في معارض دبي ومعارض الشارقة كلها طيبة واسعارهم مناسبة وارخص من هنا بكثير طبعا اتكلم عن السيارات النظيفة
الوارد الامريكي ابعد عنه عشان مشاكل السالفج والجمرك والمقاييس
الجمارك ياخذون 5 في المية وتقدر تجيب من 2009 وفوق
وكالة تويوتا للفطيم منتشرة فروعها بدبي 

بالنسبة لبطاقة السكانية 
ابحث بالموقع تحصل ناس يستخرجونها لك
وتقدر تجيب السيارة بلوحات الامارات 

اخر موديل ماعليه جمرك بشرط انك تاخذ ورقة من البايع اسمها مقاصة ومن ناحية المستعمل صدقني من يوم يعرفون انك سعودي يرفعون عليك من 10-15 الف يعني ماتستاهل انك تتعنى فيها

لكم كلكم لايك على ردودكم 

طيب هل صحيح اذا طلعت بطاقة سكانية ماتقدر تاخذ من البنك العقاري 

^^^ بالتوفيق ومثل ما قال الاخ acoordian عندك معارض دبي ومعارض الشارقة واسعارهم مناسبة وارخص من هنا بكثير ابعد عن الامريكي والسيارات من 2009 تدخل , اذا رجعت بالسلامه خبرنا عن الوضع لاني ابي اروح بعد رمضان ان شاء الله تعالى

و+1 لايك للجميع

موضوع مر علي بنقله لك  من اجل ان تحذرٍ 

السلام عليكم ورحمة الله 
نصائح اوجهها لمن أراد ان يشتري سياره من الإمارات 
انا كانت لي تجارب في شراء سيارات من الإمارات وعرفت عنها الكثير 
فهناك قد تجد سياره رخيصة الثمن بفارق سعر عنا هنا في السعوديه بـ 20 الف او ممكن يصل إلى 40 الف او 15 الف ويكون شكل السيارة أكثر جاذبيه في موديلها الحديث ونظافتها الظاهريه و تدني سعرها 

هناك الكثير تعرض لأحتيال من قبل النصابين في الإمارات وهم من عدة فئات من جنسيات عربيه و للأسف إماراتيين هدفهم جمع المال مهما كان و لاعنده خشية لله 

فأذكر حادثه لشخص أشتر باترول 2009 بسعر 120 الف من الإمارات وبعدها عمل له تنجيد كامل يعدما رجع إلى السعودية ليكتشف إنه تعرض للغش و أن الموتر مقلوب ! 

و حادثه أخره أحد الأخوه أشتر لاند كروزر 2006 بسعر 70 درهم وقال البائع للمشتري إن الموتر نظيف وليس به أي سمكره إلا رش من الجانبيين بسبب إن الموتر كان في التوقيف لمدة تقارب السنة وهذا سبب الرش 
و أكتشف الأخ إن الموتر مقلوب بعد أشهر من شراءه و للأسف البائع إماراتي الجنسيه 

و آخر أشترى جمس سيرا 2009 بسعر 45 الف درهم ليكتشف بعدها إن الموتر به مشاكل ميكانيكيه و الشاصيه وصلته ضربه بسبب حادث و هيئة الموصافات و المقاييس لم تمرر الموتر بسبب لمبة الإيرباق ( وتم ترهيم لمبة الإيرباق في أحدى الورش وبعدها أجتاز هيئة الموصافات -
ومن حظه إن صاحب المعرض شخص أمين عوضه 10.000 على هذه المشكله بعد أن خيره أسترجاع الموتر , وكان شخص شغال في المعرض من النصابين أشترط أسترجاع الموتر أن يشتريه بـ 20.000 درهم للأسف جنسيته إماراتي .

وقبل شهر شخص أعرفه أشترى لاند كروزر 2007 جي اكس ار من العين ليكتشف بعدما رجع لسعودية إن الموتر مقلوب قلبات كثيره و الشاصي مضروب والبائع لم يوضح له العيوب 
الخلاصه هنا :

لا تثق بكلام أي حد بينك وبين البائع الفحص ولو كان ولد عمك او اخوك 

هناك في معارض دبي في منطقة الخور مركز فحص حكومي لسيارات أسمه RTA فهو مضمون بإذن الله 100/100 وسعر الفحص كامل 250 درهم وهناك فحص بـ 25 درهم يفحص فقط رقم الشاصي من أجل إجراءات التصدير 

وهنا ملاحظه مهمه :

في سيارات في دبي تستورد من أمريكا او غيرها فهي لتصدير او لتشليح و لا تعطى رخصة الأستعمال 

