يااخواني عندي مشكلة بسيارتي كامري 2014

يبيلها خرط هوبات . ودها الوكالة ويضبطونها لك

اذا ما هي على الضمان

غيرفحمات و اخرط الهوبات

هوبات اماميه حصلت معي اذا مسكت يرج الدركسون
بس موترك جديد ! هل هو سوء استخدام اوعيب خلقي عفوآ اقصد مصنعي

طبيعي من آثار الشحن عن طريق البحر ونقل السيارات من ميناء لميناء يكون في الهوب او القماش نتوء 
والمفروض كل وكيل اول ما يستلم السيارة يشيك عليها بما يسمى التشييك الاخير قبل التوزيع وقبل يدخل في مرحلة البيع
وممكن سيارتك سقط سهواً 
عندك مثلاً المتحده ما عندهم شي اسمه التشييك الاخير
انا العام الماضي استلمت دورانقو ماشي 18 كلم واول ما المس الفرامل ترج السيارة نفس طريقتك
ولما رجعت الوكيل لقيت مو لحالي اغلب العالم راجعين نفس المشكله وسيارات مختلفه والموضوع طبيعي بالنسبة لهم بالصيانة
مالك بالطويله خرط هوبات وصلى الله وبارك
الله يعطيك خيرها ويكفيك شرها
موفق بإذن الله

مدري والله يا اخوان بس انا اذكر اني كنت مسافر وبعدها وقفت وغسلتها ب مغسله يعني يمكن الموية جت الاقمشة والهوبات وخربتها رغم ان الرجه ماتجي الا على سرعة فوق 90

^^^
كلنا نغسل سيارتنا وننزل بشعبان  ماصار كذا
اذا السياره على الضمان رووح للوكاله خلهم يصلحونها

انا معي كامري 14 مثلك وهالمشكلة ماتجي الا اذا جيت اهدي على سرعه يعني دعست الفرامل بقوه او طلع في وجعك ساهر وتبي تهدي بسرعه ترج السيارة كلها واذا رفعت رجلك تروح اما بالاستخدام العادي ماتصير

كانت معاي الين وصلت 20 الف واختفت من نفسها عادي

غير الفحمات و اخرط الهوبات 
"انتبه تغسل الكفرات وهي حارهه " 

لايكون نظام الفرامل اللي يسمونه (مانع الإنزلاق ABS) ؟ 

عندي نفس الحاله اذا فرملت فجأة تهتز ــ ماتهتز الا وقت الفرملة الفجأة ... اما استخدام الفرامل بشكل عادي مايهتز.. 


والله أعلم 

هل الرجة تجي اذا فيه ركاب في الخلف او وزن ثقيل في الخلف ؟ 
اذا كانت كذا فاتوقع انها من موزع الفرامل  EBD تصير معي في كامري ١٣ عندنا منطقة 
جلبية نزول حدود ١٨ كيلو اذا نزلت ومعي ركاب في الخلف تجي رجه مع الفرامل واذا لحالي الوضع
طبيعي

اخوي انا كانت عندي نفس المشكله

حلها طبعا رحت ميزان العضيب وسويت خرط هوبات بي 150 فقط الاماميه الخلفيه ماتحتاج وللمعلوميه كل سيارات تويوتا تعاني من هالمشكله حتى لاندكلوزر

موضوعك بسيط بإذن الله وصارت معي بلكزس لو تلمس البريك خفيف تحس بالرجة وخاصة الدركسون
تحتاج فحمات امامية وخرط هوبات بعدها بتضبط بإذن الله  

مثل ما قال اخوي شيخ المعارض لانه كان معه كامري 2013

وكلها خرط هوبات وان وصلت مره , غير فحمات

الله يعطيكم العافيه بسوي لها خرط هوبات وركب لها فحمات بس مولازم اشتري الفحمات من الوكاله وهل فيه نوع ممتاز

ي شباب الدعوه كلها من غسيل الكفرات وهي حااره حته لو خرطت ورجعت بعد فتره تغسل ترجع لك المشكله انا اكلمكم من واقع تجربه

كلنا نغسل السيارات وندعمر فيها وقت الامطار 

انا عندي كامري 2013 

غيرت الفحمات علي 90 الف وكانت لسا فيها عمر 

واذكر واحد في الموقع مغيرها علي 120 الف 

اذا رجه ممكن تروح مع الوقت لان الهوب عندك يبغالو صنفره