أضف سؤال أو موضوع جديد          

ما سبب طلوع زيت من مكينة الكامري 2006

up 4 down 1
ريستار 8
قبل 6 سنه و 10 شهر



ارتفعت علي حرارة سيارتي ويوم وقفت لقيت الاديتر فاضي والزيت طالع من عرض 
المكينه بس ما ادري من اي مكان بالضبط غيرة اديتر وغيرة زيت المكينه وللحين مافيها شي 

 السؤألَ : هـ الحين من وين جاي هالزيت .. وهل له مضاعفات ع السيارهـ في 
المستقبل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود



اخوي اذا من صدر الماكينه يبقى من الصوفة الامامية
واذا من فوق يبقى وجه غطاء الراس
انصحك ما تهمله لانه لاايح يهرب زيت واذا تنساه مشكله مع الاستخدام او تمسك خط
ينقص الزيت وانت ما تدري تصليحه بسيط انصحك ما تهمله


up 2 down 0
ابوسطاام 3196
قبل 6 سنه و 10 شهر



لايح = رايح
:)

ـــــــــــــــــــــــــــ


up 2 down 0
ابوسطاام 3196
قبل 6 سنه و 10 شهر



اخوي عندي نفس المشكلة كامري 1999



up 2 down 0
mohammedrfiq 105
قبل 6 سنه و 10 شهر



انا عندي كامري 2006 مطلعه وكاله على يدي
والحمد لله ما تنقص زيت ولا حاجه 

وسافرت عليها لحد ما شبعت ولا عمري اشتكيت من شي 

بس انا محافظ جدا جدا جدا ( وحط خطين تحت كلمه محافظ)

المهم قبل فتره وان عند البنشر اغير الزيت لقيت تنديه زيت خفيفه على وجه المكينه 

غيرت الزيت ورحت ورشه عند واحد ميكانيكي فللللللللللللته

وسألته عنها

قال كل الكامريات ال 2006 يجي فيها تنديه خفيفه مع السرعات العاليه>>>>>يعني فوق ال 150 كلم

قلت طيب والحل ؟؟؟؟؟

قال لا تخاف هذا عااااااااااااااااااااادي جدا

واذا مررررررررررررررررررره ملزم اشد لك وجه الراس بس المسامير فقط عشان اضغط الصوفه

ولا عاد يحتاج تفك الصوفه

لا احد يضحك عليك ويقول هذا الراس ولا غيره

@@@@ بالنسبه للحراره هذا شي مختلف وليس له علاقه بالتهريب اللي تقول عليه

شيك على الاديتر او المراوح او البلف او الحساس


لان الكامري تجي مروحتين واذا طفى فيوز وحده فيهم تضعف الثانيه تلقائيا


@ الله يسهل امرك ويحل مشكلتك ولا يوريك مكروه@@

وكل عام وانت بخير


up 6 down 0
حكيم المعاني 10323
قبل 6 سنه و 10 شهر



الله يبارك فــــيكم كلكم . والله للـحين ماضبطة معي السيارهـ 


up 0 down 0
ريستار 8
قبل 6 سنه و 10 شهر



الله يعينك :) تابع الزيت والموية بأستمرار وقيس مستوى الزيت يوميا واغسل السيارة من تحت وراقب خروج الزيت وانشاء الله ماتحتاج لدا كله وتسلم منها وقت صلحتها :)


up 3 down 1
فل اوبشن mr 3278
قبل 6 سنه و 10 شهر



زادت الحراره واثرت على وجيه الراس والمشكله بسيطه


up 0 down 0
هارون 423
قبل 6 سنه و 10 شهر



ياحكيم المعاني الميكانيكي اللي تقول عنه في جدة؟ واذا في جدة في أي حي ؟


up 0 down 0
os.alqarni -40
قبل 4 سنه و 7 شهر



الكامري أساسا لابد من التهريب .. إذا كان على شكل ندى وخفيف عادي لو كل أسبوع تشغله ديزل أما إذا كان تهريب يسيل على أجزاء المكينة فالحذر لأنه راح يكلفك حاجات مالها علاقة بالمكينة زي جلد المقصات حاس الضغط الكويلات


up 0 down 0
راكااااان الحربي
قبل سنه و 4 شهر