أضف سؤال أو موضوع جديد          

تقرير بسيط عن تويوتا افانزا

up 9 down 4
bo3mad 72
قبل 6 سنه و 8 شهر



السلام عليكم ورحمه الله وبركاته ,

اخواني اغلب الشعب متحير من سياره تويوتا الجديده في أنها عمليه أو لا وأنها تصلح للسائق او تصلح للأستخدام اليومي بالاصح او لا مما دفعني لأكتب الموضوع وأدلي ببعض المعلومات أمل من الله ان يأجرني عليها ,


أولا السياره عباره عن ميني تويوتا اينوفا , من ناحيه عزم ورساوه وحجم ومكينه وكلهم ,

بالنسسبه للأسيات الاماميه فهي مناسبه لجميع الاحجام مهما كان الرجل ضخم ماراح يعاني من قياده السياره لأن المقصوره الاماميه مرتفعه وهالشي مناسب للطوال ..

بالنسسبه للأسيات الصف الثاني فهاذي تصلح أيضا لجميع الاحجام ومناسسبه ومريحه نوعا ماا , ماتتقارن مع الاينوفا والبريفيا لاكنها ممتازه حق مشاوير مدرسسيه ومشاوير قريبه ..

بالنسسبه لأسيات الصف الثالث فهاذي حدث ولا حرج مستحيل شخص فوق 10 سنوات جسمه طبيعي يقدر يركب , ناهيك عن ان الصدام الخلفي وراكك بالضبط يعني أقل شي لاسمح الله بيصير الصف الثالث بيتأذى بقوه ,

بالنسبه لمواصفات المكينه هي عباره عن مكينه يارس بالضبط .. 1.5

السياره لاصار الي راكبين فيها عائله كامله لاتتوقع منك انك تتجاوز او تمشي حتى فوق ال 120 لان المكينه ماتتحمل ابدا الضغط هذا ,

بالنسسبه للمكيف هو ممتاز كما عهدنا من مكيفات الياباني "تويوتا " , يعني لاتشيل هم لو السياره مضلله تضليله بنت حلال انن المكيف بيكون حار بالعكس بيكون بارد وافضل بعد

بالنسسبه لقياده السياره فهي ممتازه وسهله ومافيها تعقيد لانك تسوق يارس رفيع بس ... يعني ماراح يعاني منها السائق مثل اليوكن وأمثاله ,

وقطع غيار السياره عند عبداللطيف جميل رخيصه جدا ,

طبعا نجي لرأي الدول الي تستخدم هالسياره قبلنا ,

اندونيسيا عندهم افانزا 1.3 مكينه اصغر من اللي عندنا استخدام تكاسي وهي ممتازه عندهم بقوه .. ومن تجربه السياره كفوو حق مشاوير قصيره والصرفيه للبنزين كويسه ,

الاردن عندهم من 2008 افانزا 1.5 نفس الي ينزل عندنا الان , السوق الاردنيه ماتشكو من السياره الا عند الخطوط +120 , على قولتهم تششهد لو تعديها ,

وكما قلت ببدايه الموضوع السياره للاستخدامات البسيطه " مدرسه - سوق - مشاوير قريبه " ماتصلح ابدا بالخطوط , ولا يعني هالشي انها ماتمسك خطوط بس السياره مزعجه وماتجمل بالخط من ماحيه الراحه ,

اسعار السياره عند عبداللطيف جميل

استاندرد قير عادي 48 الف ريال
استاندرد قير توماتك 50 الف ريال
فل قير عادي 51 الف ريال
فل قير توماتك 54 الف ريال

هذا مالدي عن السياره وانشاء الله اني اصبت اكثر من أنني مخطا , وأي غلطه نبهوني عليها ,

دعواتكم ....







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


من ناحية التكيف في السيارة


up 0 down 0
مرسال الف
قبل 4 سنه و 6 شهر



وربي انه اعفن سيارة كتجربه جربتها 
واكبر غلط اني اخذتها 
والي يقلك قطعها رخيصة يكذب عليك 
قطعها مهي متوفره الا فالوكاله واسعار القطع مرا غاليه 
صدام ب يوصل سعره مع الشبك ب ١٦٠٠ او ١٧٠٠ تقريبا 
سلمات والله لونها لكزز 


up 0 down 0
ابوبندر المحياوي
قبل 2 سنه و شهر