أضف سؤال أو موضوع جديد          

بشوف سياره اليوم بعرف اذا ناقص عداده كيف وش اسوي تفضلو

up 1 down 0
مستر12 897
قبل 11 سنه



السـلام عليكم ورحمة الله وبركاتة 




انا فحصت الى حد الان 2   برادو مالقيت فيهم  خير 




الاول منقص طبلونه ومغيره كل ابوابه 
الثاني . يقول مرشوش صدمة فقط الامامي     طلع مافي شي سليم الا الابابين اليمين  
تخسرت على الثاني فحص 500 ريال 




المهم  حصلت لي واحد في موقع حراج  امس بالليل وكلمت صاحبه 
اعتقد انه من جنسية ثانيه

المهم موصفاته 2012 برادو  سته سلندر  ماشي ماوصل 46  الف    فيه بابين مغيرات + رفرف ومرشوش كل الجنب
فقط هذي العيوب  قير اتومتيك 
وطالب فيه 95 الف  في مفاوضه يمكن يحسبه 91 92 
وش ريكم
ماهمني ابي استخدم اشوف مشيه اذا الله احيانه بتمشيني 4 سنوات بعده ارميه ماحتاجه 

لكن كلمته قبل شوي قالي برسلك البكستاني      اخاف يصير فيني مثل اول

محتار    ابي اعرف  شلون اعرف انه ماشيه اكثير ولا منقص ولا شي     يقول اخر تشيك با الوكالة30 الف







إبلاغ إبلاغ



سيارات للبيع

الردود


الله يسعدك ويرضا عليك 
بالنسبة لمبلغ الفحص المفروض يدفعه ( راعي السيارة ) في حال كانت نتيجة الفحص مختلفة عن كلامه .

* أول خطوة : تتفق مع راعي السيارة على الشرط وتكون قيمة فحص السيارة عليه اذا اختلفت نتيجة الفحص عن الكلام اللي قاله لك 
تكون قيمة الفحص عليه وخله يدفع ثمن " كذبه وغشه " .
* الخطوة الثانية : اطلب برنت عن السيارة "برقم الهيكل" من وكيلها و انسى موضوع اللوحة لأن ممكن تتعرض للتحايل . 


up 2 down 0
a.aljaaidi 88
قبل 11 سنه



سياره مع سواق نادرا تكون نظيف والدليل ابواب مغيره ورفارف مسمكره


up 1 down 0
ahmad alhodali 400
قبل 11 سنه



اول شيء ليه تدفع قيمة الفحص انت اتفق معه من البداية اذا طلع في الموتر شيء غير اللي قاله لك هو يتحمل الفحص وثاني شيء وش تبي بموتر مرشوش ترا ما تدري سبب الرش وشو ووين راشه وكيف الموتر بعد الرش تهريب هواء وﻻ موية وماتقدر تفحص الامور كلها ذي في كم دقيقة وبخصوص الموتر اللي بتفحصه اليوم الارجح انه رايح فيها مادام قال انه بيرسل الباكستاني عشان لا طلع شيء في الموتر الباكستاني يقول مدري عنه وراعي الموتر بيصرفك وبتتكدد قيمة الفحص 


up 0 down 0



امس كلمت رجال سعودي  

الي يقول الصدام مرشوش      يقول  اي حكه تجيني ارشه ونسيت اقولك  

وانا تحملت قيمة الفحص 500 ريال  با مركز متخصص  حتى السوداني قال هي كثير عليه 65  


up 0 down 0
مستر12 897
قبل 11 سنه



انا اعرف طريقه للهلكسات بس م ادري تنفع لسيارات الثانيه ولا لا

الطريقه تشغل السياره وتشغل المكيف وتمشي حول 40 اذا شفت العداد حق الظغط يلعب خفيف اعرف انها مصفره


up 2 down 1
حربي اتكيت -24
قبل 11 سنه



اخوي دام قالك برسل الباكستاني  اكيد في مصيبه بالسياره ومايبي يطيح وجهه 
لكن دق عليه وقول له اذا طلع فيه شي غير ماذكرت الحساب عليك وشوف ايش يقولك 

