كامري2008 او ازيرا 2008 او سوناتاv6 تكون افيدوني ادخلو

السياره الخدومه الكامري بس العزل مو ذاك الزود الازيرا والسوناتا نفس بعض خاصة الـ 6 سلندر .. ارشح الكامري ثم السوناتا ثم الازيرا

كامري _  بعدين ازيره     بعدين السوناتا

انا ماجربت الا الكامري    لكن با الخط      اعتقد الازيره اقوى اعتقد ماجربته 

الكامري عازله مهو جيد مره

لكن صبوره جدا انا كل اسبوعين امشي فيها 1400 كيلو

أنا أرشح الازيرا ولاتقارن الكامري بها لا في عزم ولا رساوه 
أستغرب من الشباب إلي يقولون كامري 

اذا كان مراهق ومتهور ابعد عن الكامري لانها تخلي العاقل مهبول والسوناتا
الازيرا تخليه راكد في السواقة ووسائل الامان اعلى 

الأفضل الأزيرا تلقاها مديل 2009 في حدود 39 انتبه تجي مكينتين 3.3 و 3.8 

انا افضل الازيرا اشوفها افضل وحدة فيهم من ناحية المميزات مقابل المبلغ المدفوع ..

خذله ازيرا .. مالك ومال الكامري 4 سلندر وتنقص زيت .. وشكل عقيم من داخل مافيه شي يفتح النفس

انا ارش الكامري اذا كنت طفران  للكرف وللصبر 
وارشح كمان السوناتا من اجل الفخامه طبعاً اتكلم عن الجديده 2015
انا الازيرا مادخلت راسي منظرها حلو بس ماهو مقنع 

انا ارشح له السوناتا.ﻻنه اكيد امريكي 6سلندر.سيفتي وحمايه وعزل افظل من الكامري والازيرا .المكينة حق الازيرا 

ان بغيت الرساوة اللي لو يفك يده على سرعة 180 تمشي سيده الازيرا فيها ثقل ورساوة مهيب صاحية ومجربين الازيرا يشهدون لي خصوصا الموديل هاذا واحد من اخويانا يمتلك 2008 ماشاء الله تبارك الله ترقى مطب توطى جفره الموتر سيده عزم خذ خصوصا 3.8 لكن افضل تاخذ له 3.3 يقولون والله اعلم انها مشاكل اقل لأن مكينتها نفس مكينة السوناتا 6 سلندر مع اني احس مافيه فرق والبلاء في الاستخدام وانا امتلك كيا اوبريس 3.8 ما اشتكيت ولله الحمد من اي شي بس تعرف سواليف الناس ... والازيرا بالعكس خياااار ممتاز وتسوى في السوق يعني حتى لو جيت تبيع بعدين ماتشيل تجيب قيمة لأن الناس عارفين انها موتر مايحتاج مركب وقيادة وعزم ورساوة


بعدها تجي السوناتا بس انها خبلة خفيفة نفس وريشة اخف من الازيرا ورساوتها مايحتاج كنت امتلك وحدة امريكية في الخط امشي 200 220 والله بيد وحدة اخذ المنعطفات


وماعليش لاصحاب التويوتا تقارنون رساوة السوناتا القديمة والازيرا بالكامري والله ماتصف جنبها عمليا الكامري كويسة صحيح لكن حتى السوناتا والازيرا عملية وانا كنت امتلك سوناتا 2006 3سنوات ومشلخها خطوط وماشيه 300 الف والله ماغيرت الا قطع استهلاكية المكينة ذي مافكيتها ولا ادري عنها والازيرا كذلك خوينا يمتلكها وانا 24 ساعة معه ماقد اختلف وضعها ماشاء الله ... عموما انا ذكرت الكلام هاذا عشان اكون واضح وصريح معك بدال ما تشتري كامري وتنخدع فيها ثمن تلعب به في الخط ولا تتحسف على عزمها

الكامري أفضل وحدة فيهم ...

معروف ان تويوتا حق كرف وخدومة

جرب الازيرا و صدقني راح تكنسل الكامري و السوناتا ... لان السوناتا اخف من الازيرا ... تبي رساوة و امان و عزم ؟؟ ازيرا اكيد


تبي سيارة 4 سلندر و وزن ريشة و قطع غيار ماهي رخيصة و رساوتها صفر خذ لك كامري ....... تبي سيارة 6 سلندر و رساوة جيدة و عزم حلو ؟ خذ لك سوناتا 6 سلندر


اتوقع انك اذا قريت كلامي راح تستبعد الكامري ... طبعا خليك من اللي محجره عقولهم على التويوتا ... لكن لو تدخل في القائمة كمان كامري 6 سلندر امريكي من 2008 الى 2010 بقولك وقتها اختار يا كامري امريكي او ازيرا ولا تناظر لغيرهم اببببد


لكن كامري ابو جميل لاتقربها نصيححححححه

و طبيعي انت منزل موضوعك ف قسم التويوتا وش تتوقع بيقولون لك !! قليل بالزمن ذا تلقى شخص صادق

انا امتلك كامري امريكي 4 سلندر لاتفكر تاخذ الا 6 سلندرررر


موفق

شف يا حبيبنا قبل كل شي الأزيرا تعتبر فئة أعلى من السوناتا والكامري

يعني الأزيرا تقارنها (كمكينة ومواصفات وسواقة وامان) مع الأفالون والماكسيما

لكن كاستخدام ما استخدمتها لكن أشوف كل من استخدمها يمدحها ويمدح قطعها طبعا أنا أتكلم عن مكينة 3.3 لتر 

بالنسبة لي شخصياً يهمني سعر البيع ولذلك لو اني مكانك باخذ الكامري غير كذا خيار الأول بيكون أزيرا