أضف سؤال أو موضوع جديد          

؟ اف جي ولا تشارجر ولا لكزس؟

up 1 down 0
بــــنــــدر 318
قبل 7 سنه و شهر



السلام عليكم 

ياشباب وشرايكم بين هل مواتر 

اف جي من موديل 2009 وطالع ع حسب النظافة 

ولا تشارجر من موديل 2011 وطالع فل ستة سلندر 

ولا لكزس  gs من موديل 2006 الى 2010 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تشارجر وانت مغمض اقوى واحلى واوسع وافخم


up 9 down 4
صهيب أحمد 31
قبل 7 سنه و شهر



الاف جي ما يتقارن بلكزس او تشارجر فئته تختلف
اذا تبي جيب اف جي اما اذا تبي سيدان التشارجر



up 2 down 2
سراب9 176
قبل 7 سنه و شهر



انا اشوف لك لكزس جي اس احسن من ناحية التكنلوجيا اما التشارجر بتلقاها ملعوب فيها لعب وانا اتفق مع كلام الاخ كنق المواتر انت ماحددت وش تبي الموتر له بالظبط اعذرني مقارنتك صعبهه


up 3 down 1
حربي اتكيت -24
قبل 7 سنه و شهر



والله اني مدري يالربع بس الاف جي معجبني فية مايردة شي رصيف نفود سيل كلش 

التشارجر شكل وشبابية 

اللكزس فخامة 


up 1 down 2
بــــنــــدر 318
قبل 7 سنه و شهر



^^^^^
جرب تركبها لو اجار


up 2 down 0
سراب9 176
قبل 7 سنه و شهر



اذا انت منتاب راعي بران ونفود وشوله تاخذ الافجي يعني مع احترامي لملاكه اتوقع ماينطربون عليه الا في البر غير كذا ما اشتريه لو بريال اولا ضيق من جوا ومراتبه مهيب مريحة ودبته ازعاج كنك في دباب وشكله سيئ لكن في البر خذ موتر يعني اذا انت منتاب راعي بران كثيرة ونفود وشوله تاخذه صحيح انه عملي وقوي لكن خله لأهله اذا منتاب في حاجته


بالنسبة للتشارجر فهي فئة تختلف سيارة رياضية نوعا ما رسمية نسبيا قوة طرب لكن لاتاخذ ستاندر شكله سيئ ياخذ فل كامل ستة سلندر ولا هون عن الموتر وطق لك gs وفك عمرك

ولا تستعجل شف واستخر واستشر ومايمنع انك تاخذ جولة في موقع حراج على جميع فئات السيارات والشركات يمكن يطلع معك موتر ثاني ... تقبل مروري


up 3 down 0
a.ibrahem 3167
قبل 7 سنه و شهر



تشارجر سته سلندر عز الله ماخذيت موتر  خذ هيمي ولالاتاخذ اف جي حلو من ٢٠٠٩ وفوق. لكزس فخم وراحه بس خلك علئ ٣٠٠جي اس او ٣٥٠ حقت شيوخ 


up 2 down 1
سكودر 14928
قبل 7 سنه و شهر



ابعد عن الشارجر تشتريها ب١٣٠ بعد اسبوع تبيعها ب٩٠


up 2 down 2
maximum speed 578
قبل 7 سنه و شهر



^^^^^^
وليش يبيعها بعد اسبوع ؟!
واساسا مايطيح في اسبوع الا سعر الجديد اصفار والاخ واضح انه مب ماخذ جديد اصفاار
اما المستعمل مايطيح واجد الا بعد فتره



