أضف سؤال أو موضوع جديد          

تجربتي مع تغير زيت القير العادي

up 23 down 32
fx2y -209
قبل 5 سنه و 2 شهر



السلام عليكم ورحمة الله وبركاته  كيف الحال عساكم بخير ؟ طبعاً اليوم بتكلم عن تجربتي في تغير زيت القير العادي  رغم القال والقيل وكلمة يقولون !  طبعا رغم اللي قريته مااقتنعت ابداً ان سوائل السياره ماتتغير لان بالتاكيد لها عمر معين  وتفقد خواصها ابتداءاً من مكينه الى قير عايدي و اوتو وانتهاءاً بالدفرنس  طبعا موتري هايلكس ٢٠٠٧ ماشي قرابة ١٨٠ الف ولا عمري مسكت ولا شيكت على زيت القير ابداً  ولي فتره ابحث فهالموضوع والقى التحذيرات ب خصوص التغير  مع اني دائماً ابحث في المنتديات الاجنبيه واليوتيوب والقاهم يغيرون سواء قير عايدي او دفرنس  اللحين بيجيني واحد يقول اجوانا واجواءهم ههههههههههههههههههههه  ابلشونا ب هالكلمه ياخي اذا ع الاجواء حنا اللي مفروض نغير الزيوت هاذي موب هم !  عموماً وخلاصة الكلام ان تغير زيت القير والدفرنس مهم جداً  حسب الكتالوج واللزوجه اللي ينصح بها ! موب بعض الناس يروح للبنشري ويسلمه موتوه ويحط زيت 140 بالبيد ثقيل ع التروس في الانتشار والتزييت ويجي يقول والله قيري خبط ولا صار يون ! والله الكتالوج فيه كل معلومات السوائل واللزوجه المناسبه بس عطيه من وقتك 5 دقائق وباذن الله ماتشتكي لا من ونه ولا صوت بسم الله : بعد العيد قلت خلني افتح الكتالوج ياولد واشوف اللزوجه المناسبه للقير ع اساس انه في ثقل في التغيرات  وادخل على صفحة نوعية السوائل صفحة ٣٠٩  والقى نوعية الزيت GL-5 أو GL-4 ولزوجة الزيت الموصى بها : 75w90 وبدات الرحلة البحث عن هالنوعيه من اللزوجه  طبعاً اكيد اول مابسويه بمر وكالة تويوتا لكن دورت الزيت مالقيته !! ورحت محلات قطع غيار وزيوت ووكالات اخرى ولا لقيت هالزيت  وبالصدفه دخلت منتدى اجنبي وقريت ان في زيت عند ايسديلكو لكن بلزوجة مختلفه قليلا  80w90 GL-4 ومن ثاني يوم وانا مسنتر عند التوكيلات العالميه واخذ لي 3 علب وعلى البنشري وافضي الزيت القديم واعبي الجديد واتركه 5 دقايق والصره مفتوحه عشان اتاكد ان العيار تمام وينرل الزايد  طبعاً مااخفيكم كل هذا وانا اقول الله يستر  خلصت التعبئه وشغلت الموتر وقلت بسم الله هاه تون ماتون !! لكن ماشاء الله تبارك لاونه ولا صوت ولا شيء وصارت التبديلات فيها سلاسه اكثر  حسيت اني توني مطلع الموتر خخخخ  وسافرت بالموتر ورجعت والحمدلله لا اصوات ولا شيء ذي خلاصة تجربتي في تغير الزيت بعد تخطي 150 الف كم  والحمدلله هذا من توفيق الله عز وجل وتحياتي لكم 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب اقدر استخدم gl-5 معا انها محذوفه من الكاتلوج اللي عندي عكس عندك موجوده كلا الخيارين وجزاك الله خير على الرد


up 0 down 0
walleed711 61
قبل 4 سنه و 3 شهر



والله وانا اخوك دامه محذوفه الافضل تتبع اللي في الكتالوج 
موفق


up 0 down 5
fx2y -209
قبل 4 سنه و 3 شهر