ابي واسطه في برنامج الملك عبدالله للأبتعاث الخارجي وله سعي

يارجال قدم وربك يحلها واتوقع انتهاء التقديم للمرحله التاسعه 
اخوي قبل كان مقدم وهو فاقد الامل بس قال خلني اجرب وبالفعل قبلوه وراح اخذ البكالوريوس 
والحين مقدم ماستر (ماجستير) المرحله التاسعه وانصحك اذا انت تحب الدراسه كمل اما اذا تبيها فله وتماشي فخلك عند اهلك احسن لك
واذا تبي معلومات عن الابتعاث وكيفيه التقديم واي شي زور موقع مبتعث راح تحصل كل شي واذا ساألت راح يدلونك 

الله يرزقك أخوي
خل واسطتك رب العالمين 
خلي أملك بالله قوي وإن شاء الله ربي بيرزقك

اهلا







انا جتني فرصتين ابتعاث و ما قدمت عليها

الاولى بعد الثانوية

الثانية بعد دبلوم كلية تقنية


في الثانوية كنت افضل اصحابي بالانجليزي ( امشي الحال !!! )

حتى ان واحد من اصحابي يكره الانجليزي حتى الايميل عامله في جواب لأنه عربي !

كلمني نقدم على ابتعاث انا قلت اليه ما اشوف نفسي فيه قدم انت

قدم وقبلوه و الآن تخرج من سنة و اشتغل بعد معاناة بحث عن وظيفة دامت لـ 9 شهور

حتى انه قال لي تعال معي وانا بدفع كل شي ( عليك التاشيرة و الطائرة بس ) وكله سمستر وتصير على حساب الحكومة ولكن رفضت


كنت اعمل بمؤسسة مقاولات و ادرس عن بعد بنفس الوقت بكالوريس ادارة اعمال

اما الان فانا عاطل وان شاء الله اتخرج السمستر القادم

وابحث عن الماجستير و بعده الدكتوراه ( ان شاء الله )

اخوي عمر الزمان انا الحين باقي لي اخر فصل واتخرج دبلوم تقنية كيف اسجل بالابتعاث وكم طالبين معدل لاهنت !!

لعنِ الله ال سروق وابو متعس البغل الاهبل

اهلا







bin badr

بصراحه ما ادري ويش الشروط الان

لأن انا تخرجت سنة 1430

وكان شروطهم المعدل من جديد جدا ( يعني 3.75 واعلى )

قدم وانا اخوك 
والله العظيم واخد من الشباب داج قدم وانقبل بس كان يروح ويجي علئ معاملته
وانا ماتوقعت بيسافر ابد 

أخي لو خليت موضوعك بدون (و له سعي) يكون أدرأ للشبهات
بارك الله بك

قال تعالى { ومن يتوكل على الله فهو حسبه } 

أنت قدم وعليك بالاستغفار وباذن الله تنقبل

لو انا مكانك انقبل بالحلال او انزفض احسن من هاللي تسويه ويعتبر رشوه وغضب من الله ومابتتوفق بدراستك

عسى ربي يوفقك 

اذا عندك فلوس زايده ؛ 

اطلع دولة مثل ماليزيا ؛ اسعارهم معقوله ؛ ادرس انجليزي ع حسابك الخاص  ؛ وقدم ع البعثات ؛ تجي اوقات الملك يضمهم كلهم لحسابه ؛ وسلامتك   

عندي لك واصطه قويه قويه قويه    ٢+٢+٢. رقعتين الساعه ثنتين مع دمعتين بصدق نيه والله ان الله ليفرجها عليك

سلام عليكم،،، يا غالي ما يبغالها واسطة،،، اهم ٣ شروط: 
١- نسبة الثانوية من 90 و فوق
٢- قدرات من 80 و فوق 
٣- التحصيلي من 80 و فوق 
اذا عندك الشروط الثلاثة هذه انا من الان أقلك انت ان شاء الله مقبول،
انا من مبتعثي المرحلة السادسة و الله لا واسطة و لا هم يحزنون بس ع أيامنا كانوا طالبين ٧٠ في القدرات و التحصيلي،
و أتذكر ايام الملتقيات التوعوية قبل لا نسافر كانوا يقولوا ما عندنا عدد معين كل من قدم و كان مطابق للشروط اخذناه،،،
و موفق ان شاء الله،،،،

خلك بالجامعات السعودية اقلها بين اهلك وناسك 
قدم على جامعة تبوك دراسه سهله ومعدلات حلوه و الاردن قريبة 
نص المبتعثين وخريجي الجامعات السعوديه متسدحين ببيوتهم لا وظايف وتحديث بحافز