استفسار شاشه كامري وتتبع للسيارة كامري 2014

ما ادري اذا المطور فيها جناح او لا مالي خبره بالكامري لكن اذا مافيه ركب الجناح حلو على الكموره و الله يبارك لك فيها

تبي تعديلات كويسه تضبط الموتر 

حط لها جنوط الفل اصليه بتحصلها بالغرابي

حط لها كشافات ضباب اصليه 

وشاشة فلاي اوديو او افالون اة كينوود كلها ممتازه والرادو حقها صافي بس اسعارها غاليه شوي يعني من 2000 وطالع 

جناح خلفي الصغير طبعا حق الفل 

وبتطلع وردة

ركب زينون نوع كويس وعند مكان معروف وتضليل .. وتطلع تمام

يعطيك العافيه بندرا .

يعيطك العافيه اخوي كامري ٩٩. وين احصل الشاشات اللي قلتها ودي ب افالون لان تكون شد بلد اصفى بالرادو .

هلا اخوي فلان الفلاني وين المحل المعروف غير الغرابي شرق او شمال

يا شباب فين الحل بالرياض

شباب اي معلومات تانيه

أول شي كل عام والجميع بخير...الله يتقبل من جميع المسلمين الصيام والقيام ويفرج الكرب عن أمة المسلمين في غزة وسوريا وكل مكان ...
أحكيلك تجربتي الشخصية ...
اشتريت كامري GL الشركات 2011 و أضفت لها :
1-كشافات الأصلية 300ريال.
2-جنوط الكامري الفل (أخذت الصينية ولها معي سنة تبارك الله ما فيها مشاكل) 1000ريال.
3-شاشة أفلون مع نظام ملاحة وبلوتوث و... 1200 ريال .
4-ريموت مع جهاز إنذار زي الوكالة تماماً 300 ريال.
5- تظليل 200ريال.
6- جناح الصغير 200 ريال.
7- تلبيس للفرش نوع إماراتي مخمل أفضل من الجلد لايعرق فالصيف ولايلسع فالشتا (يشبه الوكالة)400ريال.
وطبعاً سويت ميزان كفرات وبلانس و الموضوع تقريباً أربع آلاف وصارت السيارة زي الفل والحمد لله رب العالمين.

^ اخوي عبدالله

ممكن تعطيني نوع الكشافات الي ركبتها وكيف شكلها وبكم وطريقة تركيبها ؟ لاني متخوف من تركيبها

+ انا ركبت ريموت زي حق الهيلكس او الكرولا بـ 130 بدون فتح شنطة وبدون صوت انذار فقط فلشر .. انت كيف ريموتك ؟ وممكن تصورلي كرتونه

وين احصل شاشة افالون مع الملاحه بالرياض