أضف سؤال أو موضوع جديد          

بشوف سياره اليوم بعرف اذا ناقص عداده كيف وش اسوي تفضلو

up 1 down 0
مستر12 861
قبل 4 سنه و 8 شهر



السـلام عليكم ورحمة الله وبركاتة 




انا فحصت الى حد الان 2   برادو مالقيت فيهم  خير 




الاول منقص طبلونه ومغيره كل ابوابه 
الثاني . يقول مرشوش صدمة فقط الامامي     طلع مافي شي سليم الا الابابين اليمين  
تخسرت على الثاني فحص 500 ريال 




المهم  حصلت لي واحد في موقع حراج  امس بالليل وكلمت صاحبه 
اعتقد انه من جنسية ثانيه

المهم موصفاته 2012 برادو  سته سلندر  ماشي ماوصل 46  الف    فيه بابين مغيرات + رفرف ومرشوش كل الجنب
فقط هذي العيوب  قير اتومتيك 
وطالب فيه 95 الف  في مفاوضه يمكن يحسبه 91 92 
وش ريكم
ماهمني ابي استخدم اشوف مشيه اذا الله احيانه بتمشيني 4 سنوات بعده ارميه ماحتاجه 

لكن كلمته قبل شوي قالي برسلك البكستاني      اخاف يصير فيني مثل اول

محتار    ابي اعرف  شلون اعرف انه ماشيه اكثير ولا منقص ولا شي     يقول اخر تشيك با الوكالة30 الف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يسعدك ويرضا عليك 
بالنسبة لمبلغ الفحص المفروض يدفعه ( راعي السيارة ) في حال كانت نتيجة الفحص مختلفة عن كلامه .

* أول خطوة : تتفق مع راعي السيارة على الشرط وتكون قيمة فحص السيارة عليه اذا اختلفت نتيجة الفحص عن الكلام اللي قاله لك 
تكون قيمة الفحص عليه وخله يدفع ثمن " كذبه وغشه " .
* الخطوة الثانية : اطلب برنت عن السيارة "برقم الهيكل" من وكيلها و انسى موضوع اللوحة لأن ممكن تتعرض للتحايل . 


up 2 down 0
a.aljaaidi 89
قبل 4 سنه و 8 شهر



سياره مع سواق نادرا تكون نظيف والدليل ابواب مغيره ورفارف مسمكره


up 1 down 0
ahmad alhodali 399
قبل 4 سنه و 8 شهر



اول شيء ليه تدفع قيمة الفحص انت اتفق معه من البداية اذا طلع في الموتر شيء غير اللي قاله لك هو يتحمل الفحص وثاني شيء وش تبي بموتر مرشوش ترا ما تدري سبب الرش وشو ووين راشه وكيف الموتر بعد الرش تهريب هواء وﻻ موية وماتقدر تفحص الامور كلها ذي في كم دقيقة وبخصوص الموتر اللي بتفحصه اليوم الارجح انه رايح فيها مادام قال انه بيرسل الباكستاني عشان لا طلع شيء في الموتر الباكستاني يقول مدري عنه وراعي الموتر بيصرفك وبتتكدد قيمة الفحص 


up 0 down 0
ابوابراهيم ksa 1385
قبل 4 سنه و 8 شهر



امس كلمت رجال سعودي  

الي يقول الصدام مرشوش      يقول  اي حكه تجيني ارشه ونسيت اقولك  

وانا تحملت قيمة الفحص 500 ريال  با مركز متخصص  حتى السوداني قال هي كثير عليه 65  


up 0 down 0
مستر12 861
قبل 4 سنه و 8 شهر



انا اعرف طريقه للهلكسات بس م ادري تنفع لسيارات الثانيه ولا لا

الطريقه تشغل السياره وتشغل المكيف وتمشي حول 40 اذا شفت العداد حق الظغط يلعب خفيف اعرف انها مصفره


up 2 down 1
حربي اتكيت -22
قبل 4 سنه و 8 شهر



اخوي دام قالك برسل الباكستاني  اكيد في مصيبه بالسياره ومايبي يطيح وجهه 
لكن دق عليه وقول له اذا طلع فيه شي غير ماذكرت الحساب عليك وشوف ايش يقولك 