لأن إجرءات في دبي شديده لو الموتر به خلل لن يسمح بإستعماله فهو يعاد تصدير إما لسعودية او لروسيا او لليمن وغيره او يستخدم قطع غيار 
وانا تعاملت مع إماراتيين أنعم و أكرم فيهم صدق و أمان 
وفيه فئه للأسف المابادئ ضايعه في الغش و السرقه والذمه عنده واسعه

يعطيكم ربي الف عافية لاكن ممكن تفيدوني بموضوع البطاقة السكانية هل هي تمنع القرض العقاري 

ما اعتقد انها تمنعك من القرض العقاري 

ﻻن الشغلة انك بتستفيد من البطاقة وتسترزق منها 

هذا اللي اعرفه 

لكن انت تاكد من الموضوع 

طيب الكماري اسعارها كيف هناك ٢٠١٠ و ٢٠١١ 
وكم ياخذون الجمارك 
كيف حسبتها كم با المية من قيمت السيارة وكيف اطلع الحسبة 

اخوي البطاقة السكانية مالها دخل بالقرض العقاري.وإذا ودك ببرادو وكالة اشتري من بني ياس من المعارض وارد بهوان ارخص .والكوامري فالعوير.ارخص ونظاف.اما الوارد قبل ماتشتري شيك عليه من كارفكس.وان شاء الله تتوفق في مسعاك

السلام عليكم ورحمه الله وبركاته

بالنسبه لمعارض مدينه العين النصب واضح والشارقه واضح والجنسيات معروفه

لكن الصدق موجود ايضا 

بحكم سكني في مدينه العين رايت وسمعت العديد من القصص عن سيارات التصدير

معارض مدينه العين اغلب تجارها من السعوديين الاصل او اليمنيين او العمانيين 

العوديين عوائل معروفه منها الاحبابي وهم الاكثر -- والقحطاني والدوسري وووو

واليمنيين من عائله الكثيري والعمودي وووو

والعمانيين من عائله الشامسي والكعبي و الهنائي وووو

يعني ما نصب عليك الا ابن بلدك ههههههه بدون زعل 

والشتم بالاخير للاماراتي 

( البيع من سعودي بالامارات لسعودي راجع السعوديه)  طلع النصاب اماراتي كيف؟ 
 
والاخوان اللي مروا المعارض يقدرون يثبتون هذل الكلام

البطاقه السكانيه..تستاجر فندق بالشارقه..ويكون معاك سند الفندق.وتروح الجوازات وتسالهم عن البطاقه السكانيه.ويدلوك على الكاونتر،ويسالك كم سؤال،قوله الصراحه انك بتجلس اسبوع،او عشره ايام،وتدفع الرسوم،ويعطوك بعدها ورقه مراجعه لهيئة الامارات الهويه تدفع رسومها ٢٧٠ وتبصم ،وكم من يوم والا البطاقه بجيبك.يعني يكون معاك جواز سفر وايصال الفندق،والرسوم كلها ماتوصل ٧٠٠،والمعارض اذا عجبتك سياره ،اتفق مع صاحب المعرض ،انك بتفحصها ،في مكان اسمه قرية تسجيل،ياخذون منك ٣٥٠،ويفحص لك السياره كامل،حتى الشاص يفحصه لك بالكمبيوتر،يعني اقل ضربه ،بتبين معاك،والبويه ،عاد انت وشطارتك تعرف اذا مرشوشه او لا والافضل تاخذ معاك جهاز الكشف اللي مثل القلم.واذا بتفحص السياره كمبيوتر،القطع الكهربائية،عندك ورشة مكه.بالصناعيه رقم ٦.وفي ورشه اسمها عثمان..ونصيحه لاتفحص بالمحلات اللي عند المعارض..٠٠٩٧١٥٥٥٦٩٩٦٣٣واتس اب اللي يبغى يستفسر عن اي شي بالامارات.الشارقه.،

ربي يوفقك يارب وكل من رد 
اجل ابكلمك واتس ان شاء الله

انا شغال بمجال السيارات من الامارات وامريكي والسعودية 
اشتري من السعوديه الفرق بسيط اذا هنا شغالين بمجال السيارات نعاني مشاكل من الأجانب الي متجنسين إماراتي 
الأسعار مافيها فرق بسيط من ٥٠٠٠ آلاف الي ٨٠٠٠ آلاف هذي للي فاهم بالسيارات يعني شريطي اذا انت مستخدم مابتقدر تشتري بتتعب وبينضحك عليك لأنك من فاهم فيها وإذا استعنت من شخص من نفس الامارات راح يضحكو عليك وأكثر سيارات الإمارات المستوره من امريكي تدخل عندهم مصدومه ويصلحونها ويجيك الي من خارج الامارات السعوديه الطيبين ولايهونون ويتضخم عليهم
بالعربي اشتر من السعوديه 
من سوق جده مفتوح
وإذا احتجت شي
انا حاضر
٠٥٠٥٨٨٨٨٤٣