أضف سؤال أو موضوع جديد          

توهق رجال كبير با العمر بسبب خويه الشريطي .

up 7 down 4
مستر12 897
قبل 7 سنه و 4 شهر



سـلام عليكم ورحمة الله وبركاتة

حبيت اعطيكم قصتي التي حصلت لي قبل كم يوم ....  طويله شوي بس مشوقه

طبعن كا العاده ابحث عن سيارتين  برادو او جي اكس ماكنت احصل نظيف بسعر كويس .

المهم  شفت جي 2009 . واتفقت وقال دقيقه واجيك طبعن الكلام با المعارض قلت على بال مايجي بشوف  البرادو 
هذاك مع شايب . شفته  يقول مسيوم با 98  افرق وتوكل على الله مديله 2011 نظيف جدا .كا شكل 
المهم قلت لا بروح اشوف الجي قبل لاني اعطيت كلمه . وانا ادفع 500 ريال  طلع ايرباق مفصول مادري طالع 
والكبود فيه معجون . قلت مابي جيبك مع انه خصم لي 1500..وانا اروح على طول لا راعي البرادو :) :) كنت ابيه من الاول 

اتفقت معه بسعر 98 و500 . المهم قالي شف اذا فيه شي انا اتحمل لكن اذا مافيه شي لا تلف وتدور .
قلت ازهله انا  ابيه كنت وخويي يقول يارجال لا تفحصه نظيف الموتر  قلت لازم قال كيفك .
وصاحب السياره يقول  مايحتاج فحص قلت بفحص ليطمان قلبي .

المهم  في سيارت زحمه شوي . نتفق شلون نحول له المبلغ لانهم في الصرف على اني شراي وهم يفحصو السياره
مالي لمهم على انه نظيفه خلاص.  يوم وصل وقت فحص البدي ..
كنت مبسوط وقول وش ابي اركب فيه وكذا  الا يافرحه ماتمت  طلع البدي مرشوش با الكامل مع التنده .

طبعن صاحب السياره كبير با العمر اعطيه 45 .  وراعي ذمه . 

قال مستحيل يكذب العامل مايعرف يفحص  تقل اجن بوقته صاحب السياره . قال انا اشتريت السياره من صاحب لي مطوع واعرفه
المهم قلت با نتاكد الا رفعنا حق السله الا فيه بويه  مرشوش ومسكر عليه ولصقه البويه وفيه اثر رش. وفي سمكره من امكان عده

المهم زعل مره الرجال قال اعذروني  كم تبون السياره بنزل لكم .   قلنا وش يخارجك  قل 1000 ريال بس
قلنا  مارح تجيب 90 عاد تنزل 1000 بس قل لو تجيب 90 ماراح ابيع قلت اجل تحمل قيمت الفحص .

المهم غير الموضوع الرجال  وقلت  ترا فاحص مثل موترك طلع فيه كل شي مرشوش الا بابين ورفرف وحده علي با 75

المهم قل لا   ركب سياره  احسبه دفع الفحص ومشي ومشي وقفل جواله

انا بوقته تخسرت 1000 ريال وقبله متخسر 1000   قلت خلاص بخسر  زعلت الله حق  
وادق عليه مايرد الرجال .. علمن انه قال انا اتحمل الفحص .
ورجعت الى مدينتي وانا حزين :(   المهم ارسلت له رساله  ماراح اسامحك ان مارسلت المبلغ ورقم حسابي 
وارسله له      وارسل نصف المبلغ  وكم كلمه معه    

وهذي القصه .

وشكلي بشتري سياره جديده اصفار   ماعد في شي مضمون الان الا الموت .

والله بلشت في سوالف كثير بس ماودي اطول عليكم .  

