تجربتي للاف جي كروزر
26
5
إضغط هنا للإخفاء
﷽
السلام عليكم ورحمه الله وبركاته
ابي انقل لكم تجربتي للاف جي كروزر (١) مديل
٢٠١٤ وممشي ٤٠ الف استخدام سته شهور
اول شي بابدا بالزيت المستخدم ونوع البنزين الى يوصي به الكتلوج
الزيت :-موتر كرافت 10W30
البنزين:- ٩٥ احمر
المميزات التي رأيتها بالسياره
١- سياره عمليه بحته وتستخدم off road وذات تحمل قوي
-------------------------------------
٢- تانكي مزدوج ١٥٩لتر يودي ١٣٠٠ كيلو
------------------------------------
٣- سياره تنفع للعائله المكونه من زوج وزوجه وولدين
------------------------------------
٤-سياره خفيف جدا وجنوط عريضه تعطيها بعض الرساوه
----------------------------------------
٥- حملت عليها اغراضي لان جاني نقل خارجي وحتي الملعقه اخذتها والسياره نصبه الوكاله وهذا لقوه المساعدات
--------------------------------------
٦- الزجاج الامام مسطح ولسبب ان يوفر لك رويه شامله وكما ذكرت سابقاً انها للمكشات والبعض يتضايق من اصطدام الهواء عند السرعات العاليه
----------------------------------------
٧-التكييف جداً ممتاز وبارد بعز الحر
----------------------------------------
٨-السياره بها نعومه مقارنه بجيب الربع وهذا لانها عكوس وليس دفرنس
---------------------------------------
٩- الانوار ممتازه جدا وتعطيك وضوح عالي ورؤيه شامله للطريق
--------------------------------------
١٠-استهلاك الوقود مناسب جدا لان السياره تتعرض للاصطدام من الهواء بسبب عدم الانسيابيه اذا كنت تمشي اقل من ١٤٠ الصرفيه حلوه
----------------------
العيوب:-
١-السرعات العاليه خطيره جداً المناسب ١٤٠ واي زياده فيه خطر عليك
-------------------------------
٢-الاركان الي بالصدام الامامي تسبب الصوت والازعاج
------------------------------------
٣- صوت الدبه من الوكاله مزعج بس بشكل غير ملحوظ والحل دبه برادو
------------------------------------
٤- قساوه المراتب وتسبب التعب بالسفر الطويل والحل تركيب جاعد
قياده السياره بالنفود :-
السياره يوم جربتها كاني اسوق دباب خفيفه وعزم قوي طبعا استخدمت الدبل الخفيف وكان تطعيسي خفيف ماجرت علي السياره
وفيه صوره فيها طريقه استخدام الدبل
الصيانه المقترحه:-
انا عن نفسي بس اغير زيت القير وغيره لا
وفيه شباب نصحوني اغير البواجي واسوي صيانه كامله بعد ماتعدي السياره ٨٠ الف
وانا اشوف ان السياره اذا ماشيه تمام ماتحتاج تغيير اي قطعه استهلاكيه
واي استفسار انا حاضر
إبلاغ
سيارات للبيع
الردود
الكثير منا يعاني من صوت شكمان الاف جي وخصوصا على سرعة 120كم وفوق
والحمد لله وجدت الفكرة وقمت بتطويرها وتنقيحها وتجربتها شخصياً والحمد لله راح الصوت واختفى تماماً
https://youtu.be/l8205WLHW_c?list=PLQifealGsmBbgzN5wmQtmXxtesHkNamXf
0
0
النقاط ايجابية .. وهذا شي ممتاز
لكن ماواجهتك امور سلبية ؟
تحياتي
قبل 9 سنه و 3 شهر