مشروع مغسلة ملابس

المشروع طيب بإذن الله
ونسبة المغامرة فيه قليلة
لكن المشكلة راس المال قليل جدا جدا حتى لو كان المحل موجود

ابحث عن نشاط اخر دام هذا راس مالك

الله يوفقك لاكن مشروع محل خضار ارباحه اكثر وشغله اخف 

لا محل خضار ولا مغسلة ولا غيرة

راس المال جدآ قليل مستحيل يفتح لك محل

الا كانك تبي في حي شعبي ممكن

ما شاء الله .. الله يوفقك الأعضاء واحد يبي يفتح تلميع ساطع وانت مغسله .. الله يرزقكم بس عاد لا تنسونا اعضاء المنتدى ببلاش 
^عز الله خسرت ههههههههههه دعابه دعابه .. الله ييسرها لك ولا تنسى تستخير 

رأس المال قليل جدآ

انا ماحب احطمك بس المبلغ قليل جدا جدا
لو عندك دبل هالمبلغ يعتبر ايضاا قليل
لانه اقل شيئ تقريباا يكون معك 80000 الف ريال
احسبها معي :
مكبس ثياب (مكوى بخار) صناعة أمريكي تجميع سعودي بـ 8500 ريال
عدد ثلاث غسالات عامود جنيرال إليكتريك مفتوحه بــ 2500 ريال للوحدة
عدد ثلاث نشافات جينيرال إليكتريك بـ 2200 ريال للوحدة
عدد واحد مكينة تعليق ملابس أوتوماتيكي صغير بـ 13000 ريال
عدد واحد بولير (ماطور البخار) 15000 ريال
بالإضافة إلى إجار المحل لايقل عن 30000 ريال سنوي ولايزيد عن 40000
بالإضافة إلى ديكور المحل وملحقاته من تسليك وغيره 25000 ريال
هذي أساسيات متطلبات محل المغسلة
كما يمكنك في حال تريد الرقي بالخدمة إضافة غسيل الناشف (Dry Clearn) وتكفلتها لا تقل عن 60000 ريال
ولا تنسى عمالة لا يقل عن 3 عمال كل عامل راتبه 1200 ريال
والله يوفقك إن شاء الله

اجمع عليه لين 50 الف
بدل ماتشتري معدات جديده 
وسبحان الله تخسر وﻻ شئ
شفلك محل لتقبيل وخذه المحل
بمعداته او اشتر منه المعدات
شفلك مكان ممتاز شوارع الفره
شقق عزوبيه مجمعات شقق
انت حط قدامك اسؤاء اﻻحتماﻻت
قبل المحل وكل شئ 
احجز اسم تجاري من موقع وزاره
التجاره بعدها تروح لهم وانا طابع
ورقه اﻻسم وتطلع سجل تحاري ب 200
تسدد بالصراف و 800 اشتراك سنوي 
بعدها البلديه بعد ماتستاجر المحل تطلع لوحه
يعني اﻻجراءات يبغالها حدود شهر عاملين
يكفون وبراااحه اي مشروع مربح اهم شئ
موقع والعماله اجل متابع العمال اول باول
ﻻتسوي مثل الى باعو بلدهم على اﻻحانب
يفتح له محل واعامل له كل شئ واﻻخ متبطح
وله الفين حواﻻت اﻻجانب بس 140 مليار
هذي تعمر افريقا كامله 

مادري ويش القصه من يوم كتبت الرد
جاني ديسلايك على الرد وعلى مواضيعي القديمة
لايكون ردي يزعل انا مقلت الا الحق

مشروع حلو لاكن اختر مكان مناسب للمحل واحد من اخوياي حاط مغاسل وتورط مسكين فيها لان قبل هالمغسله في ثلاث قبلها
يعني حطها في مكان مافيه مغاسل واجد وبتكسب صلاة العيد والجمعه مكسب حلو جدا بتوفيق ..

والله ياخوي اذا تبي النصيحه انا ولد خالي فك مغسله وكلفته فلوس واجد فوق 70 الف 

بس وين فكها ؟ 
فكها بمخطط جديد تقريبا ولافيه اي مغسلة ملابس وفكها عند شقق عاد ماشاء الله ياعليه ناس طلع راس المال ب4 شهور 
وشوفه الين ذحين مواصل فيها ومبسوط وهو توه متخرج ولاتوظف ورد راس المال لاابوه ومكمل وماشاء الله طلع له كابرس ss
2013 ويقول لي بفك فرع ثاني بشارع رئيسي وشوفه هو عااااااطل 

الله يوفقك والاهم انك تكون مستعد للعمل ومهما صغر راس المال الاهم هو الطموح بارك الله فيك

انا واحد من العيال تقبل مغسلة ب17 مع معداتها وباقي من اجارها شهرين ونظرا لعدم تفرغه باعها على واحد ثاني ب19 وهو ماشغلها  يعني ان شاء الله تلقى لك مغسلة للتقبيل بسعر طيب وتاخذ معداتها بعد الفحص طبعا وتنقلها لمغسلة ثانية وراس المال المقترح لمغسلة فتحة وحدة 35-45 تختلف نظرا للايجار المدفوع

ياخوي محل خضار فتحه وحده ما يكلفك 12 الف ريال 
حطه جنب مسجد وقريب من البوفيات في الشارع وبإذن الله فيها رزق 

ياشباب المحل موجود عندي ملك في عمارة جدي والمعدات يقلون مستخدمه يمكن تجي ١٨ الف 

منيب مشتري جديد 

ولايك للجميع وتستاهلون 

مشروع حلو خصوصا اذا اخترت المكان المناسب
انا اعرف واحد في جده فتح مغسله ورزقه الله وفتح منها مغسله ثانيه
والحين عنده مليون ريال من ذا المغاسل
بس اهم شي الموقع الموقع الموقع
بس راس مالك انت قليل والي اخبره اقل شي 50 الف
فيه مشروع حلو براس مالك ليش ماتدخل بالاسهم بس لاتدخل قبل تتعلم ...

الله يرزقك يا صاحب الموضوع 
وتعليقي على دو8 
اذا طلع راس المال باربع شهور واشترى اس اس 2013 وين العاطل عن العمل بالموضوع؟ 

حتى لو كانت ملكك تحسب من راس المال الله يحفظك بحسبه بسيطه لو اجرتها كم بتجيب لك لو نقول 24 الف سنوي يعني 24000+25000=49000 زد على ذلك 6 شهور ضريبة التعطل لتجهيز المحل واستقدام الايدي العاملة
6شهورX قيمة ايجاره الشهري2000 =12000 تضاف لرأس المال 61000 وهذا هو راس مالك الفعلي حاليا واي مبلغ تضيفة قبل التشغيل يعتبر رأس مال
بالتوفيق للجميع

مشروع كويس وحلو 
والمعدات خذ مستعمل من جده 
تكلفك 35 عدة وديكور 
 والدخل من 3 ال4 الاف بالشهر صافي