وانتبه من الصدمه بالوجه لاتاخذه لو ب٥٠ 


up 2 down 0
سيزو 422
قبل 4 سنه و 8 شهر



الله يعينك على تدوير المستعمل في زمن الغش والنصب الا من رحم الله 

نصيحتي لك اذا تبي تعرف الممشى حقيقي : تروح للفحص الدوري تقول ابي برنت عن الفحص السنين الماضيه لانهم يسجلون الممشى وشوف الممشى في السنوات الماضية اذا هو كثير يعني ملعوب في العداد 

طبعا هالطريقة قالي عنها واحد وانا شخصيا لم اجربها اذا فيه احد جربها يفيدنا 


up 2 down 0
شليطيح 5019
قبل 4 سنه و 8 شهر



انا عارض موتري للبيع فوتشنر ،،2006 شرط محركات وبدي سليم وعلى الفحص اذا تبين ان فيه شي قيمة الفحص علي ،، المفترض اي سياره تفحصها ويتبين فيها شي يتحملها البائع اذا كان خلاف ماقال ،، وموفق ان شاء الله


up 1 down 0
امير الاصيل 1669
قبل 4 سنه و 8 شهر



نصيحه مني لوجه ووالله اني اعتبرك مثل اخوي 
انحش من هذه السياره وشوف لك سياره استخدام شخصي وحشمه 


up 1 down 0
أبــوســالــم 773
قبل 4 سنه و 8 شهر



واعتذر من الرجال وشوف سياره ثانيه 


up 1 down 0
أبــوســالــم 773
قبل 4 سنه و 8 شهر



لا تتسرع وروح افحصه 


up 0 down 0
316
قبل 4 سنه و 8 شهر



ياخوي لاتوجع راسك خذلك جديد واذا كان الجديد غالي خلي فلوسك دفعة اولى ويصير القسط قلييييل


up 1 down 0
خيال الجزيرة 45
قبل 4 سنه و 8 شهر



حتى ذلخين مسوين عروض على البرادو 2013


up 1 down 0
خيال الجزيرة 45
قبل 4 سنه و 8 شهر



انت تقول فحصت سيارتين الاول منقص طبلونه ؛ كيف عرفت ؟ 

خلاص طبقونفس الطريقة على السيارة اللي تبي تفحصها ؛ والله يرزقك السيارة الطيبه 


up 1 down 1
سآآآل 319
قبل 4 سنه و 8 شهر



ياخوي والله العظيم خذ نصيحة مجرب 
والله ثم والله اغلب السياراة المعروضة للبيع رايحة فيها 
نصيحة لاتتورط مثلي انا شريت واكتشفت بلاوي وبعتها

مثل ماقالوا الاخوان اشرط عليه يدفع قيمة الفحص اذا تبين شيء غير كلامه 
لا تدفع لو تجيب الشرطة حتى لو صار مشكلة لا تستحي وتدفع ترا مانكبنا الا الحيا وتكعها من جيبك تفحص سيارات الناس 

او الخيار الامثل والأفضل والاكمل حط هـ ال95 دفعة واشتر جديد يطلع  القسط قليل مرة وتنعم براحة بأذن الله 5 سنين بدون قروشة ومشاكل مع السيارة اذا حافظت عليها


up 1 down 0
أبو مششعل 262
قبل 4 سنه و 8 شهر



اسمع قبل تفحص اشرط عليه اذا طلع فيه شي خلاف اللي قاله هو يتحمل الفحص


up 1 down 0
xpoldx 1430
قبل 4 سنه و 8 شهر



كليت هواء مره ثالثه  وتخسرت 

طلع فيها السياره دفرنس فيه احتكاك والشاصي مايل والسياره لفه يمين تحتاج سحب 

:(        شكل الدراهم الي جمعته  تبي تطير با الفحص ومايصفي لي الا سعر اكسنت


up 1 down 0
مستر12 861
قبل 4 سنه و 8 شهر



كان الله في عونك.قهر والله ولكن وعسى ان تكرهوا شيئا وهو خير لكم


up 0 down 0
ابو فارس10 358
قبل 4 سنه و 8 شهر