تايوتا ارسلو لي رساله

اسحب عليهم هذا فخ طال عمرك علشان يطلعون اللي في جيبك هههههههههه 

مهي ببلاش طبعا
أسأل ايش الخدمات وكم السعر وشوف اذا مناسب لك او لا 

احتفظ بالفوتير بلثبلا تغير الزيت في مراكز معتمده

جرب روح لهم وش خسران
ان عجبتك الصيانه وشفتها رخيصه سوها

ان شفتهم مصخوها اسحب عليهم

راح انزل موضوع متكامل عن بترومين .

شباب سابقا كنت انصح الجميع ببترومين لكن الان . ما انصح زيتهم اولا مكرر كما سمعت من احد العاملاين بالشركة وغير هالامربعد ما تمشي 100 الف على زيت بترومين يخلي المكينة تشنبر وما تعيش ويبدا هالامر حبة حبة بدايتها بلوف الى ان تبدا توضيب وكله من الزيت و السيفون المخيس . انصح الجميع ب شراء الزيت من الوكالة ارخص مع السيفون ويطلع لاي بنشري فنان ب 20 ريال وكلها 10 دقايق بس مو ساعه ونص واقف سرا

أنا عملت صيانة 10000 للكامري بـ 550 ريال

الله لا يبارك فيهم حرامية

والله البنشر أحسن منهم

لاتهتم كثير فيهم مر على مراكز الصبانة وغير زيت وفلاتر وتاكد من حصولك على قطع اصليه واحتفظ بالفواتير هلشان تفدمها لو طلبوها منك

موضروري انك تروح للوكالة

بالنسبة لي انتهيت منهم واروح لمركز صيانة محترم واغير الزيوت ومنتظم والحمد لله ومرتاح 

حافظ على البنزين لا ينزل عن الربع  والزيوت في وقتها وبترتاح من الوكالة والمبالغ التي تسحب بشكل دوري

بترومين الخدمة الذهبيه 135 ريال 
زيوت فرامل دركسون مكينه وموية المساحات والاديتر 
وينظفون الفلاتر ومع السيفون 

سعرهم ممتاز وخدمتهم ممتازه ويعطيك فاتوره انك سويت الصيانه عشان لاقدر الله وصارت مشكله للمكينه يكون عندك ضمان انك مستمر في الصيانه 

أخوي بالنسبة للرسائل يرسلونها تلقائيا أنا كان عندي هايلكس 2010 وسويت الصيانة في تويوتا مرتين ثم بعت السيارة ومازالوا إلى قبل فترة يرسلون علي وأتوقع هدفهم إعلاني وربحي يبونك تجي ويكسبون من وراءك وللعلم ترى ماهمهم موترك والمحافظة عليه

الددسن والهايلكس سيارات مبروكة ماتحتاج لها صيانه

انا بترومين كنت اغير عندهم أول بس بصراحة حسيت انه ملعوب علي كنت على كل تغييره ادفع 127 بالظبط كانت معي سوناتا 4 سلندر تاخذ 4 علب طبعا مع السيفون شف كم حسبه يعني تقريبا ب 25 او 26 ريال مع الخدمات اللي يقالك مقدمها لك يشيك على الكفرات ويعبي موية المساحات هههههههههههههههههههههههههههههههههه


بعدها طفرت وزهقت قلت بصير اغير عند بنشري وانغبت من سعر السيفون انه ب 25 قلت ياولد بصير اشتريه من قطع الغيار وصار ب 10 شف الفرق والزيت برضوه كملت بترومين الترا 7 بس اللي في المحطة العب احسن وازين لأن هاذا يعبي لك من التانكي وماتدري عنه ويقولون انه مكرر وظهرت سوالف عليه


ولاحظ الفرق صرت اغير بحدود 85 او 90 بالكثير مع السيفون مع كل شي يعني موفر حدود 37 الى 40 ريال على كل تغييره وانا اغير كل شهر بحكم الدوام ومشاويري امشي الموتر كل شهر 3000 الف كيلو

غير انه قد صارت لي سالفة مع بترومين ماربطوا السيفون كويس ونقص الموتر تقريبا علبة كامل واكتشفتها لما رحت داومت ورجعت جيت وقفت شوي وطلعت مشوار وانا على طلعتي اشوف بق زيت صار ماربط السيفون كويس والزيت مع المشي لما داومت قام يتطاير وامتلا الشكمان والدبة كلها زيوت

يعطيكم الف عافية ماقصرتم ياشباب