الهوك أو الدعامة

من راقب الناس مات هما"

ياخوي بعض الناس تعذرهم دخله يادوب يعيشه هو وعيال وخايف على سيارته
ويشوفها بنتلي ويحط دعامات من خوفه عليها يعني ﻻقدر االله صارت حادث وتضرر الصدام والغلط عليه

ماعنده فلوس يمكن يعني دخله محدووود ويبي يحافظ على سيارته

عشانه غشيم ودايم يحك بالصدام فحط دعامات عشان لا حك بالسياره اللي قدامه او وراه ما يتضرر الصدام ويعيد رشه من جديد

بس اللي يتضرر الحديد او الدعامه

وهي مخالفه على السيارات الصغيره

والكبيره ايضا ولكن احيانا يمشونك

شكلها مشوهة

غير كذا بيضر غيرة فقط لو الجقه بسيطه وهو ما يجيه شيء

لو بمواقف المولات مثلا بيضر غيرة ويمشي و يخليه

ياخي هذا لو صدمك من ورا وش مصير موترك؟ انانيه قسم بالله 

الله يهديه اخوي كان مركب الشنكار في موتري اللي يجي في الصدام الامامي وانا موقف في مواقف حديقة اﻻ يجيك ولد شباب وهو مايدري ويدق بركبته فيه اﻻ وجه الضعيف متلوي وانزل له واتعذر منه وعلى طول فكيته ﻻنه مافيه فايدة اﻻ في حالة السحب لكن بعض الناس ماادري ليه تحطه

الهوك في السيارات الامريكية مختلف جدا 
عن الي نشوفة في الجيوب ويكون بارز 
وييضر خلق الله
انا اتمنئ تكون كل السيارات الهوك الي فيها مثله 

الجموس يركبها لك على الشاصيه 
يعني ﻻقدر الله احد صدمه بقوه 
بدل مايغير شئ بصير ا ﻻ هو في 
تعديل شاصيه وغيره 
المفروض اي دوريه تشوفه توقفه 
الين يشيله اﻻ اذا كان مستخدم سله 
خلفيه بعضهم مخلي السله الخلفيه 
وهو ماستخدمها 

عبيطه شوي حركة راعي الكورلا 

لو يفك له بالصدام الامامي فتحة للشنكار مثل الكامري ويركب شنكار طويل ومن الخلف هوك اطلق بكثير من الصدامات هاذي على سياره صغيره 

هذا مبالغ وواضح قاصده وخر عني واوخر عنك يعني انتبه لاتلحم فيني ولا تقرب مني 

اصلا ضرر الصدام اكبر من نفعه 

يطعج الشاص اثناء الحوادث لانه متصل بالشاص

انا مره واحد راعي اكسنت مركب شنكار حق السحب طبعا ملصق باللي قدامه اجيك انا مفهي ماشفتها وتخبط رجلي فيها ياشيخ والله ياهي تعوووووور قاعد انطنط مثل الخبل هههههههههه من الوجع تحسبت الله عليه ومشيت ترى لاتحسب الشنكار يعدم سيارات الناس بالعكس مع حادث مو قوي مره يعفط عليك الشاصيه 

مرحبا بالجميع 
هذا انسان نظره محدود جدا جدا، لان التأمييييين مايغطي سيارته الي لها دعامه مثل هذيلو صدم حد ، التأمين حقه مراح يغطيه ، يعني ضر نفسه بنفسه الله يعينه ع عقليتهمدري خبال والا انانية والا حرص غبي والا والا مافي عاقل يسوي سواته !!!!!بعدين الظاهر الاخ متأثر وعشمان ، ويتمنى لاندكروزر ، بس الله ما اراد هههههههه قام حط دعامه عشان يقرب الصورة لنفسة انه راكب جيب!!!!!!
زين ماحط الاستبه بالخلف ههههههههههه وكتب بقلم 4X4 
وانا اقترح عليه يركب مساحة بالقزاز الخلفي عشان تكتمل الفكرة 
بعدين في العضو ابو جود ....عنه صاحب الهوك ال ٥ متر ،، الي فقع الكابرس بالهوك حقه ويشوف الافكار الشريرة الصح

السلام عليكم جميعا 


اول شيء عندي سوال بسيط لو تسمحون لي ؟

الكوروﻻ  ذي لك يا صاحب الموضوع !

اكيد جوابك (((( ﻻ )))) طيب سوال ثاني وش لكم فيه سيارته وهو حر فيها 

إن شاء الله يسوي عشرين دعامه زي ذي . سيارته وهو حر فيها 

اذا دفعت فيها ريال تعال تكلم وعلى قولت صاحب الرد الأول( من راقب الناس مات هما )

وصراحة اهنيه على الفكره وان كان مخرب شكل السياره بس صراحه الواحد

ما يدري وش يسوي عشين يحافظ على سيارته 

ومعليش يا صاحب الموضوع ياليت المره الجايه اذا صورت سياره أحد

ما تعرفه تطمس اللوحة عشين  انت ما ترضى أحد يصور سيارتك بدون 

اذنك وينزل صورها ويقول شوفو وش سوا بسيارته ويستهزئ بذوقك

بعض الاحيان احتاج مثله بسبب بعض العينات

انا افكر فيها ان شاءالله بركب مثل المرسيدس بالخلف

لحد يجي ويقول الغلط بيكون عليك ومدري ايش

اللي يصدمني ماضربت ع يده وقلت اصدم !!!!