وانتبه من الصدمه بالوجه لاتاخذه لو ب٥٠ 


up 2 down 0
سيزو 420
قبل 11 سنه



الله يعينك على تدوير المستعمل في زمن الغش والنصب الا من رحم الله 

نصيحتي لك اذا تبي تعرف الممشى حقيقي : تروح للفحص الدوري تقول ابي برنت عن الفحص السنين الماضيه لانهم يسجلون الممشى وشوف الممشى في السنوات الماضية اذا هو كثير يعني ملعوب في العداد 

طبعا هالطريقة قالي عنها واحد وانا شخصيا لم اجربها اذا فيه احد جربها يفيدنا 


up 2 down 0
شليطيح 5017
قبل 11 سنه



انا عارض موتري للبيع فوتشنر ،،2006 شرط محركات وبدي سليم وعلى الفحص اذا تبين ان فيه شي قيمة الفحص علي ،، المفترض اي سياره تفحصها ويتبين فيها شي يتحملها البائع اذا كان خلاف ماقال ،، وموفق ان شاء الله


up 1 down 0
امير الاصيل 1714
قبل 11 سنه



نصيحه مني لوجه ووالله اني اعتبرك مثل اخوي 
انحش من هذه السياره وشوف لك سياره استخدام شخصي وحشمه 


up 1 down 0



واعتذر من الرجال وشوف سياره ثانيه 


up 1 down 0



لا تتسرع وروح افحصه 


up 0 down 0
fasool95 317
قبل 11 سنه



ياخوي لاتوجع راسك خذلك جديد واذا كان الجديد غالي خلي فلوسك دفعة اولى ويصير القسط قلييييل


up 1 down 0
خيال الجزيرة 45
قبل 11 سنه



حتى ذلخين مسوين عروض على البرادو 2013


up 1 down 0
خيال الجزيرة 45
قبل 11 سنه



انت تقول فحصت سيارتين الاول منقص طبلونه ؛ كيف عرفت ؟ 

خلاص طبقونفس الطريقة على السيارة اللي تبي تفحصها ؛ والله يرزقك السيارة الطيبه 


up 1 down 1
سآآآل 318
قبل 11 سنه



ياخوي والله العظيم خذ نصيحة مجرب 
والله ثم والله اغلب السياراة المعروضة للبيع رايحة فيها 
نصيحة لاتتورط مثلي انا شريت واكتشفت بلاوي وبعتها

مثل ماقالوا الاخوان اشرط عليه يدفع قيمة الفحص اذا تبين شيء غير كلامه 
لا تدفع لو تجيب الشرطة حتى لو صار مشكلة لا تستحي وتدفع ترا مانكبنا الا الحيا وتكعها من جيبك تفحص سيارات الناس 

او الخيار الامثل والأفضل والاكمل حط هـ ال95 دفعة واشتر جديد يطلع  القسط قليل مرة وتنعم براحة بأذن الله 5 سنين بدون قروشة ومشاكل مع السيارة اذا حافظت عليها


up 1 down 0
أبو مششعل 266
قبل 11 سنه



اسمع قبل تفحص اشرط عليه اذا طلع فيه شي خلاف اللي قاله هو يتحمل الفحص


up 1 down 0
xpoldx 1432
قبل 11 سنه



كليت هواء مره ثالثه  وتخسرت 

طلع فيها السياره دفرنس فيه احتكاك والشاصي مايل والسياره لفه يمين تحتاج سحب 

:(        شكل الدراهم الي جمعته  تبي تطير با الفحص ومايصفي لي الا سعر اكسنت


up 1 down 0
مستر12 897
قبل 11 سنه



كان الله في عونك.قهر والله ولكن وعسى ان تكرهوا شيئا وهو خير لكم


up 0 down 0
ابو فارس10 358
قبل 11 سنه