السلام عليكم ورحمة الله و بركاته

انا من رايي مالك و مال القروض و الغثا و القرف 
لو معك 20 الف دورلك موتر صغير يشيلك و يبعدك عن الاجار و القروض و الهم و ان فتح الله عليك طق اللي تبيه 

مجرد وجهه نظر والله يكتب لك اللي فيه الخير

شف لك سيارة مستعمله نظيف في حدود الثلاثينات 
اسأل الله أن يرزقك ويفرج همك 

لايكلف الله نفساً الا وسعها )  اخوي بدر الله يرزقك من واسع فضله بس اشوف الراتب مايساعد انك تاخذ قرض كبير خذ قرض يكون قسطه 500 كذا ماتكون زنقت نفسك .. لو تدخل جمعية ابرك من الاقساط البنوك خمس سنوان يمصون راتبك مص .. 

للأسف حتى القرض مراح يعطوك ٧٠ الف تقريبا الراجحي يعطيك حوالي ٦٠ الى ٦٤ الف ريال
ونصيحة محب ياغالي ابعد عن التأجير وخذلك سيارة بمبلغ القرض عشان ماتوهق نفسك بديون وكلام فاضي
ومثل منت عارف الامان الوظيفي في القطاع الخاص ماتقارنه بالحكومي يعني لو أخذت سيارة تأجير وسددت فيها
عدة سنوات وفصلت من وظيفتك لأي سبب كان يمكن تخسر سيارتك وتروح فلوسك اللي دفعتها خسارة 
وبإختصار لاتحمل نفسك فوق طاقتها

راتبك 3500 وتبي سياره قيمتها 80 الف ليش

راح تقسط اقل شيء 1200 ريال ولو بتغير كفرات بعد سنه تتورط ما تقدر عليها

انا اقول خذ اقل قرض يكون حدود 30 الف تجيب لك سياره نظيفه تخدمك وترتاح من اقساطها

و يبقى من راتبك شيء يكفيك

^^^^^ نقس الراي بالضبط......

التقسيط ٥ سنوااااااات مو خمس شهور
والله ان تقرف حياتك 
٣٥٠٠ الراتب  - ١٠٠٠ جوال واحتياجات - ١٣٠٠ قسط = خلص الراتب !!!!!

لاتبدا حياتك مديون وراتبك لغيرك ، احسبها صح يالذيب

اول شيء انصحك تاخذ لك سياره على قد فلوسك يعني فكتوريا 2006 او 2007 بحدود 32 الف ريال

اذا ما اقتنعت الا بالجديد فخذ قرض

واخر ما تفكر فيه ولو ما يبقى الا هو بالدنيا ( الايجار المنتهي بالتمليك ) لا تاخذه لو ايش

انحش عنه

خذ يارس و الا اكسنت ب 800 القصد

ابعد عن القروض وخذ مني عبر
راتبي 5800 
قسم بالله ما يجيني منه ريال
وعندي زواج بعد شهرين ورب الكعبه مبتلش 
والله ييسرها ويفرجها 

نصيحتي لك كاخ محب 

لا تقترض ابدا الا يا زواج يا امر مصيري 
اما سياره والله بتلقا كثير بالسوق نظيف وعلى قد 
ماجمعت والشباب ماقصرو و ارائهم كلهم تقول 
لا تقترض ابدا

خذ قرض 30 الف واشتري سياره مستعملة تلقى نظيف 

التاجير المنتهي بالتمليك شفت فتوى أنه حرام بس أسأل عنه 

الله يجزاكم خير باخذ رايكم وبجمع لي 30 الف وانا الحين معي 20 الف ريال وبشتري لي سيارة مستعملة و نظيفه ومالي بقساط و القروض 

الله يجزاكم خير 

انا طلعت قرض وطلعت سيارة ولكن الحمد لله الراتب جيد وماعندي التزامات

اما لو كنت مكانك فكره القرض لو مضطر خذها والافضل انك تجمع مبلغ وتطلع سيارة نظيفة حتى تتيسر امورك

