وش رايكم فهالترشيح اللي على المكينه

افحص بلف التبخير يمكن مسدود يحتاج تنظيف اويحتاج تغيير وهو رخيص وتاكد من نوع الزيت الي تستخدمه ومدى لزوجته وهذا رابط لطريقة تغيير البلف http://www.youtube.com/watch?v=a-xIpNSADGM

لي بلف التبخير خرج من مكانه الي هو في الماصوره حق هواء الثروتل 

مغيره قريب فالوكاله ! 
لكن الظاهر ماركب اللي زين 

لاهنتوا 

آسف أخوي. 

بس ايش يعني ترشيح بالمكينه؟

اذا مو من بلف التبخير شيك على وجيه البواجي لأنها هي اللي تسبب خروج الزيت على البوجي وظهوره لاحقا على المكينة من الخارج

توني مغير البواجي
وحرصت اني اتاكد ان على البواجي زيت او لا 
لكن الحمدلله ماعليها اي زيت !! 

لاهنت على الافادة

نفس المشكله عندي سيارتي هايلوكس 2009

والزيت يطلع مع الكويلات 

لكن بكميه قليله جدا وسالت اكثر من ميكانيكي قال طبيعي ..

ابد مافيه مشكله يالحبيب 

اهم شيئ ان الزيت ماينقص 


ولكن وش الزيت اللي تحطه وكم اللزوجه

بترومين A1 5w30

الحمدلله لايوجد اي نقص في الزيت !
نسيت اكتبها فالرد السابق 

السلام عليكم ورحمة الله وبركاته
أخوي عندي الخبر اﻷكيد إن شاء الله
أنا معي هايلوكس 2008 وعندي رشح  نفس قبل سنة تقريبا اللي بالصور وهذا أمره بسيط
هذا ياطويل العمر تهريب من (جلد غطاء البلوف) ورخيصة بعد انت اشتر حقات البواجي وحقات الغطاء ازين لك لانهن ماهن غاليات وغيرهن عند اي ميكانيكي 

اعتذر عن الاطالة

نسيت اقولك سبب الخراب (ضغط على المكينة و ارتفاع الحرارة  أو  مع الوقت والقدم يعني شي بسيط)
وماتستغرب ﻷنهن ربل وبعض انواع الربل يتلف مع الحرارة والوقت وسلامتك الله يستر عليك ويحفظلك كل اللي تملك وتحبه ويسخر لك سيارتك

لاهنت يااخوي على الافادة .. وفعلاً تم تغير جلد غطاء البلوف وجلد البواجي 

مساء الخير  نعم صحيح
 حل الترشيح
تغير جلد غطاء البلوف وجلد البواجي  

وكذالك هناك مشكله في تهريب ماء الاديتر بذات هايلكس  من 2008 فما فوق 
عيب مصنعي  وتم تلافي في الموديلات الحديثة وهو تبديل المصوره البلاستيك بماصوره من حديد 
بخصوص سعرها 90 ريال في الوكاله والتركيب عند اصحاب محلات الرديترات بدون فك الثلاجة ولا يستغرق حتى نصف ساعة لاكن بحدود 100 ريال 
طبعا" بالوكاله يقول 3ساعات  وتحتاج فك الثلاجه والسعر فوق 350 
بخصوص التفتفه التي بعد فصل البطاريه  
حلها ك التالى 
تحتاج الى بواجي جديده صفايه جديده 
محلول يضاف الى الوقود لتنضيف البخاخات  
تقوم بفصل البطاريه وملامسه القطبين الاسلاك  لتفريغ الشحنه 
بعد ذالك تفصل سلك دعسه البنزيم 
وسلك منضم الهواء 
ثم ركب البواجي 
والصفايه الجديده 
واضف علبتين محلول الى الوقود بشرط 95 ويكون فوق نصف التانكي 
بعد ذالك افصل لي الهواء من عند منضم دعسه البنزيم وبخ ببخاخ أيسي ديلكو بخاخ كامل فرغة داخل المنضم 
بعد ذالك اشبك البطاريه ثم التوصيلات الاخرى 
ثم شغل المحرك وأقطع مسافة 40 كيلو بسرعة 80 كيلو متر بساعة 
وبعد ذالك اطفئ المحرك ومن ثم توكل على الله انحلت المشكله 
اي استفسار saeed5445@gmail.com 

ماشاء الله عليك كفيت ووفيت
ياخوي وش افظل نوع بواجي وعلى كم كيلو تتغير
وبلنسبه لصيانة40الف وش يغيرون بلسياره
وشاكر لك مقدما