ويعطيكم العافية  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماعاد فيه ذمم يارجال لامطوع ولاغيره

انا مشتري جيب من مطوع وثقت بكلامه عن الموتر ونظافته واخرته طلع في مشكله بالدفرنش وجايه رشوش

لكن انا خصيمه يوم القيامه باع آخرته عشان دنياه 


up 3 down 1
مصفي النية 303
قبل 7 سنه و 4 شهر



والله ماانصحك بالمستعمل أسأل مجرب زدها شوي وخذ اف جي جديد ب 120  ولا سنتافي اذا ماتقدر 


up 2 down 1
فهد4950 2543
قبل 7 سنه و 4 شهر



الله يعينك ويعوض عليك شكل الرجال مغشوش قبلك المهم مامثل الجديد على يدك تدفع 100 الف ويطلع مسمكر ولا مرشوش احيان الاجهزة ماتطلع الرش زميل لي باع فورد جنبه كامل مرشوش وفي الفحص ماطلع


up 2 down 1
بريق الرياض 258
قبل 7 سنه و 4 شهر



يارجال ليه خساير اذا تقصد البودي اشتري لك جهاز كاشف سمكره وسعره 350 ودور سياره الي تعجبك اذا شفت فيها رشوش اسحب عليها احسن ماتخسر كل اشوي وانت تفحص وتخسر  نفسك جهاز هذا  نفع ناس كثيره حتى شريطيه 


up 2 down 1
سكودر 14927
قبل 7 سنه و 4 شهر



الناس ذمتهم صارت وسيعه حسب الله وبس اهم شي فلوس لو يبيع نفسه اهم شي يأخذ فلوس استغفرالله واتوب اليه


وش يضمنلك انه اشتراه من مطوع او اشتراه وهو ما يدري عن حالته شكله بغى يغشك بس ربي كشفه




ما نقول غير الله يهدي كل بائع ويترك غشه للمسلمين او ياخذه ويريح المسلمين منه "


up 0 down 0
07sbeshal 1344
قبل 7 سنه و 4 شهر



الحمد لله انك ما استعجلت وشريت بدون فحص

قبل اسبوعين كلمني واحد من الشباب من جده شايف موتر في حراج همر اتش 3 بالشرقية وقال لي بالله تفحصه فحص سريع علشان ما أخسر التذكرة

كلمت صاحب السيارة واتفقت معه وفحصت السيارة وطلع الجنب كامل مرشوش مع انه ما ذكر ذلك في الإعلان ولمبة الماكينة شغالة وسألته عنها قال حساس الشكمان واركّب جهاز الفحص في كمبيوتر السيارة ويطلع فيها 10 ملاحظات على حساسات متنوعة والشمعات الأمامية مرمولة وملمعة أكثر من مرة وبحاجة للتغيير والماكينة غير صافية ويقول في الإعلان أن السيارة نظيفة وتصلح للمستخدم

اتصل بخويي وقلت له اصرف النظر عن السيارة خصوصاً أنه صاحبها متمسك بالسعر على أساس أنها نظيفة


up 3 down 0
أبو عبادة 4852
قبل 7 سنه و 4 شهر



يوم قالك الفحص علي 

يبي يحسسك انه واثق بسيارته 

بس كويس انك فحصت




up 1 down 1
t1980 698
قبل 7 سنه و 4 شهر



ياخي ليييه تتعب عمرك خذ لك قرض علئ الي عندك وطق بجديد
او انك تصلر لين بعد رمضان بأسبوعين وروح الشارقه تحصل جي اكس ٢٠١٠ بفلوسك هذي نظيف وعلى الفحص


up 1 down 2
نادرالزهراني 429
قبل 7 سنه و 4 شهر



يا خوي خيره ان شاء الله
و زين انك اصريت ع الفحص وترى هذا الزمن ما تضمن احد 
و نصيحه اذا عندك قيمة موتر جديد لا تتردد واشتري راحة بالك
ووقتك ولا تفكر تاخذ مستعمل ابدا
اهم شيء سيارة جديده توديك وتجيبك وتكفيك عن الناس 
وبإذن الله من 3 الى 5 سنوات تريحك ماتطلبك الا بنزين وزيت
هذا اذا انت من النوع المحافظ و كانت قيادتك هاديه واستخدامك راكد 
موفق ان شاء الله