up 1 down 1
سراب9 176
قبل 7 سنه و شهر



افجي يشتريه اصفار ب١٣٠ يستخدمه سنتين يبيعه ب١١٠


up 2 down 0
maximum speed 578
قبل 7 سنه و شهر



ماتدري الواحد يمكن يحتاج فلوس


up 1 down 0
maximum speed 578
قبل 7 سنه و شهر



ومعروفه شارجر ٢٠٠٦ تلاقيها ب٢٥ الف الحين حتى الكرلا اغلى منها


up 1 down 0
maximum speed 578
قبل 7 سنه و شهر



اختر انت من بين ثلاث اشياء 

ارتفاع عن الارض وطلعات بر ؛ مع عدم راحة وقلة عزل ؛

فخامه ؛ وعزل ممتاز ؛ وراحه ؛ وسياره لها سمعتها بالسعوديه ؛ 

شكل ؛ هيبه ؛ اتساع ؛ ماعرف عن التشارجر واجد :p 

~~~ وطالما انت معجب ف الاف جي ؛ جربه مثل ماقال سراب ؛ اذا ناسبك رووح ؛ 


up 1 down 0
سآآآل 318
قبل 7 سنه و شهر



خذ الاف جي اضمن لدراهمك وكد ومد


up 0 down 0
ابو عبد العزيز 305 417
قبل 7 سنه و شهر



اذا راعي بر خذ اف جي راعي مدن زي ما يقولون خذ تشارجر 


up 1 down 0
fahad11-11 160
قبل 7 سنه و شهر



الله يعطيكم العافية 

بجرب المواتر واستخير وشوف وش الزين واذا عندكم خيارات سيارات  ثانية تكون شبابية 


up 0 down 0
بــــنــــدر 318
قبل 7 سنه و شهر



عندك كيا كادينزا اوريون جراندي اوبتيما فل وسيارة انصحك تروح وتشوفها عجبتني كثير وحلوة فيوجن 2014 االشكل الجديد


up 0 down 0
صهيب أحمد 31
قبل 7 سنه و شهر



السلام عليكم
انا اشتريت تشارجر ٢٠١٢ من المتحدة بـ ١٠٧،٠٠٠ ريال 
الان السياره ماشيه ٧٥،٠٠٠ كيلو تقريبا
السياره معاي لها سنتين ونص تقريبا
السياره ثبات في السفر هدوء رساوه كلام كبير الصراحه




لكن اقسم بجلال رب السموات والارض اني ندمت كثر شعر راسي اني اشتريتها
سياره زباله الله يكرمكم 
وكاله قمه في القذاره واللف والدوران




السياره كانت ماشيه ٥٠،٠٠٠ الف
دخلتها الوكاله فيها مشاكل 
١- عامود توازن (( قطعه المفترض ماتخرب من الاستخدام العادي ))
٢- كراسي ماكينه + كراسي مساعدات + كرسي القير + كراسي البدي الاماميه
٣- مقصات واذرعه 
٤- بكرة شداد
هذا طبعا غير القطع الاستهلاكية مثل فحمات هوبات الخ الخ




كلها خربت والسياره مامشت الا ٥٠،٠٠٠ كيلو !!!
والوكاله تقولي هذي كلها قطع استهلاكية تبي تغيرها على حسابك ومراعاة لك نخصم لك بـ قيمة اجور اليد 
قيمة القطع التقريبية بـ ٢٢،٠٠٠ ريال 




اشتكيت ولا حياة لمن تنادي 
اخر شي عفت الموتر وكرهته ونزلت المعارض في بداية رمضان بالم،ت جابت ٤٥،٠٠٠ ريال 




بالله وش اسوي احرقها من القهر !!!
شاري اظاهر كرتون مو سياره اذا عمود التوزان يخرب والسياره جديده
مابقى كرسي بالسياره ما خرب
تسوقها الحين كانك راكب ددسن ٨٥ من القربعه الي تحت 




مع العلم مشاويري البيت الدوام الدوام البيت وسافرت عليها لما كانت جديده كم مره للجده ومكه




والله انصح اي احد بياخذها مو يعيد التفكير لا
ينحااااااااااااااااااااااااااااااااااااااااش وبقوه


up 0 down 0
adeeb-ja 5
قبل 7 سنه