القير العادي في لاندكروزر ثمانيه سلندر ؟

ماأعتقد الكلام هذا صحيح ,,,
الله يرزقك بالموتر الطيب

القير العايدي  يتحمل اكثر من التماتيك   وعزم اقوى  والله  يبارك  لك

مااعرف بالاندكروزر  لكن معروف العاادي في جميع السيارات افضل في البر  من الاتوماتيك 
موفق ان شاء الله

الي قاللك الكلام هذا تراه غشيم ويسمع بس ما قد جرب
قان معاي ٩٨ قير عادي والله انه يقحص بالثاني وعزمه نشيط 
وقبله كان معي ٩٤ خليجي قير تماتيك تغييراته ماهي كويسه تنتع وترتفع حرارته وديته المكانيكي 
قال هذا عيوب القير التماتيك مايتحمل حراره ولاهو بمريح 

قير عادي ممتاز بالبر بس بالبلد ومع الزحمة يتعبك شوي

نصيحة اذا راعي مدينة لا تاخذالا تماتيك العايدي بالزحمة متعب جدا اذا ساكن في مدينة مافيها زحمة خذه وتوكل 

يا رجال توكل معروف القير عادي اقوى وبعدين يكرف كرف احلى التماتيك

يمكن القير العايدي مايريح السيارة بالسفر مثل الاوتو..كذا صح.
لكن كعزم ولافيه مجال نقارن العايدي بالاوتو..طبعا العايدي الافضل.

العادي اقوى ولكن ما يصلح بالزحام

8سلندر افظل اتوماتيك .الجير العادي مايتحمل وبعد فترة يروح.6سلندر يفظل جير عادي

دااااامك راعي برررران اجل اقول لك ابعد عن التوماتيك وخذ العايدي وبعدين مع احترامي لبعض الناس يعني يقول كلاااام غيررر معقول وغير مصدق مجرد تووووليف يعني باللهي وشلون القير العايدي اضعف من التوماتيك معررروفة كل سيارة ان العايدي حقها افضل واحسن من التوماتيك لكن الناس تشتري توماتيك عشان تررررتاح وثانيا العايدي مشاكله اقل اذا محافظ عليه يعني التوماتيك كلتشات وتروس وزيت قير ويتاثر بعض الاحيان ومبرررد وعفسه


لكن اذا كان الموتر اللي بتشتريه هو الرئيسي انا اقول خذ توماتيك خوفك تبلش مع الزحمة وتكررره الموتر اذا كان عندك موتر ثاني وهاذا للبر وخطوط فخذ العايدي ... تقبل مروري

اللي اعطاك ان العايدي اضعف من التماتيك مايفهههههههههههههههههههههههههههم

انا مجرب الموترين وفرق كبير

اكيد العادي أفضل بكثير من التوأميك خصوصا لراعين البر. والطلعات 
ثمانية سلندر قير عادي هو المطلوب وعزمه طرب التماتيك اللي ثقيل 
سيارة وحدة اللي ما تنفع الا تماتيك اللي هي آلاف جي ثقيل وقيره ضعيف فعلا 
ومشاكله اكثر من التماتيك
أما أنا لو مكانك ما راح أخذ غير العادي 

اذا انت من هواة القير العادي فهو موتر وما يحتاج كلام وجربه بنفسك وبتشوف انه كلام فاضي

الا ممتاز بس مشكلة القي العادي بالزحمه يتعبك 

العاادي زين فيي اللقرى والمحافظاات والبر اما في المدن  بيجيك شد عضلي في رججلك

8سلندر وقير عايدي !!؟

خذه ولاتتردد والله إنه بطران يقحص على الرابع لو تبي ويخدم معك أكثر من الاوتو 

أتمنى يطلعون جيب لاندكروزر 8سلندر قير عايدي

الله يبيض وجيهكم ماقصرتو بعد التجربه العادي يحن بالاول والثاني كن شي ماسك الموتر صوت قوي بالمكينه ولما اعطيته رابع طاررر مشاأء الله
الله يوفقكم ويكتب لكم الاجر