ماهو افضل انواع الكفرات

فيه شركات كثيرة كلها ممتازة وكلن له رأيه وعلى حسب حاجتك وحسب سيارتك

عندك ميشلان
عندك قوديير
عندك هانكوك
عندك دنلوب
عندك برجيستون

وغيره وغيره من اللي مايحضرني لكن كلها شركات كويسة ومعروفة شف اللي يناسبك واختره

الميشلان اوربي او برزيلي


البريللي الماني البرجستون ياباني

على حسب السيارة وميزانيتك اخوي

ومعروف الميشلان والبريللي والتويو والبرجستون واليوكوهاما والدانلوب والقوديير والفايرستون وغيرها والمصانع منتشره في عدة دول الاهم اسم الشركة معروف والمواصفات الاعلى

" نيكســـين " الكـــوري ؛؛

ناعم - جودته عالية - صوته منخفض - عملي - سعره مناسب.

هانكوك واتكل على الله

البريللي افضل كفر بلا منازع ويجي بعده ميشيلان الالماني
موجود بالوكاله اصلي مو بالبناشر كلها مغشوشه وايضا قوديير جودته قريب
من الميشيلان اما باقي انواع الكفرات كلها مشي حالك سنه او سنتين بالكثير 
وانتهى عمرها

تجربتي ( ميشلان كندي ) لا فرنسي ولا امريكي ولا غيرها ...هذا اللي جربته


جاء مع السيارة من امريكا كمل 3 سنوات بالتمام والكمال و غيرته وكان فيه كفرتين فيها نص عمر


سعره تقريبا من فوق 500 للكفرة الوحدة

غيرته ب هانكوك وندمممت اشد الندم

التجربة الجاية ان شاء الله ميشلان اذا ربي احيانا

البرجستون ممتاز

تويو كفرات ممتازة بس تمسح اسرع

الكفرات كثير 

انا اشوف البريللي ممتاز ومجربة اكثر من مره 

الميشلان 
تجلد امه مايقول شيئ بس سعره غالي 

الميشلان والقوديير مضمون ٣ سنوات اقل شي او ١٠٠ الف كيلو اقل شي

على حسب استخدامك تقدر تحدد وتختار كفراتك
مثلاً افضل انواع الاطارات بلا منازع الميشلان اثبتت جدارتها واختباراتها كلها على الفورميلا1
وهي يسمونها سيده الاطارات ..... لكن الميشلان ماينفع للسيارات الصغيرة لإن الكفر جودته وخامته ثقيله
وماينفع لسيارات 4 - 6 سلندر مناسب لسيارات 8 سلندر وفوق الشي الاخر ما ينفع للرمال نهائياً اذا كنت تملك 4x4 لا تفكر فيها .

القودير كان من الافضل ومانعرف غيره وافضل منه في الثمانينات وبدايه التسعينات
لكن من تالي ما انصحك فيها في تاهو ويوكون من مديلات 2007 نزلت على جنط العشرين
إلى حد علمي من 2007 إلى 2010 اكثر من 83% من المستهلكين رجعوها للوكيل وتم تغييرها على الضمان
جنرال سمعت انها هي نفسها قودير بس بعد ما نزلت شعبيتها بالسوق الامريكي والاوروبي غيروا المسمى والله اعلم
المهم انو اغلب ملاك الشفر واليوكون يشتكون منها وتلاقي الموتر ماشي 30 الف وفي كفراته 20 رقعه 

والموضوع يطول شرحه لكن حدد استخدامك اولاً
خطوط فقط  او رمال او مناطق حجريه 
عموماً حالياً الهانكوك الكوري والدنلوب الياباني هي اللي مستأسدة بالاسواق
واغلب الناس ماتركب الا هي

وآسف على الإطاله

ابو كيان يوجد من كل مقاس اكثر من نوع من نفس الشركة
مثلا الميشلان يجي نوعين على الاف جي فيه شي يعطيك اسمه مشلان لاتتيود هذا يعطيك رساوة وراحة لكن يغرز بسرعة في البر
وفيه نوع ميشلان نفس المقاس يجي كتابة بيضاء على الكفر هذا النوع ممتاز بالبر وحلو في الرساوة لكن مو مثل لاتتيود
الفورد فكتوريا برضه يركب عليه ثلاث انواع من ميشلان، ميشلان بريمسي وميشلان انيرجي وميشلان سمتري
كلها مقاس واحد لكن كل واحد يتفوق على الثاني في حاجة معينة لانك ما تقدر تجمع كل الصفات الممتازة باطار واحد رساوة وراحة وطول عمر وبر واسفلت وسرعة عالية وحمولة عالية الخ


القوديير لي صاحب معه يوكن اكس ال ٢٠٠٩ مشى على كفرات بلده قوديير ١٥٠ الف مسحها تمسيح
وبعدها غيرها نفس الطقم ويمدحها مرة 

يوكوهههااممما     افضل شركه برائي 

تو يو
شكل جميل - فرشتها على الأرض ممتازه - والاهم انها ناعمه جداً
عيبها استهلاكها سريع يعني 40 الف وينتهي