الفرق بين العكوس والمقصات والاكس

9 1

لايمكنك التصويت حتى الحصول على 20 نقطة على الأقل
إضغط هنا للإخفاء

االخاالدي 3898
قبل 10 سنه و 4 شهر

السلام عليكم ورحمه الله وبركاته
تقبل الله صيامكم وقيامكم


الفرق بين العكوس والمقص والاكس .. 




أول شيء العكوس والاكس هم نفسهم :) 
اللي هي " Axel " وبالعربي معناها " محور " 
وهذا الـ " Axel " أو المحور هو اللي يقوم بنقل الحركه من الدفرنس الى عجلات السياره .. 
طبعاً مستحيل يكون فيه سياره في العالم تمشي بدون عكوس :) 

مشكلة العكوس الأزليه هي : 
انه سيارات السحب الأمامي .. يكون العكس في الأمام ........
ومشكلة هذا العكس انه يتحرك ثلاث حركات .. في آن واحد :( 

1- يدور عشان يمشي السياره .
2- يلف يمين ويسار عشان المنعطفات .
3- يتحرك فوق وتحت بسبب المطبات .

لذلك العكس لازم يكون مرن عشان ينقل الحركه الى العجلات الأماميه وفي نفس الوقت يتحرك الحركات الثلاثه اللي ذكرتها .. 

عشان كذا العكس الأمامي يكون فيه ( مفصلات ) عشان الالتفاف .. وطبعاً ومش موجوده في العكس الخلفي .. 

هذي المفصلات تحتاج الى " الشحم " باستمرار عشان تدور بسلاسه .. 
وعشان لا يطلع الشحم من المفصلات .. تكون المفصلات مغطاه بجلد .. اللي هي " جلد العكوس " . 
اش اللي يصير بعد كذا ؟!! 

اللي يصير بعد فتره من الزمن ( سنه أو سنتين ) تتقطع جلد العكوس ويخرج الشحم .. وتسير المفصلات تدور بدون شحم ( يعني احتكاك حديد × حديد ) عشان كذا يطلع صوت طقطقة العكوس عند الالتفاف .. 

لذلك من الضروري انك تغير ( راس العكس الخارجي ) أو اذا ما يجي لحاله .. الله يعينك غير عكس كامل :eek: 



بالنسبه للمقص .. 
هو الجزء اللي يربط العجلة بجسم السياره ( الشاسيه ) .. ويكون مثبت جهة الشاسيه ، والطرف الثاني يتحرك مع العجلة .. ويحتوي على جلده أو ربر ( Rubber ) .. تسمى أحياناً ( جوزه)
واذا تلفت لازم تتغير .. 

آسف على الإطاله :) وان شاء الله تكون الصوره واضحه عندكم


اخواني انا افكر بالمستقبل تجديد ماركيز وابي اخليها سياره رسميه بداخل المدينه اروح فيها مناسبات 

اي مديل تفضلون ابي تصويت

إبلاغ

الردود