للاداره الكريمه على اي اساس يتم تقييم الرد في مواضيع المنتد

ببساطة مافيه قانون

التقييم على حسب مزاج العضو ^_* هههه

اذا ماعجبه كلامك راح يصكك

مايصير على المزاج  يااداره شوفوا حل  انا لي فتره بالموقع وردوي اخلاقيه حتى الانتقاد لاحد ابعد عنه والبخس واحاول اساعد الاعضاء  بقدر مااستطيع فمايصير هالشي  ومن اضفت هالموضوع القى ديسلايك لرد سابق لي

انا لي فتره مره ارتفع ل 7 ومن رد لي اخسف ل 1 

الاداره عندما ترا اشياء مزعجه في المنتدى تتركها على حالها بهدف جعل الاعضاء يكرهون المنتدى
لانهم ورطانين
يبون يقفلون المنتدى
بس راح يبلشون مع الناس اللي تكتب مواضيع فموقع حراج وتشغل الناس عن البيع
وورطانين فالمنتدى اللي كله مشاكل

فهم قالوا خلنا نخلي المنتدى بالاشياء اللي تضايق الاعضاء عشان محد يدخله ويصير بارد بدل مايقفلونه

الادارة ماراح تلقاها الا في مواضيع دفع العمولة فقط ..
لكن اي مواضيع ثانية فهي هامشية .. 
وانا عني انا لن ادفع عمولة ريال واحد .. لان الموقع 
ببساطة لايستحقها ولا هي حق له ابدا" ..
متى يكون واجب دفع العمولة !!
عندما تهتم بالاعلانات .. وتحدد شروط لوصف السلعه كاملة واي سلعه ناقصة الوصف 
يحذف الاعلان ... وتهتم بان تحقق اعلى نسبة من عدم غش الزبون ..
بالوقت هذاك تستحق العمولة ..
اما تترك الناس تاكل في بعضها وتنزرف وينضحك عليها بسبب قصور المنتدى
وتجي تبي عمولة .. معصي

المفروض المواضيع والردود اللي لها اسبوع واكثر يلغون عنها التقييم كذا افضل
على شان بعض الناس اذا ماعجبه ردك عطاك ديسلاك على المواضيع القديمه 

الله يعين بس والله المنتدى يبيله نفض من بعض الأشكال الي مايخافون الله ياخي انا وغيري نرد بدون سب او غير عن الموضوع يجي واحد يعطيك دس لايك بس عشانه متهاوش مع احد وزعلان  ولا احد عطاه دس لايك ويجيك مدرعم وعطاك دس لايك ياخي الناس لها وجهة نظر ومن الأدب ان الواحد يحترم وجهة الناظر ماعجبك الكلام خله لا تعطية لا دس لايك ولا لايك واذا أعجبك كلامه عطه لايك والله وربي يشهد علي انا اذا دخلت وشفت احد عطاني لايك افرح وأقول الله يجزاه خير الي عطاني لايك واذا شفت دس لايك انقهر صراحة وأقول حسبي الله ونعم الوكيل عليك يالي عطيتني دس لايك لأني ماسبيت ولا غلط علي احد بس يعطيك دس لايك عشان جوه متعكر وعطاك. دس لايك ليش مادري الواحد يبي يستفيد من المنتدى وانا واحد استفت كثير من المنتدى وغيري الف استفادو اتمني من الي يعطون دس لايك يفهمون ويخافون من دعوة الغيب 

الموضوع جميل وان خارج عن السيارات الا ان التقييم

هو لمعرفة ما يوفق تفكيرك وتفكير الاعضاء على حسب ما اشوفه

وكل عام وانتم بخير

هذولي مبزرة مواليد 1420 طاق سناوي ومتكي بالملحق وشغال معقب الصباح وبالليل مسنتر بالحراج وتلقاه اول ماسجل بالمنتدی خلوق ويتشحذ تقييم ويوم وصل الميه قام يدخل ويقييم يحس انه قوي ومهم .. لا ولايرد علی اي موضوع عشان مايجي احد ويقيمه دسلايك .. ولا بالنسبه لي لي كم سنه بالموقع .. لكن ماكملت شهر بالمنتدی فما جازلي لاني ماتوقعت بلاقي جيل الايباد هنا .. وهم قلة .. ولا أعم .. فيه الرجال تسد الشمس الله يستر عليهم 

هااه طفليين دسلايك .. ههههههه


بابا معاد تفرق ... كخ أغا

نعم معك الادارة ..........
 ياخي ماحد يرتاح معكم كل شوي ناط واحد الادرارة وين نعم نحن هنا ( كنت مفرك ع الديرة وانت رجعتني الله يسامحك 
نعم تقييم لايك وديسلايك 
التقييم ع حسب مزاجك طال عمرك بكلام عضو معين  ، اذا ما عجبك انت او اي شخص الرد 

لا يووووووقف ارعص ذا الابهام الي متجه الي الاسفل وباللون الاحمر

واذا عجبك الرد انت او عجب غيرك ارعص الابهام الي متجه للاعلاء جعلنا وياكم من الاعلاء خخخخخخخخخخخخخ
ومافي قوانين ولا اي احترام هنا ، 

بالعربي ساحة درباوية خذ راحتك فجر اي شي كسر اي حاجة اهم شي ابعدوا عن الموقع والدرااااهم

بعدين ياخوي ما عندنا مشرفين كفاية ،

الاعضاء ما يحولوا العمولة  ، حتي انا متسلف للعيد محد دفع رواتبنا ورناء ناس وعالم وهذول مغير يعلن ويبيع ويقول 
تم البيع خارج الموقع ع اساس انه صرفها ، وخمسطش اعلان له بيع سيارات واجهزة ومناشف ومشدات ونظارات
وحتى الكلاب والبساس والحنشان ويقول >  بيعت خارج الموقع وما دفع ريال لنا

بعدين بصراحة اشغلونا صغار السن بين الرجاجيل بالموقع ، ماغير رد ع ذا ويتسفه ع ذا ويخرب ع ذا وينتقد المنقود وهو ما شف من الجمل الا ذيلة ويتفلسف ويسوي فيها خبرة الغبي
وانه هو الفاااصل بين الحق والشر ،

اما خفاف الدم والضرفــاء مشوار بدايتة من هنا ،، وهذا يحسب الموقع ......... ( فين العمولة انت وياه ) $_$
ع بالة هنا اسنتدم كمدي مدري وش اسمها يجرب هنا وياكل ع راسة ويتهزاء ويتشوت
وبعدين يفتح قناة يوتيوبية ويسير مشهور ، ويحل قضاء المجتمع 

المنتدي افتتحوه ملحق ههههههه للي يبي يريح من الدوران بين الصور بالموقع 

اخيرا لو الادارة تغير مسمى الموقع من حراج ..........

( الي مجلة حراج للسيارات المصورة ) لان اغلب روادة للفرجه والتخريب فقططططططططط
-
-
-
والله يهدي الجميع 

ههههههههه غريبه محد عطاك دسلايك اصبر شوي عزيز وبيقمون وقت الفطور وبعد الفطور بيصلون جمعا وقصرا .. ثمن بيباء القصف لكن ماعليك خوف ماشالله فوق الالف .. لكن انا 20 وغسلن يدي دام في هذا المنتدی بزراوية .. 

تصحيح لكلمة بيباء * بيبداء

لابأس انا احترم اي وجهه نظر 
لاكن بدون سب الناس عقليات 

أبو ناصر ههههههههههههههههه
لايك :)