ماهو الحل لمشكلة الدخان والسياره جديده؟

300 كيلو وتدخن ؟؟؟ الله يكفينا الشر انا مرررة شفت اوريون قدامي الجديدة شكمانها فيه زي البياض يطلع منه استغربت ليكون ذا بعد مثلك

عموما انا انصحك والراي لك وقف الموتر احسن تعرف متى بيفتحون بعد العيد وخوفك تكثر عليها مشواير ويضرب فيها شي ولا شي وتبلش وهاذي نسبة كبيرة عيب مصنعي في المكينة

شيك ع الزيت بالتوفيق

طبيعي هذا وزن بلوف ، وتزبط معك الي المليون كيلو ان شاء الله  ..
لهذا السبب الوكالة تطلب السيارة بعد 1000 كيلو لمثل هذي الامور
لا تقلق بس لا تشد ع الموتر 

ال200كيلو بصراحة كيف سواقتك كانت

على حد علمي أنه أقل من 1000 كم تقدر تطلب تغيير السيارة في حال ثبت أن هناك عيب مصنعي

إذا عندك سيارة ثانية استخدمها حتى لا يزيد الممشى ويتعبوك

هذه جلد البلوف الله يسلمك 
شيك على الزيت وشوف اذا ينقص ولا لا 
وودها الشركه دامها على الضمان

عزيز
الوكاله ماعاد تطلب السياره بعد الف كيلو

خلاص الحين كلهم تجيهم بعد 5 الف

الحاله هذي قد شفتها قبل كذا
واحد مشتري اوروين جديده وبعد كم يوم الا تدخن عليه
بخثت عن المقطع حقها مالقيته بس متاكد اني قد شفتها

مافي شي اسمه تستبدل السيارة وش شاري ايفون تستبدل
اذا في مشكلة تتصلح على الضمان واضح من كلامك ياصاحب الموتر 
انه جلد بلوف ..
الله يعينك شيك على زيته يوميا لين يفتحون ولا تدعس على الموتر استخدمه
على الخفيف لين توديه لهم بعد العيد

الا ياشاقح الوكالة من كثرة السيارة تصرف وتمد الفترة على ال 5 الف ،، عشان تخفف الضغط ع مراكز الصيانة

بس ال 1000 لو تروح غصب عنهم يستقبلوها ....... وهذا الشي قانوني ،،،،،،،،، ولا تضيعوا حق لكم 
اذا جات لهم وحدة من 100 سيارة قبل ال 5الاف فيها علة تعاملوا معها سكاتي ..

وصدقني لو الوكالة تقول لالالا تغير زيت مكينة ، والله لتشــــــــــــوف العجب من الشعب 
والدليل اكثر السيارات القيرور الاوتو  مخبطههههههههههه
لان الوكالة تقول لاتغير زيت القير ، ومنها الابيكا زيت مدى الحياة اغباء كذبه 
مدري وين عقول هذي البشر ، الي يصدقوا اي شي الوكالة ابخص ، الحمد لله طيب وعقلك ماله بخاصة بشي بالحياة
شعب تعلب فيه بكلمة ، ياللطيف

ثـق تماما الوكالات بالسعودية عليك مووووووووووو معك

200 كيلو باقي تحت التمرين تاكد من المشكله وعلى طول رجعهاا لهم بعد العيد وان صرفوك
 عليك بوزارة التجارة 

جلد بلوف  لكن غريبه من سياره جديده فيها جلد بلوف 
تاكد لايكون بايعينك سياره متضررة وهم مصلحينها 
لاتسكت عن حقك مهما صار 
جميع الوكلا هنا فجار الا من رحم الله 

راجعهم بعد العيد وباذن الله مسالة بسيطه لاتخاف طالما السيارة جديده

أخواني الاعزاء مو كل شيء جلد بلوف في اشياء تسوي نفس السبب وارخصها واهمها .
اللي اناس توظب سياراتها وتحسب انو المكينه مخبطه .بسببه 
هو فالف تبخير الغازات اللناتجه عن حرارحة الزيت فهو المسوؤل عن إعادة تدوير بخار الزيت داخل المكينه وترجعه إلى الثلاجه لكي يحترق.

اذاخرب الفالف هذا ماراح يدخل بخار الزيت .
راح يدخل زيت للثلاجة ومن بعدها راح تحترق في السلندرات وتطلع الدخانه حقت التبويش . وراح ينقص الزيت بشكل ملحوووظ جدا . على حسب الاستعمال .
طبعا بالوكاله هذا الفالف يعتبر استهلاكي له مده معينه من الكيلومترات وبعدها يتغير .
ولكن الوكاله والله العلي العظيم اني اشتغل بوكالة لكزس ولا عمرهم غيروه في جدول الصيانة ابدااااااااا إلا اذا انتبه له الفني وقت التوظيب .
اسم الفالف ياخوان 
PCV Valve
يتغير على حسب نوع السيارة وعلى حسب البيئة المحيطة . 
يتغير كل 30 إلى 60 الف كيلو .
------------------------------

بالنسبه للاخ اللي يشرح مشكلته ,
عندنا بلكزس هذي طبيعيه .
وقد جانا زبون راس يابس ويقول سيارتي مبوشه وهي ماتجاوزت 1000 وغيروله مكينه جديده بكرتونها  ..
------------------------------
بالنسبه لصيانة الـ 1000 تحتوي على الاتي 
1/ ضبط نسبة الهواء داخل الاطارات على حسب مواصفات المصنع المكتوبه على ورقة في كتف باب السائق وهو مفتوح .
لأن الكفرات من المصنع تكون ممتلئه بالهواء لحد 40 عشان مع الشحن مايخرب الكفر . لأن شحنها يستغرق اشهر من المصنع والى السعوديه . 
2/ تعبئة موية المساحات المقطرة مع وضع الصابون المخصص لها . لكي لاتصداء المجاري في الدائرة .
3/ التأكد من إصباع البطاريه الموجب (+) لان اثناء الشحن يتم فصل الطرف الموجب لكي لاتخرب البطاريه .
4/ في غير تويوتا ولكزس . يتم تغيير الزيت 
5/ يتم وزن البريك اليدوي او البريك السفلي على 6-9 طقات على حسب الموديل والنوع و رغبة الزبون
---------------------
وسسلاماتكم

الله يكون في عونك فترة التمرين هل كانت قيادتك متوازنه خلال الفترة الماضية

لانها تتاثر بطريقة القيادة خلال فترة التمرين

ما عندي علم عن الموضوع ولكن الله يكفيك كل شر وباذن الله بسيطة

وززززززن البلوف .... غييييييير تلف جلد البلوووف

وكل السيارات تحتاج هذا الشي واذا ماصار دون ال ١٠٠٠

المفرووووووووض يصير ع وقت غيار الزيت ال ٥ الف

اي وزن بلوف اي خرابيط
الصيانه كذابين وناس ماتبي تشتغل تبي تتخلص من السياره باي سبب
سيارتك مخبطه المكينة المفروض قبل تشتري السياره وكاله تجربها وتشغلها وتجرب كل شي فيها.
تابع سيارتك واشتك عليهم تراهم نصابين ووزاره التجارة نايمه .

اشكر كل من تجاوب معي وابدا اهتمامه
المشكله ياخوان طلعت من البنزين
كنت اعبي احمر حسب كلام الوكيل
غيرت اخضر ولله الحمد اختفت المشكله

يمكن لكن ما اتوقع هذا