أتمنى ألا أكون ضيقت وأكثرت عليكم وأي نقد أنا أتقبله بكل رحابة صدر وأي سؤال عن السيارات بعد ماعندي مانع وأترككم مع بعض هالصور
-----------------------------------------------------------------
اتمنى إذذا عجبك الموضوع لايك
تحياتي وشهر مبارك
أعتذر على الغياب الطويل








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم ورحمة الله
امس كنت في حراج جدة واماشفت شي نظيف
والمهم لفيت الين وصلت عند سيارة الواضح انها نظيفة وجالسين يحرجون عليها كلمت راعيها قال السيارة بودي مافيه صدمة والسيارة على الشرط مافيها ولا شي وماتحط عليها ريال
والله انا قالت بتوكل وازايد معاهم
وصل الحراج على 26200 وانا قلت 26500
وعربنت المحرج 100 ريال
وكان في ثلاث محرجين ع السيارة
شوي شوي خفت الزحمة ورست علي السيارة
مع العلم انه صاحب السيارة كانو يحاولون يقنعوه بالسعر ويحاولون ارفعة لهم
انا اقول هذا حدي
وراعي السيارة يقول جابتلي 30
وبالاخير رضي ب 26500
انا استغربت مع اني واثق انه بيرفض
ورحنا المعرض ومعانا الثلاث محرجين
اعطيتهم هويتي
وقلت قبل كل شي اروح وافحص السيارة
فجئة انقلبت وجييهم
جاني واحد منهم يناحلني
يقول الحراج مافيه فحص
قلت والله من حقي افحص
قال شكلك ماتعرف ايش الحراج
قلت الحراج عبارة عن مزايدة في السعر
قال انك تشتري سكر في مويا
قلت راعي السيارة شارط عليها وبكذا ليا الحق افحصها
قال ادفع لراعيها 33 وافحص
قلت لو ب 33 ماكان زايدنا عليها والشرط كان تحت المكرفون
قال نزلنا في قيمتها كثير
قلت والله لو وقفت علي ب خمسة الاف لي الحق افحصها
عصب وقال شكلك ماتعرف للحراج
قلت افهم في الشرع اكثر من الحراج ولي الحق افحصها دام الشرط موجود
واخر شي اعطاني الهوية و 100 ريال عربوني
مع العلم راعي السيارة مافتح فمه بكلمة
طبعا السالفة صارت مكشوفة انها نصصصبة
وشوي المحرجين الاثنين قالو للاول خليه يفحصها وانت ايش خسران
واتوقع كانت في نصبة ثانية
قالو يالله رحنا ع السيارة
وكانت شوي بعيدة
ومالكم في الطويلة
وصلو السيارة ولا حصلوني هههههههههههههههههه
ومشيت على مكة قلت توبة اجيهم حراج كله شريطية وعالم نصابين


up 0 down 0
hany-s
قبل 5 سنه و 4 شهر



ترا صاحب السيارة شريطي معاهم وكلهم نصابين ..وحصلت معايا


up 0 down 0
ahmed el
قبل 2 سنه و 6 شهر