الى ملاك ساكويا استفسار

موتر ماعليه كلام خاصه اذا 4×4 


ويكفي انك تشوف انتشاره بدا ياخذ حصته

السياره حلوه بس عيبها الوحيد حجمها كبير وقيادتها غير ممتعة
انصحك بالبرادو صراحة سيارة سعرها فيها واستخدامها طيب وقطع الغيار غالية لكن تركب وتنسى بالتوفيق

موتر كفو مكينة لكزس في السفر ماتحس انك مسافر مريح جدا وعزمه ممتاز بس حجمه كبير نوعاّّ ما يعني يصلح للسفريات والطلعات البريه والنزهات بأختصار موتر عائله بس تراه يصرف بنزين بس سعره طيب جدا مقارنة بغيره وانا اتوقع راح يرتفع سعره ..

اعرف احد الزملاء يقول ابوي كان معاه سيكويا وسافر عليه من الجنوب للرياض ويوم رجع قال ابي ابيعه فقاله ولده ليه قال بيذبحني الموتر اشوف السيارة اللي قدامي بعيد وشوي الا انا ابي اركب على الموتر من سرعته وفي الاخير باعه وشراه مهرب ومات عليه في حادث في المويه هو وزوجته وكان معاه شراب خارجي 
يعني اذا الوالد ماهو بحق سرعة فموتر ماعليه كلام واذا تشوف الوالد يحب السرعه فلا والله خله  يبعد عنه

انا عندي موديل 14 وكل شي فيه تمام لكن احس اني مو مرتاح داخله فيه شي غلط مدري من وين جاي هل هو ثقيل او مراتبه غير مريحه لذلك افكر ابيعه واخذ سوبربان حتى اني طبيت في تغريزه صغيره ويادوب طلع معي بالدبل الثقيل ومادري هل للتراكشن دور في هذا او لا يمكن يطلع احد الاخوان بالموقع يفيدنا جميع والله الموفق 0

استخدام 5سنوات ويستاهل الاقتناء ومريح وقطع رخيصه