أضف سؤال أو موضوع جديد          

السيارة صارت حديقة ومحل خضره

up 23 down 14
أنيق 17573
قبل 9 سنه و 4 شهر



صبحكم الله بالخير ياشباب
أبشركم لقيت موضوع عن السيارات وأنا في نظري أن هالحركه مالها داعي في هالوقت
ياترى وشي هالحركه الي يسوونها الشباب ؟؟؟
زبرقة السيارة وهباله ورده وأخذلها علف وبرسيم زهر فل بدون ريحه ومنتف بعد وحطه فوق الكبوت ،، وعلى القزاز حط علف على شكل قلب هههههههه أقصد سيارة العريس هههههه
لييييش ياخي ؟؟؟
الحين الرجال خطب له مره وراح عند بنك الراجحي قرض علطوول عشان شهر الغسل قصدي العسل بسسس!! لاغير
وراح مكتب إجار السيارات وأستاجر بانوراما وسواق خاص وراح أقرب محل (تزيين السيارة بالورود والعلف) ركزو على الي بين القوسين لأن هذا موضوعي !!!
وزين السيارة 2500 ورود وعلف !!! ليييش هاللخبطه والإسراف ؟ أنت كذا ترى كلها يوم بس وتروح عند التكروني يفركلك الورود والعلف والبدي 15 ريال ؟ وراحت الألفين صح ؟؟ شفت أنك منسم :) زي الأفلون هههههاي كفففك
وتدري أنك مسبب للناس قلق بالشوارع وزحمه ودقدقت بواري والله ولا موكب أميير ياشيخ ههههههه ترى كل هذا بالقرض يعني ديون بديون !!! حركات ياذكي ههههاي
المهم تدري أنك بالورود الي تحطها على القزاز ممكن تعميك وتخليك تصفق لك بعمود أنت والمعزبه ،، لأنك ماتشوف إلا من القلب الي قدامك هههه ياخي خلك عادي لازم تعلم أهل الرياض كلهم ؟؟؟
ترى ياكثر العزاب قسم لو يناظر فيك الواحد قسم ليصكك عييين لتروح أنت والمره على الطواري وبأسعاف فان هونداي 2002
ولا تتمشى بعد ماتطلع أنت والعروسه ويترصد لك واحد من هالعزابيه وطاردك ولا يضرك بشي !!! أنتبه وأنا واحد منهم هههههه لاوالله كل ماشوف عريس أدعيله بالبركه وأعزز له ببوري الفورد :) نسيت البوري خربان مشي مشي عندنا حنجره تنفض الدايري هههه ماشاء الله عليها
المهم
زينة السيارة بالورود هاذي فكره خارجه وليست من طبايعنا لأن مالها داعي وممكن تسبب حوادث الهمج ماتعرف تسوق بينهم كأنك بمدينة ألعاب خل تسوق وأنت حاط ورود عالقزاز يعني غلط
أيضا تلفت النظر وممكن تصيبك عين من بعض الناس الذين ماعندهم مقدره على الزواج يعني لازم تراعي مشاعرنا ياخوي
والحل أنك تروح بسيارتك وليس أجار وتغسلها وتنظفها وبلاش الورود والخرابيط وتروح الصاله وأنت مرتاح وتوقف سيارتك طبيعي وإذا طلعت على الكرنيش إذا عندكم بحر ولا عالثمامة إذا أنت من الرياض وتتمشى وأنت براحه ماحد يتربص فيك ولا أحد يصكك بعين
ماودي أطول عليكم لكن الخلاصه تزيين السيارة بالورود أضراره أكثر من إيجابياته في نظري
والموضوع مايحلى إلا بآرائكم وأنا أتعلم منكم لأنكم صراحه أساتذه وخبراء في هذا المنتدى الي صار أحلى بوجودكم
تحياتي لكم
&أنيق&












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اقصد المسار الايمن متأثر بماليزيا


up 1 down 0
elantra 6639 482
قبل 9 سنه و 4 شهر



والله صدقت لما قلت. وانت تسوق بين الناس تحس انك بمدينة.  العاب.  العالم دبش سواقتهم غشامه وخاصة شباب الرياض. همجججج  مو مثل شباب جده محترمين بقيادتهم لسيارات وشكرا 


up 0 down 2
k.s.a.1 61
قبل 9 سنه