up 3 down 1
ابو خالد الناصري 476
قبل 7 سنه و 4 شهر



انتبه من الجديد بعضه والله مرشوش وهو اصفار مع القراطيس وشمع الوكاله محد يجيبله خبر
تجربه سابقه


up 1 down 0
مانع المانع 68
قبل 7 سنه و 4 شهر



فعلا مشاكل المستعمل كثيررر

خصوصا انك تفحص وتدفع 300 200

وبعد فتره تجد فيها رش او بلاوي

حتى الفحص بعضهم يتعلم
بعيوني الثنتين شفت المصري راعي فحص الكمبيوتر معه ولده صغير مره بالابتدائي معه كبس نووو ويعلمه الطريقه

يعني الشغله كلها تعلم في تعلم في تعلم

امس يشتغل بمحل فطائر ومعجنات
واليوم يفحص سيارات امريكيه وجيوب غاليه

ويلهط فلووووسك ويقولك تمام ياباشه
وبعد فتره فتره طويله تبي تبيع يفحصها راعيها عند فحص صح فنييين يجدووون بلاوي
الجديد افضل وتفتك من كل شي


up 0 down 0
امير الاصيل 1714
قبل 7 سنه و 4 شهر



ما ودك تتكلم عن سيارة الا اذا انت مطلعها وكالة وما احد يستخدمها غيرك 

الكلام الزايد مثل نقصه ماله قيمة 

بعت سيارة لواحد ويرسلي دعوات لانه ما صدق ان السيارة لم تصب باي سمكره  وحلفت له من وكالتها لم ترش او تسمكر 
بعهتا لولدة وهي موديل 2005 وعند نقل المبيعة قال له شريطي من وين لقيتو هالسيارة البدي قزازة

والله اني بعتها باقل من قيمتها بس لان الولد معجب فيها مره وابوه حالف ما يشتري الا باقل من سومتها 1000 ونزلتها له 

والحمد لله مبسوط والله رزقني بموتر جديد ومبسوط انه بارك لي برمضان رغم بيعتي له من الحج العام الماضي


up 0 down 0
kingksa2015 489
قبل 7 سنه و 4 شهر



شاكر هالمشاركة الطيبة

محد يبيع سي مستعمل زين. ما تتخيل وش واجهت وانا ادور الاس اس لومينا


اللللللله لا يوريك

لكن الله يهل علي و بأخذ قرض و بأخذ وكالة بإذن الله

موفق الجميع و يا رب يبعدهم عن ها لأشكال 


up 1 down 0
darknoor -82
قبل 7 سنه و 4 شهر



هههههههههههههههههههههههه

ياخواني فلوسي هذي   فوق النص دين  الي يقول خذ اقساط والي يقول خذ قرض وانا ماني موظف 

اكيد لو معي  شريت جديد من زمان من النوعيات هذي 


up 2 down 0
مستر12 897
قبل 7 سنه و 4 شهر



من عاش بالحيلة مات فقر 
ومن غشنا ليس منا - (كلام الرسول محمد صلى الله علية وسلم)


up 1 down 0
الرئيس 100 17
قبل 7 سنه و 4 شهر




منذ فتره طويله اشتري اي سياره جديده حتى لو يارس او اكسنت ولا اشتري مستعمل ولا اطب السوق الا اذا بابيع فقط واخذ جميع الاحتياطات الازمه

كله من شبيحه المعارض وشريطيتها لا بارك الله بهم

+1 لايك للجميع


up 0 down 0
Abu-Nawaf 337
قبل 7 سنه و 4 شهر



احسن حل بالنسبة لي لو بغيت اشتري سيارة ..
الفلوس الي معاي ادفعها مقدم للسيارة واطلعها وكالة 
واحسن لي اقسط سنة بسيارة جديدة بدل من هالصداع
فلان غشني وعلان غشني 


up 0 down 0
faisal_fahd -66
قبل 7 سنه و 4 شهر