استفسار بخصوص هايلوكس 2014

هايلوكس اكيد قير عااادي افضل بالعزم ولاتنسى انه بيك اب يعني تحميل وتطعيس فالعاادي افضل
للبيك اب

القير الاتماتيك مريح وممتاز في زحمه البلد ومن ناحيه العزم مايفرق عن العادي لكن يبغاله اهتمام 

افضل شي القير العايدي في سيارات الحوض لاتفكر تأخذ قير اتوماتيك الا اذا كان لديك ظرف صحي لاسمح الله مثل مرض او ماشابه....شراء الوالد قبل فتره نافارار 2012 قير اوتوماتيك قعدت معه اسبوع ونزلها المعارض وباعها على الطول عزمها ضعيف جدا في البر وفي الطريق اصلاّّ عزمها ضعيف في العايدي فما بالك في التوماتيك ..

جزاءكم الله كل خير  

بخبرتي المتوسطة في المعارض اشوف ان الهايلوكس التماتيك ليس مرغوب بكثرة مثل العادي وحتي عند البيع زبون التماتيك نادر ماتحصلة

راعي بر ورحلات دايم خذ عايدي
في المدينه وزفلت والبر نادر تطلع له خذ اوتمتيك

إذا 90% سواقتك داخل البلد خذ تماتيك ... راح ترتاح كثييير ..

طبعاً راح يختلف العزم في بداية انطلاقك بالسيارة لأنك في القير العادي تشدها في نمرة وتنطلق معك السيارة زي عند الاشارة أو عند تجاوز سيارة قدامك ..

وأنا بالنسبة أفضل التماتيك ...العادي أصبح متعب داخل البلد ...والتماتيك أحلى مافيه يوم تحط رجل اليسار على فتحة المكيف اللي جنب قزاز الباب وتجلس تسولف مع اللي جنبك ...

اذا كانت سواقتك في الزفلت ولا تحمل شي فخذ القير التماتيك

اما اذا انت راعي بر وتطعيس وتحميل فخذ العايدي أقوى وعزم ممتاز

ومبروك مقدما

جزكم الله الف خير  وهذه من طيب اصلكم وتوكلت على الله باخذ عادي 

القير الاتوماتيك ضعيف على السياره 4 سلندر يعني كانك راكب ديزل
القير الاوتوماتيك فقط على الثمان سلندر ويكون 5 او 6 تعشيقات .
---------