اسال الله لك الرزق والتوفيق

اخي الكريم
خذ يارس
اكسنت
مازدا 3
سيارات عملية وصبورة واسعارها ممتازة وشبه جديده
الاهم انك ما راح تحتاج الى صيانه خلال اكثر من سنة لو حافظت عليها
والراي لك

الأخوان كفوا ووفوا قالوا الي بخاطري يا خوك الي راتبه ١٠ الاف يتأذى من القرض وأنت الله يرزقك تعرف حالك أكثر منا ويمكن وراك زواج 
وأشياء أخرى ويمكن بعدين تبغى تفصل من الشركة وتدور لك وضيفة أخرى أفضل منها تلقى نفسك مزنوق ومرهون للبنك 

انا الان توظفت في الراجحي 
نصيحة لك لا تاخذ سيارة اجار منتهي بالتمليك 
والله العظيم اني اشوف الويل والمصايب يوميا من العملاء وشكاويهم 
والراجحي والله ما عليه منك 
اهم شي تدفع 
ولو صار عليك حادث يجلس يخصم عليك حتى يقفل العقد 
وان كان ما في رصيد يصير رصيدك بالسالب 
وان صار حادث عليك وراحت السيارة يستمر بخصم الاقساط حتى يجي الشيك من شركة النكبة تكافل الراجحي مع العلم ناس لها 9 اشهر ولا جاها شي الى الحين

انصحك انحش عن الراجحي 
تعامل وحشي مع العملاء خاص الايجار المنتهي بالتمويت

بالنسبة للموضوع اعتقد الكل اتفق انه تترك القرض وتاخذ مستعمل نظيف وانا معهم طبعا والحمد لله انك ارحت لذا اشي

اما الراجحي ما ادري ليش الشعب ما يشوف غيره امس رايح الظهر بالشمس والناس ماسكين سرا قبل يفتح وسحبوا علينا 
ويوم فتح زحمة
 واخرتها تعامل من الخشم وقرف ..بفتح حساب قلي جيب تعريف .. كنت داسه بجيبي لاني اعرف التصريفه هههه يوم عطيته قال لازم تحط 5000 ولا يتقفل ؟؟؟ عجيب والله

انقهرت ورحت الاهلي ما بينهم الا عمارتين وما في زحمة ولا شي وتعامل حلو  وراقي وسووا اللي ابغى ولا طلبوا مصخره تعريف ولا 5000 ...

3500 وبتشتري موتر ب 80 الف وشوله ؟؟؟


ترى اقصاها وسيلة مواصلات تودي وتجيب وانت راتبك ضعيف مايتحمل يعني اقل شي نقول قصدت للبنك ولا لشركة تأجير ولا لغيره حدود 1500 ولا 1200 ريال وهاذا تقريبا سيارات الفئة العايدية جداً وش بيصفى لك 2000 وش تسوي الفين ماتوكل خبز انت تداوم وتكد وتتعب علشان يجيك الراتب تشتري في مستلزمات وتجمع منه شي للسمتقبل مهب عشان يطير في موتر نصيحة شف لك عشرين ولا خمسة وعشرين الف واشتر لك موتر متوسط موديل حديث ومشاكله قليلة ودق سلفك وامش اما 80 الف اندفعت وبعدين ماراح يعطيك البنك 80 وشركة التأجير بتطلب منك دفعة قوية مايقل عن 10000 ويمكن اكثر وشوله كل هالمبالغ هالدراهم اللي بتحطها في الدفعة وغير الفوايد وبيطلع عليك الموتر في ال 100 الف اشتر بها سيارة على قد الحال وخل راتبك ينزل كامل وتتبردق

والله يا اخوان مدري كيف اشكركم بس الله يجزاكم خير والله من يوم سمعت رايكم قالت الحمدلله الف مره يوم ماخذيت قرض وﻻ اقساط سياره وﻻ تتاجير احسن لي ادور لي سياره على
قد افلوسي وبلا هم و غم 

الله يعطيكم العافيه ويجزاكم خير