كيف استعمل الدبل لاندكروزر 2003 ساعدوني الله يرزقكم الجنة

الدبل فيه هذي الرموز :
H2 : وهذا دفع خلفي فقط للسرعات العالية . ودائما السيارة تكون عليه.
N : هذا يعني (الفاضي) يكون القير مفصول تماما .
H4 : ويعني دفع رباعي على سرعات عاليه يعني فوق ال 60 . ويسمونه الدبل الخفيف .
L4 : هذا دفع رباعي على سرعات بطيئة اقل من 60 . ويسمونه الدبل الثقيل .

وعلشان تشبك الدبل لازم يكون القير على ال N

جزاك الله خير ، لكن كيف اطفئ الدبل تماما و امشي بالدفع الخلفي فقط
وما فائدة N الموجود في قير الدبل ؟ واعذرني على كثرة الاسئله

اذا تبغى تطفيه لازم يكون على H2 

وبالنسبه ل N هو ماله فايده على حد علمي .

بس موديل السيارة قديم مافيه H2 
الموجود  H

الطريقة الصحيحة

توقف السيارة تماما وتحط القير على N
بعدين تحط الدبل على H4 
هذا اذا بغيت تسحب شي ثقيل أو في الرمل 

ممكن تمشي به لغاية سرعة 80 ردمية او مرتفعات 

اذا حبيت ترجع للوضع الطبيعي 
توقف ثاني مره والقير على N
وترجع الدبل على H2

وبعدين تعشق على D وتكمل طريقك 

يستحسن الانتظار 15 ثانية بعد كل تعشيقة دبل

سواء كان الدبل ازرار او عصا 
طريقة الاستخدام وحده 

بعض الجيوب الي دبلها يدوي بسيط مثل الباجيرو والباترول موديلات التسعينات كانت تلقم والموتر يمشي 60 عادي

طيب اخوي شيكت على دبل الزر اللي تحت زر الفلشر

وأذا تبي تعرف انه مفصول تحط الدبل الى قدام قريب الديكور وبس

يعني واضح لو انه معشق الدبل يرتفع من امام

يا اخوان قير الدبل يحوي ثلاث نمر H و N و L4
و القير الرئيسي يحتوي على P-R-D-D2-D3
السؤال كيف افصل الدبل و امشي بالدفع الخلفي ؟
السيارة لاندكروزر 2003

ابو عمر شهر مبارك وكل عام وانت بخير  
الدبل اذا على وضع H معناه انه في الوضع الطبيعي 
N هذا الوضع الفاضي السيارة عليه ماتمشي لا ورا ولا قدام نهائياً يستخدم في حال غرز الموتر ولا بد من سحبه 
L 4 هذا الدبل الثقيل 
الدبل الخفيف له زر في الطبلون في حال احتجت له تقوم بضغط الزر ويتحول الدفع الى رباعي
كيف تفصل الدبل 
انت اذا شغلت الدبل ثقيل او خفيف تولع لمبة في الطبلون لونها اخضر وتعني ان الدبل شغال وبمجرد اعادة عصى الدبل الى وضع H  في حال انك كنت تستخدم الثقيل او طفيت الزر حق الدبل الخفيف اللمبة في الطبلون بتطفي على طول ومعناته ان السيارة رجعت للوضع الطبيعي

جزاك الله خير يافور سبيد

العصا اللي جنب القير هذا دبل ثقيل فقط
تبي تشبكه تسحب القير على ورا تحطه L4
تبي تفصله دف العصا بحركه سريعه للامام على H
يُفضل انك ماتستعمل الثقيل الا بأوقات الحاجه مثلاً طحت برباضه او تبي تسحب احد
ولا تشبك الثقيل الا بعد الوقوف تماماً و وضع القير على N
و كذلك اذا جيت تفصله نفس الطريقه تتوقف و القير على N و تحرك العصا للامام
اما الدبل الخفيف ماعندك مشكله اشبكه وانت تمشي اضغط على الزر (يفضل تكون سرعتك تحت 60 كم)
و مكان الدبل الخفيف الزر اللي تحت الفليشر

مثل ما قال نواف عبدالله وفور سبيد اتوقع فهمت من كلامهم وبعدين لو الدبل يشتغل كان ولعت معك اللمبة في الطبلون بس انت تحس انه ثقيل وهو اساسا كذا ترى الجيب خصوصا اللاند ثقيل شوي في قومته فلا تشيل هم

اذا احد عنده نفس هذا الدبل ٣نمرات والخفيف زر تحت الفليشر هذا النوع من الدبل هذا دفع رباعي مستمر
وتقدر تفصله وتخليه دفع خلفي فقط لكن يحتاج فك غطاء الدبل الخلفي ولا يضر بشي ابد

ياخوان استفسار
عن الزر الموجود تحت الفلشر على شكل الاربع كفرات والاماميه لافه هل هذا هو الدبل الخيف ولا وش وضعه